Ka Makaainana, Volume VI, Number 22, 30 November 1896 — Page 7
HONOLULU, OAHU, POAKAHI, NOVEMABA 30, 1896. 7
NA AINA MAMAO.
-
Mau Lono Huikau mai kela a
me keia Wahi Like Ole.
Wiwo ko Tureke Suletana ia Farani.
Mamuli o kekahi haiolelo a ko Farani Kuhina o ko na. Aina E i haawi ai imua o ka Hale o na Elele, pela ka hoikeia mai Parisa o ka la 8 nei, e pili ana no ke kulana o na hana ma Tureke, ua lilo ia i haawina maikai loa maluna o ke Suletana a ua kauhola iho la ka manao iluna a iloko ona o ka ae mai i na mea ana Mana e koi aku nei iaia, a ua loaa mai hoi na hopena i upu mua ole ia mamua. Ua oleloia i ka wa i loaa aku ai i ke Suletana mai ka Emebasedoa Tureke aku o kekahi hoike telegarapa o kela haiolelo, ua hoouna ae oia i kekahi o kona mau kakauolelo i ka Emebasedoa Farani, a ua hooikaika aku oia ma o ke kakauolelo la ua hoea io mai ka wa no ke Suletana e hooko ai i kekahi mau hana, i mea e hooia hou aku ai i ko ka lehulehu manao a e na ai hoi ko Europa mau manao uluku. Aohe ka ka elele Farani i kamailio aku me ke ano hopohopo ole, a ua hoikeia aku keia kukai kamailio holookoa ana e ke kakauolelo i ke Suletana, a, wahi a ka lono i wawaia ae, ua hoomaopopo iho no paha hoi oia ua hala ka wa no ka hoapaapa ana. O ka hua mai o keia, ua kipa ike ae ka Emebasedoa Tureke ma Parisa i ke Keena o ko na Aina E i ka la mamua iho a hoike aku la i ke Kuhina ua hooholo ke Suletana e hooko aku i na hoomaemae ana ma ke ano laulaha a kuio loa.
Hana Like na Mana a Pau Kupilikii.
Wahi a ka nupepa Garafica Puka La o Ladana, o ka la 8 nei, mamuli o ka haawi pio awiwi ana aku o ke Suletana i ka Emebasedoa Farani ma Tureke, he hoike ana ia ua pau loa ke kupilikii a me ke kunana o Europa, a ua hooholo hoi na Mana no kekahi kahua hana a lakou e hooko like ai. A o ka nupepa Nu Hou Puka La hoi, ua hoike ae i ka hiki ole o na hoomaemae ana i manaoia ke hookoia aku aia wale no a ua loaa aku ia Farani ko Rusia kokua oiaio a maopopo loa.
He palapala hoi no Viena aku ka i loaa a e hoolahaia ae ana e ka nupepa Standard o Ladana, e olelo ana ua lonoia ua loaa ia Farani ko Rusia kokua ana ma ka hooponopono hou ana ae i ko Tureke kulana pili dala ma ke kahua o ka hoomaluia aku e Europa. Ua pakui ae kela palapala aia ma Sana Peterobuga i nei wa ka agena o na poe Farani e paa nei i na bona o Tureke. E olelo ae ana hoi nei nupepa o keia mau hana a Farani a me Rusia ma Konakinopela, ua like loa ia me kekahi ae ana ua pono a pololei maoli no o Beritania Nui i na wa a pau ma ka manao ana mamuli wale no o ka ikaika a me ka hookikina ana e loaa ai ka mea kupono loa.
Na Hoomaemae i Manaoia e Tureke.
Iwaena o na mea a ke Suletana i ae ai e hooko aku, o ia ka hoopau aku i ka Vali o Diabekiri no kana mau hana i lawelawe ai ma na hana hoohaunaele malaila, a ua hooko kokeia no nei manao. E paniia aku ana kahi o ka Vali i hoopauia e Kalida Be, peresidena o ka Aha Hookolokolo Karaima.
Ua lonoia hoi mai Konakinopela na hoomaopopoia malaila e hoopau a o hoopaneeia ana ka noho ana o kekahi aha hookolokolo kuikawa i hookohuia ai mamuli o ke ala ana ae o na hana hiena luku wale. Ua hoouna telegarama aku ke Aupuni i na kiaaina kaua a pau, e hoike aku ana la lakou aia maluna o lakou ke koikoi no na hana hookahe koko ma keia mua aku.
He palapala ka i loaa ae i ka nupepa Manawa o Parisa i ka la 8 nei mai Konakinopela, e hoike ana he kuahaua e kauoha ana no ka hoopalahalaha loa ia aku o na hoomaemae i oleloia no ka apana o Anatolia maluna o ka emepaea holookoa ka i waihoia aku imua o ka Ahakuka o na Kuhina.
Oiai hoi ke Kuhina Amerika e ao ana i na poe mikanele Amerika e noho ma ko lakou mau wahi o ka hana ma Anatolia, ua loaa mai iaia ka aeia no ka hookaawale ana aku i na keiki a na mikanele a na wahi e pakele ai.
Ua hoolahaia ae ka hoonohonoho pili oihana o na hoomaemae a ke Aupuni o Tureke e hooko aku ai e like la me kana i hooia aku ai i na Mana, a ua hoikeia ae no hoi ua loaa aku na ao ana i na luna oihana o na apana no ka hooko koke aku ia mau hana i manaoia.
Ka Europa mau Kauoha ia Tureke.
I keia la, la 8 nei, pela ka lono mai Konakinopela, i hoike aku ai na luna kiekie o na Mana i ke Aupuni aole i hoikeia ae ia lakou na inoa o na elele Otomana ma ke komisina e hooponopono hou ai i ka oihana makai a me ka oihana hookolokolo o Kerete. Ua kue no hoi lakou i ke kauoha e ukuia na auhau i ohiia e ka aha kalepa iloko o ka waihona o ke Aupuni i nei makahiki, a ua aoia aku e uku mua ia ae na luna o ia aha mamua ae o ka hoihoiia ana aku iloko o ka Waihona.
Paa ka Manao Kinai i na Kipi.
No Havana, Cuba, ka lono o ka la 8 nei, ua komo kina ae la o Kapena-Generala Weila ma ke kahua kaua no ke kue aku i na kipi malalo o Anetonio Maceo, ma ka apana o Pina dele Rio. Aia ka na koa Sepania ke hookokoke loa aku la i na kipi.
Ia kakahiaka i haalele ai o Generala Weila ia Havana maluna o ka mokukaua Legezape no Mariele. Mai ia wahi aku e hele ai oia no ka hema ma ke alanui akea ma Atemisa. Ke hooiliia la na kokua ikaika loa no ke kakoo aku i ke Kapena Generala ma kana mau hoohana ana aku e kue i na kipi ma na Puu o Cuzo.
Ua koe iho o ka Makuisa de Ahamuda ka mea nana e malama i ko ke Kapena-Generala keena me Konela Ramona Dominigueza ma ke kulana poo no na ukali. Ua hooholo ae ke Komite Hoopakele Aupuni i kekahi olelo hooholo e koi aku ana i ke Aupuni e kinai i ke kipi ma ka hoohana ana aku i na pualikaua me ke komo keakea kalaiaina ole ia aku.
Na Lonolono Huikau no ke Kaua.
Aohe mau lono i loaa ae ma Havana, i ka la 9 nei, mai Pueto Pirinicipe, a ua nele loa hoi na hoakaka ana no ke kauaia ana o Gaiamaio, kahi i oleloia ua lilo pio i na kipi. Mai Okatoba 2 mai ka nele ana o ia wahi me na launa kaamahu ana.
Ua kaua aku he puali nui o na kipi i ke kulanakauhale o Aguda, apana o Matanazasa. Me ka huluaa loa i kue mai ai na poe o loko o ka papu a hoauheeia na kipi me elima o lakou i make, o ko lakou alakai kekahi, oia o Menenedeza. He hookahi mekia a he hookahi koa o na Sepania i make a he ekolu i eha. E like hoi me kekahi hoike pili oihana, he 13,637 ka heluna o na koa e waiho ma'i la i nei wa maloko o na halemai o ka oihana kaua ma ia mokupuni.
I nei kakahiaka (la 9 nei) i pae aku o Kapena-Generala Weila ma Mariele. Ua hoohuiia ae na pualikoa i ukali aku iaia me 6,000 kanaka, i hoounaia mai Guanakua, a ua nee aku ia puali nui hewahewa no na puu e huli ai ia Maceo.
Ili ia Mokukaua Iloko o ka Lepo.
Kakahiaka o ka la 9 nei i halawai ai ka mokukaua Amerika Tekasa me ia ulia hou, a he keu no hoi keia a ka moku pakalaki mai kona hoolanaia ana. Iaia e ku ana iloko o kahi hoolulu a hoomaemae i na mokukaua ma Burukelina, ua halawai iho la me keia ulia mamuli o ka hemo ana o kekahi o na ki mikini a komoia e ka wai lepo a piho oia iloko o ka lepo poho poho eleele no elima paha kapuai. He elua no kapuai wai malalo aku o kona kila i ka wa o keia ulia. Ua emi malalo o kanakolu kapuai wai iloko o ia wahi a he 24 hoi kapuai hohonu komo o ke Tekasa iloko o ia wahi a he 24 hoi kapuai hohonu komo o ke Tekasa iloko o ka wai. He kai make kona wa i ili ai, a i ka pii ana ua oi loa ae kona komo. Ua pau na mikini a me na pono o luna i ka inoino i ka wai a me ka lepo. No hookahi pule o kona ku ana ilaila e hoomaemae ai a halawai ai me keia ulia. Aole i loihi loa mahope iho o kona ili ana, na pili ae na moku kokua ma ka pauma ana, no ka hoolana hou ae iaia.
Aumokukaua Pelekane no Amerika.
E hoopuipuiia aku ana ka na aumokukaua o Beritania Nui ma na kai o Amerika Akau Beritania, wahi a kekahi lono o Okatoba 23. Mawaho ae o ka moku hoopoino topido Daring (Aa-loa), ua hoike hou ia ae o ka mokukaua nui Renown (Kaulana) o 14 pu, 14,150 tona a me 12,000 ikaika-lio, a me ka mokukaua Flora o 10 pu, 4,360 tona a me 9,000 ikaika-lio. O na pualikoa Halifaka no ka hei kekahi e hoopuipuiia ae ana a ka lawa pono loa. Ua lilo keia mau mea i mea nui loa o ke kamailioia, aka, ma na lono hope loa mai nei, ua hooleia ka oiaio o keia mea.
-
S.K. PUA,
He Agena no na Waiwai Paa
He Mea huli i na Kuleana Aina i mea e maopopo ai;
He Mea Ohi i na Aie i hiki ole ka Ohiia e na Poe no lakou na Aie, a
He Mea Hana i na Ano Palapala P. Kanawai a pau.
KEENA HANA: - Ma ke keena o R.W. Wilikoki, Alanui Konia. aug. 31-1mk.
-
Hooloha Manao Hooko a Kuai
a ka Mea Paa Moraki.
I KULIKE AI HOI ME NA HOAKAKA ana o kekahi Moraki i hanaia e JOSEPH PELE a me KEAMO, kana wahine, ia H. Dimond, i Sepatemaba 26, 1884, i kopeia ma ke keena o ka Luna Kakau Kope, Oahu, iloko o ka Buke 88, ma na aoao 368-9, a i hooliloia hoi e H. a me J.T. Waterhouse, na luna-hooko o ka palapala kauoha a H. Dimond, ma o ka palapala hoolilo i kopeia ma ke keena i oleloia iloko o ka Buke 163. aoao 275 a pela aku ke hoolahaia aku nei ma keia ua manao ka mea paa moraki i oleloia e hooko aku no ka uhakiia o ke kumu aelike, oia hoi, no ka uku ole ia o ke kumupaa a me ka ukupanee pu i ka wa i kauohaia ai no ka hookaa ana.
Ke hoolahaia aku nei no hoi, mahope iho o ka pau ana o na pule ekolu mai keia la aku, e hoolahaia aku nei ka waiwai i hoopaaia ma ua Moraki la no ke kuai a e hooliloia aku no ma ke kuai kudala akea ma na keena kudala o Jas. F. Morgan, Honolulu ma ka Poakahi, la 30 o Novemaba, 1896, ma ka hora 12 awakea o ia la.
H. WATERHOUSE, JR.
Mea i Lilo ai mai ka Mea Paa Moraki.
No na mea hou aku i koe, e ninau ia J. Alfred Magoon, Loio no H. Waterhouse. Jr.
Hanaia Honolulu, Nov. 4, 1896.
-
Penei iho ka waiwai e hooliloia aku ana.
O kela apana aina a pau loa e waiho la ma Kewalo, Pauoa, Mokupuni o Oahu, i hoikeia maloko o ka Palapala Sila Nui Helu 1626, Kuleana Helu 10276, no Mahina, o ia ka Apana 2, a i hoakaka maopopo loa ia penei iho: - Aina Kalo a me Kula. - E hoomaka ma ke kihi Hema o ka loi koele o J. Piikoi, ke kihi Piikina mauka o keia aina, a e holo, Akau 49 Komohana 166 kapuai ma kuauna mawaho o ke koele a hiki i ka Pohaku i Peaia X e pili ana me ko Kalawaia, alaila, Hema 36 Komohana 52 kapuai, kihi o Kalawaia, a Akau 50 Komohana 38 kapuai anahua a Akau 49 Komohana 146 kapuai ma ko Kalawaia ia mau aoao a hiki i ko Kekawewe, alaila, Hema 46 Komohana 72 kapuai ma ko Kekawewe, a hiki i ko Kalawaia, alaila, ma ia aina Hema 43 1/4 Hikina 284 kapuai a hiki i ka Pohaku ma ke ala liilii, e pili ana me ka mokuna o Kewalo a me Auwaiolimu, alaila, pololei iuka, e pili ana me ka aina o ke kula a hiki i kahi i hoomaka ai. O ka Ili 72-100 Eka.
Nov. 9-4mnw.