Ka Makaainana, Volume VI, Number 20, 16 November 1896 — Page 3

Ka Makaainana.

 

HONOLULU, OAHU, POAKAHI, NOVEMABA 16, 1896

 

PATRICK CULLEN.

 

Ahai ka Pupuhi a Noho Kokoolua no Koolau o Kalalau.

 

            Auwina la Poalua, la 3 nei, i mahuka ai o Patrick Cullen (Pate Kulina) mai ka halepaahao aku o Kawa. Aia no ka maopopo ana ua haohaoia no kona hoi ole aku iloko, oiai, he paahao oia i hooko pono i na rula a iloko no oia e hana ai me ka aeia e hele ma o a maanei, a mai loko a waho, mamuli hoi o kona hilinaiia, a i ka huliia ana aku hoi iwaho, ua puehu ka hulu a e waiho ana kona aahu paahao. He pepehikanaka kona hewa i paa ai i kiia e ia kekahi Pake me ka pua a make i ka La Konohi o 1895 ilalo o Koolau aenei, oiai no hoi makou e paa pio ana iloko o Kawa. Imua o ke kau kiure o Feberuari, o ia makahiki no, oia i hookolokoloia ai , a ahewaia a hoopaiia no elima makahiki hana oolea.

 

            Ua nui na oleloia no kahi ona i mahuka ai a ua nee ae ka huliia o na kuahiwi a me ke kiaiia o ka nuku pali o Nuuanu, me ka manaoia ua hoi no kona wahi, aohe nae i loaa iki. Ua hoohuoiia no hoi owai la kona mea nana oia i kokua, a ua oleloia he wahine ka maluna o kekahi kaapio, Poaono, la 7 nei, i hoike ae ai ka nupepa Hoku i ka inoa o kona mea nana i kokua, oia ka o Henry Crane, a ua maopopo no ka hoi ke kaapio me kona hookele. Ua kiaiia no hoi na moku holo a pau.

 

            A i ka Poaha ae hoi i hele aku ai kekahi kanaka e hoike i ka Halewai ua ike oia iaia i kela auwina la no i mahuka ai i kai o ka uwapo a ua holo no Kauai maluna o ka mokumahu Waialeale. Wahi o ka hoike a ua mea la, ua kamaaina oia ia Pate Kulina, a ua ike oia i kona hoonaona i kai o ka uwapo me ka luhe o ka lala o ka papale ilalo a nalo kona ike pono ia aku, eia nae, ua ike aku la no oia a haohao iho la pehea la oia i hemo ai, oiai, he elima ona makahiki hoopaahao. Me keia lono i loaa, ua hoouna koke ia he palapala i ka Ilamuku ma ka mokumahu Kimo Maki o ia ahiahi, oiai, ma ka mokumahu Mikahala o ke ahiahi Poalua aku i holo ai oia no ka hoonoho ana i ko Kauai Makai Nui hou, i @ ina ko L. M. Balauwina wahi i lilo i Maui. I ka ninauia ana i ke keena kii palapala o ka hui mokumahu i kai o ka uwapo, ua hoomaopopoia kona inoa, ua hoopaa hoi hope ia ka inoa hope

 

            Ua oleloia o ke kumu nana oia i ume e holo i Kauai, no laila kana wahine a aia ilaila ka kahi i noho ai, i Haena me Kalalau, me kahi palaka hou, a i holo aku la ka ola e hooko i kona inaina maluna @, a ua hopo hopia hoi o hanaio aku no oia pela. Ma ka Waialeale mai no nae hoi o ka Poaono iho i loheia mai ai aohe oia i hoomaopopoia iluna o ka moku, no kona noho paa loa iloko o kona keena, aka, i ke ku ana i o a lele oia iuka, ua ikeia aku oia. Wahi a ka hoomaoeia mai oiai ka ka Ilamuku e telepone ana i Waimea, e holo ae ana kela maluna o ke kahi lio no Kalalau a aia ke noho kokoolua la me ke kaeaea Koolau. He $50 makana a ka Hop Ilamuku i hoolaha ae ke paa oia i ka hopuia. Hookahi ona lima i pepee a ano maloo me he lolo la, a iloko ia lima o kona pakeke e hoopumehana mau ai. Ua waiho aku nei ka Ilamuku i ka hana me Hope Ilamuku Kone, o Lihue, no ka hoomau aku i ka imi ana a loaa ka mea holo mahuka mai ka malu aku o ke kanawai.

 

Hoike Kula Sabati o Kauai.

 

            E malamaia ana ka hoike hui o na Kula Sabati o Kauai Hikina ma ka luakini o Kilauea, ke hiki aku i ke Sabati, la 27 o Dekemaba, M. H. 1896, hora 10 a.m. Ke konoia aku nei na Kula Sabati a pau e hoomaopopo pono i ka lakou mau haawina a me na himeni hui, e like me ka papa kuhikuhi malalo iho:

 

            Himeni Wehe, aoaoa 210 o ka Hoku Ao. Pule o J Kaauwai Himeni hui, aoao 104 o ka Euanelio. Lulu o na Kula Sabati. Himeni hui aoao 0144 Lei Alii. Kula Sabati o Kapaa; o ka lakou haawina o na mahina holookoa o Ianuari, Feberuari a me Maraki o keia makahiki. Himeni hui, aoao 124, Hoku Ao. Kula Sabati o Anehola haawina o Aperila, Mei a me Iune. Himeni hui, aoao 251, Hoku Ao. Kula Sabati o Koolau; haawina o Iulai a me Augate. Himeni hui, aoao 202, Hoku Ao. Kula Sabati o Kilauea; haawina o Sepatemaba a me Okatoba. Himeni hui, aoao 162, Hoku Ao. Kula Sabati o Hanalei; haawina o Novemaba a me Dekemaba. Kela a me keia Himeni hookuu, aoao 277 o ka Hoku Ao ka olelo, aoao 23 o ka Hoku Ao ka loo. Pule o S Kaili.

 

            Ma ke kauoha a ke Lahu Kula Sabati Nui o Kauai Hikina, ma o

 

                        GEO. W. MAHIKOA,

                        Kakauolelo

 

            Lehulehu na poe i kipa aku e hoomaikai i ke Kuhina o ko na Aina E no ka mauawa i ka Poalima, Okatoba 23, e like no me ke ano maa mau. Ia kakahiaka no i hoolahaia ae ai kona hookohuia ma ia kulana. Nui no ka hana a kahi kanaka.

 

            Poaha, Okatoba 29, i hookohuia ai o E. G. Hikikoki i Lunakanawai Kaapuni ma kahi o A. Rosa, i waiho aku. Kakahiaka Poalima ae i hoolahaia ai. A ma kona wahi hoi ma ke kulana Makai Nui o Hawaii, ua paniia aku ia me L. Anaru, Makai Nai o Maui. Ua kau aku laua a elua ma ke Kinau o kakahiaka Poalima ae me na lauoho a umiumi ulaula no o laua.

 

Hoolele Baluna—Owai ko Luna?

 

            I ka auwina la o ka La Pule, Okatoba 25, ua ikeia e kekahi poe lehulehu ka lele ana ae o kekahi baluna maluna o keia kalanakauhalo a e laweia ana e ka makani e pa ana no ka hema. E lewalewa iho ana no hoi he loulu a me kekahi kanaka, aole nae hoi i hoomaopopoia ia wa, aku, ua koho wale ia ae no me he la o Pi Ki Keoni paha, e hoi hou mai ana e noi i manawa hou  nona e imi dala aku ai no ka waihona olohaka o ke Aupuni, a i ahona wale no nae hoi i ko Kamu Kaimana, ona banako, kokua ae. Ua halahu loa nae hoi ia koho ana, no ka mea, ua lele loa aku no ka hema a nalowale loa. Mahope mai nei i maopopo ai he mea hookuukuu wale no na kekahi poe mai luna mai o Puowaina, ma ke ano hoopuiwa paha hoi i ko ke kulanakauhale nei poe. A o ke kanaka hoi o luna, he mea epa wale no ka; aole no ka he kaua ka io, aka, he mea ua hoohalike ia. Ua epa ao ka hoi.

 

Komo Haule a Loaa Hou.

 

            Oiai kekahi haole ohua o ka mokumahu Kopetica, iaia ma nei awa i Okatoba 19 aku nei, ua haule aku kona komo lima gula me ka onohi daimana a me na momi iloko o ke kai, iaia hoi e lawelawe lima ana i ua komo la. Nui kona minamina no nei komo, a i ka ninauia ana aku e kekahi mea heaha la kana haawi ke luuia a loaa, ua hoike ae oia he $50. Ua kiiia o J. K. Iaukea o ke alahukimoku a nana hoi i luu me kona aahu luu a loaa, a ua haawiia ka uku makana iaia. He  L 50 ($250) ka aka waiwai io o ua komo la, a ua hauoli no hoi ka ona i ka loaa hou ana mai ke kai, kahi hoi ana i manao ai o kahi no ia e waiho aku ai no ka wa i ike ole ia o nei mua aku, a na ke kai aku paha hoi e huai a kaniai ae i ka la.

 

            Ke mau nei ko P. O’Sulivana, i ku ulia ai i ka poka, malalo o na lawelawe ana a kona kauka, me ka hiki no nae hoi ke hele i kana hana he mea haawi me@inu o ka haleinu rama Kalaikiliona o Kale Makate.

                       

            He aha hoolaulea ko luna o ka mokukaua Adamu i ka auwina la Poalima, la 6 nei, O ka hope loa ia a huli aku oia no Mea Ailani i kahi la ma nei mua iho, i hakalia wale no i ke kali i kona pani, ka mokukaua Aleti, i ke ku koke ole mai. Na ka Hui Kawaihau na leo mele.

 

He hoopuoho pauahi ko kakahiaka nui poniponi loa o ka Poaono, la 7 nei, no luna o ko kiapa Alakene Bese, e ku nei ma ka uwapo Pakipika, no kekahi ahua opaio ka i Pniumi a hoomuuia ilalo o ka lua. I ka ikeia ana o ka punohu uwahi na hoike koke ia a kani ke oeoe hoailona kinaiahi, a @amua ae hoi o ka hiki ana aku o na kaawai, ua weheia ke pani o ka lua a niniia me kekahi mau pakeke wai a pio. Aohe poino i loaa.

 

C. B. DWIGHT

[Kale Kuaika

 

Mea Hana Pohaku Kaekae Alanui, ha He

Kupapau a me na Kia Hoomanao Mahala.

 

            E Loaa no oia ma kona wahi none ma Koiuiu, Honolulu nei. Telepona Helu 833.

17-1mk

 

HOOLAHA HOOKAPU

 

            Ke hoolahaia aku nei ma keia ua hookapu a papa loa ia ka lawaia ana ma ke kai o na aina o ke Kahua Hanai Holoholona Puuhe [Puuhue Ranch], a pela no hoi ke kiki pu ana mauka o ke kula. O na poe a pau e kue ana, e hoopiiia no ma ke kanawai.

 

                                    PALMER P. WOODS

                                    Luna Nui.

Puuhue, Kohala, Hawaii, Okatoba 7, ‘96

Okt. 12-2ml.

 

MORIKAWA,

Ka Oi ma Kana Hana.

 

            Ua nee ae nei kona hale hana mai

Alanui Betela a i ka Halelio o

Akana, Alanui Konia, Mauka

o Alanui Hotele.

 

Amara a mea Hana Kaa me ke Kapili Kapuai Hao Lio

 

Oluolu loa ka uku o ka hana, i hik@

ole i na poe e ae ke lihi launa aku.

           jun 8—3ml.

 

Hui Papa a Kukulu Hale Oahu.

OAHU LUMBER & BUILDING CO.

 

            Leleo, Alanui Moi, kokoke @ Kahua o ka Hui Alahao o Aina Oahu.

 

Poe Kalepa Laau, Hana Aelike

a me Kukulu Hale.

Poe Hookomo Mai a Hoolilo

aku i na

Puka, Olepelepe, Kui,

Pepa, Pena, Aila,

Na Pono Kamana,

A pela aku, a pela aku.

Telepone 53.   Pahu Leta.

@

 

HELE HOOLUOLU

O. R.  L. CO.

 

MA NA POAONO A ME NA LA PULE

 

            E haalele mai no na Kaamahu i na hora 9:15 A.M. a me 1:45 P.M., a hoe hou mai i Honolulu nei ma na hora 3:00 ame 5:55 P.M.

 

Na Palapala Uku Puni

                                    Papa 1             Papa 2

Manana                       $ .75                $ .50

Mahiko o Ewa             1.00                  .75

Waianae                      1.50                1.25

F. C. Smith,

Agena Ohua a Palapala Nui

feb 10-tf

 

AHI

[PAIKII.]

 

Helu 89                       Alanui Nuuanu

            PAIKII—Owau no nei, o ke oukou he kamaaina kahiko loa. E kipa mai, he emi loa na kii e na ano a pau ma ko`u hale paikii.

 

            NA LAKO HALE—Oluolu a makepono ka ke kuai ana o na Moe, Noho, Koki, Pahu-lole, Pahu-ume, Pahu-ku, Pahu-kupapau, Pela, Uluna, Moena, a pela aku. Emi loa.

 

            E loaa no kumuk@ maikai kupono no ke Keleawe a me ke Kepau.

@