Ka Makaainana, Volume VI, Number 22, 30 November 1896 — Page 8
8 HONOLULU, OAHU, POAKAHI, NOVEMABA 30, 1896.
Poe Ake Hoohuiaina.
Mamuli o kekahi hoolaha kahea a J. Walter Jones, kakau olelo o ka Ahahui Hoohuiaina i moe loihi a polopolona, no ka hoopuoho hou ana ae i ua ahahui la a me kona kumuhana polopolona i hapaiia ai, a no ka akoakoa ana ae hoi o na luna; a e like hoi me ia kahea, pela no i akoakoa ae ai kekahi poe kakai kahi i ka po Poalima nei maloko o ka halepaikau hao ma Haimoeipo. Eia iho kekahi poe alakai oia poe kakaikahi i akoakoa ae ai. A.S. Hakawela, L.A. Kakina, J.B. Atetona, B.F. Dilinahama, W.W. Holo, T.B. Mare, Geo. C. Stratemeyer, F.B. McStocker, J.N. Wright, Kauka C.B. Wahie, Jonathan Shaw, Geo. F. McLeod, W.H. Hoogs, J.S. Martin, Geo. W. Smith, L C Ables, J.W. Pratt, C.B. Ripley, J H. Fisher, W.R. Sims, J. L. McLean, C.B. Day, J.F. Clay, E. Towse a me R.C.L. Peterson, me kekahi poe kakaikahi e ae ma ke ano anaina. O ka inoa mua no ka lunahoomalu o ua poe mailuilu la.
E ka lahui, ke hoike aku nei makou i keia mau inoa ae la i mea na oukou a na kakou no a pau e ike ai, o na poe keia e makemake nei e hoolilo aku i ko kakou aina, eia nae, he poe hoopalaimaka mai ia kakou he poe hoa'loha lakou no kakou. O ka makou i ka lahui, mai no a hoopoina ia lakou, aka, e hoomanao me ka makamaka mau iloko o ko kakou mau hoomanao ana o nei mua aku. Mai no kakou a hoopoina iki.
-
Welo Haaheo i ka La Kuokoa.
Mahope iho o ka pau ana o na hana o ka Aha Elele Aloha Aina o ke ahiahi Poaono nei, a ma ke kono hoi a ka Peresidena Nui hou, ko makou hoa'loha J.K. Kaulia, ua haule aku na elele a kona wahi noho mauka o Keoneula maluna o na kaa nunui a ua nonoho nui iho e haupa i na mea-ai i hoomakaukauia maluna o kekahi mau papaaina. Mamua iki iho nae hoi o ka noho ana e paina, ua hukiia ae ka hae Hawaii maluna o kekahi pahuhae hooilina mai kona mua i make a i kukuluia ma ke alo iho, a pau ia noho kela a me keia mai a lawa pono. O ke Aliiaimoku ae kahi ilaila. Ua hoohalaia ka manawa me na leo himeni mai kahi poe hoa'loha lehulehu i hiki aku ilaila e haawi ai i na hoomaikai ana. Aole keia he paina hauoli no ke kohoia ana i Peresidena Nui, aka, no ka hoomanao ana no i ka La Kuokoa o ka aina nei. Ua paa o mua o ka lanai me kekahi mau hae Hawaii nunui.
-
He kuai hoemi nui ko ka Halekuai Kalahiki ke hiki aku i ka Poakahi, la 30 o Novemaba, a e hoomauia aku ana a hiki i ka po o ka la 24 o Dekemaba, 1896, i na waiwai o kela a me keia ano. Eia ka wa, e hele nui ae, a e ike ia kakou oiwi ponoi iho.
Ahahui Kalaiaina Hawaii.
Poaha a me ka Poalima nei i malamaia ai ka halawai ana o keia ahahui kalaiaina o kakou, maloko o ka hale halawai o Kapuukolo aenei. Ua lohe mai makou ua kipakuia mai kekahi poe o ka hele ana aku ilaila. No ka mahaoi no paha hoi kahi me ke kono ole ia. Oiai, aole makou i hoikeia mai a i konoia mai hoi, aohe no i heleia aku; a oiai no hoi, aohe no i hoikeia mai ia makou na mea i hanaia e na elemakule, aohe no a makou mea maopopo e hoike aku ai, koe wale no ko makou lohe ana mai ua epaia lakou a ua hukiia ka ma na pukaihu e kahi Bila Aila o Lahaina a me kona hoa elele Aloha Aina. Ua lohe mai no makou o kekahi poe elele Aloha Aina i hiki mai nei, he poe elele no lakou no keia ahahui makua. E ole no nae hoi ia poe, piha'ai ua halawai ana.
I ka hoomaha ana o ka Aha Elele i ke awakea, na huki na luna o keia ahahui makua i ka Puali Puhiohe Lahui a me ka lehulehu ma ke alo iho o ka lanai aleo o Halaaniani, ma Hale alii Kuea, a ua haawiia mai he mau haiolelo La Kuokoa a hoolanalana manao e F.S. Keiki, D. Kalauokalani, R.W. Wilikoki a me kahi poe e ae. Pau ilaila, ua haule ae ko lakou paina hoomanao a ka haleaina Pake ma ke kihi makai aku o ka Roiala Saluna a ma ewa mai o ka Halewai.
-
O nehinei ka La Pule Mua o ka Hikianamai, a o ka la makahiki hou hoi ia o na Ekalesia Anagalikana a me Katolika.
Ua hoomanao ao ka Hui Hawaii Opio i ka La kuokoa. a o J. M. Poepoe ka haiolelo o ka la.
He keu keia pule iho la a ka ua nui wale, o na po ka oi loa aku. O ka Poaono nei hoi, loku okoa i ke ao. Ua lali aku a ukele mai na alanui, e hoihoi ole ai no ka helewawae ana. I ka po nei nae hoi, kalae ka lewa, pau ke poluluhi a hui anu mai ana, a he wela hoi ko neia la.
Hora 4 o ka wanaao Poaono nei, mahope o kekahi waiho ma'i pokole ana, ua make aku o Alawe Blake, Jr., moopuna hanai a Misasa Naai Kaaua, a ma kona wahi no mauka o Leleo aenei i make ai kana luhi, ke keiki a A. Blake. Ua piha paha iaia na makahiki he iwakalua, a ua haalele iho he wahine, he luaui a he kupunawahine e u aku nona. Ia auwina la iho no oia i hoolewaia aku ai a nalo ma ka ilina o Kawaiahao.
Ua ku aku ka mokumahu Mikahala i Lahaina mahope iki iho o ka hora 8 o ka po Poalima nei, a maluna aku ona i kau aku ai ka Bihopa o Honolulu no ka hooko ana i kela ma Harisona Hose o laila Hora 8:30 ae i hookoia ai ka mare me ka piha kui o loko o kahi luakini uuku o na Keiki Hala Ole Hemolele. Ma ka mokumahu Kalaudine o kakahiaka o nehinei i hoea mai ai ua opio i mareia a lilo i hookahi pana ana o ko laua mau puuwai no nei, ko laua wahi noho o keia mua aku. O ka Haku Bihopa no kahi i huli hoi pu mai.
KELA A ME KEIA.
-
O ko Sana Anaru la hoano keia
Ae, palaualelo io no hoi paha.
He kuai hooko moraki ko nei awakea. E nana ae i kekahi hoolaha ma nei helu.
He mau anaina haipule hoomaikai ko ka Poaha nei ma na luakini Halepapu Sana Anaru a me Malieokamalu, a ua piha no lakou a pau.
Mamuli hoi o ko makou piha loa me na mea ano nui o ka La Kuokoa, ua haule kekahi mau manao a me na hunahuna lehulehu. No neia mua aku hoi ia.
He hoolaha "Ma ke Kauoha" ka makou no ka Oihana Waiwai, e pili ana hoi i kekahi poe e paa nei i kekahi mau bona Aupuni i hoakaka pono ia. O ko ia poe hoomaopopo koke ae no ka pono loa.
I kulaia ke Aupuni i ka La Kuokoa nei no ka hooholoia ana e ka Ahaolelo i pau iho nei, oia hoi, ua kauoha kanawai ia ka hoomanao ana ia la. He 21 pu aloha i kiia ae i ke awakea o ia la. Ua paa na keena oihana Aupuni a pau.
O ka la apopo ka la hoomanao no ka hoihoi hou ia ana ae o ko na Pukiki kulana noho'na aupuni kuokoa malalo o kekahi Moi, aole hoi he pili wale aku malalo o hai. Ua kuhihewa ka oleloia mamua o ko lakou la kuokoa ia. He anaina haipule ka lakou ma ka luakini o Malieokamalu i ka hora 9 a.m.
Piha ke anaina pule hui o na anaina pule Enelani a elua ma ka luakini o Sana Anaru i ka po nei, a ia wa hoi i hookumuia ai he Waihona Hoahu Ekalesia no ke kokua ana i na hana o ia Ekalesia ma nei mua aku. He hooko ana keia i kekahi uwalo palapala a ka Bihopa iwaena o na hoahanau a ua nui no hoi ka luluia i ka po nei.
-
DR. C.A. PETERSON,
(KAUKA PITASONA),
Ua Nee Ae Oia a ka Helu 28,
ALANUI EMA.
NA HORA KEENA: -8-10A.M.; 2-4 a me 7-8P.M.
nov. 30 TELEPONE 752. 3ml
-
Kuai Hoemi Nui
-
Elua Halekuai i ka Wa
Hookahi.
-
Kwong Sing Loy
a me Sing Loy
-
E hoomaka ana i keia la 30 o Novemaba,
1896, pela no e hoomauia
aku ai no Hookahi Mahina.
-
Na MUUMUU, Na PALEKOKI,
a me na Pono e ae o na Wahine, i
hana maiau ia, emi a emi loa!
Na LIHILIHI, NA PAPALE a me
Na KAMAA o na Wahine,
aohe emi aku a koe mai!
Na PAA LOLE PIHA, na PAPALE
a me na KAMAA o na Kane,
oluolu loa Kumukua!
Na PAA LOLE o na KEIKIKANE
a me na KAIKAMAHINE,
he Makepono Loa! He keu aku a ka olu
waiphae a ka launa ole mai.
O na Waiwai no a pau loa ke kuai hoemi loa ia aku ana, a he mau Waiwai hou loa wale mai nei no ka hapanui.
E Hoomanao i na Halekuai a Elua.
nov. 30-5mnw.
Ma ke Kauoha.
-
OLELO HOOLAHA.
-
OIHANA WAIWAI,
HONOLULU, Dekemaba 1, 1896.
Ke hoolahaia aku nei ma keia i na poe a pau e paa ana i na Bona o ke Aupuni Hawaii o na la a me na heluna dala mahope iho, mai a mahope aku o ka piha ana o ka wa hookaa o keia kupona (coupon-palapala hooia ukupanee) ae, iloko o na malama o Maraki a me Mei o 1897, e pau no ka ukupanee.
E ukuia no ke kumupaa o ua mau bona la ka waihoia ae ma ka la o keia piha ana ae o ke kupona.
KANAWAI O AUGATE 5, 1882.
Papa U, Bona Helu 74, hanaia Sept. 1, 1882, no $5,000
Papa U, Bona Helu 73, hanaia Sept. 1, 1882, no $5,000.
Papa U, Bona Helu 76, hanaia Sept. 7, 1882, no $5,000.
Papa A, Bona Helu 347, hanaia Sept 1, 1862, no $1,000.
Papa A, Bona Helu 348, hanaia Sept 1, 1882, no $1,000.
Papa A, Bona Helu 349, hanaia Sept 1, 1882, no $1,000.
Papa A, Bona Helu 350, hanaia Sept 1, 1882, no $1,000.
Papa A, Bona Helu 361, hanaia Sept 7, 1882, no $1,000.
KANAWAI O SEPT. 27, 1876.
Papa A, Bona Helu 327, hanaia Nov 1, 1878, no $1,000.
Papa a E, Bona Helu 249, hanaia Nov. 9, 1878, no $500.
S.M. DAMON,
Kuhina Waiwai.
nov 20-4mnw.
-
KUAI NO 30 LA!
-
E HOOMAKA ANA
Poaono, Nov. 28, '96
-
Hoopau i ka Noho Hui ana.
-
I mea hoi e hiki ai ke uku i kekahi o ko'u mau hoa hui, ua konoia mai au e hoolilo aku i ko'u mau waiwai kalepa a pau loa, ma na kumukuai i emi iho i ke kumulilo.
E nana mai i na kumukuai mahope iho, a e ike lea mai i ka emi a oluolu io
Kukaenalo, 11 i-a no..................$.50
" 1 i-a laula, 15 i-a.......................1.00
Keokeo Manoanoa, 12 i-a............1.00
" Huluhulu, no ka i-a....................10
Huluhulu Moe, akea, keokeo a ano e ae, no ka paa..............80
Huluhulu Moe, akea, manoanoa, no ka paa...........................1.00
Kakini Eleele o na kane, wai paa, no ka paa..........................1.00
3 paa no............................... .25
Kakini Eleele o na kane, ano maikai loa, no ke kakini..........1.85
Kakini Eleele o na wahine, no ka paa.................................. .10
3 paa..................................... .25
Kakini Elele o na wahine.
maoanoa....................... .15
2 paa............................. .25
Kamaa wahine, no ka paa.................... .75
" " ano maikai loa..................................$1.00, 1.25
Kamaa Kane, aoao paa a meli, no ka paa.......................1.25
Kamaa Kane ano maikai loa, o na Makai......................2.50
Kamaa Wahine Pihi o ke ano maikai loa.......................1.25, 1.50
Palule Hana Maikai o na kane, pakahi.......................... .20
Palemai maikai o na kane, pakahi.................................. .20
Palemai maikai o na kane, ano manoanoa..................... .35
Lolewawae Ahinahina no ka paa................................. 1.50
Lolewawae Huluhulu Hana, no ka paa..........................1.50
Kuka Maikai loa o na kane...........................................2.00, 2.50
Papale o na kane, mai ke 40 keneta a pii aku.
Kihei Huluhulu o na wahine, $1.00, $1.50 a pii aku.
O ka wa keia e loaa ai o na waiwai ma na kumukuai oluolu a waihpahe loa. He mea hooluhi ole ka hoikeike ana.
YEE CHAN.
Alanui Nuuanu, mauka o Alanui Moi.
nov. 30.-4mnw.