Ka Makaainana, Volume VI, Number 23, 7 December 1896 — Page 1
Ka Makaainana.
BUKE VI - Ano Hou Honolulu, Oahu, Dekemaba 7, 1896. HELU 23
AHAHUI ALOHA AINA.
-
Na Hana a ka Aha Elele Wae a
Koho Peresidena Nui.
Ua hoike pau aku makou ma ke ano nui i na mea i hanaia i ka la mua, a eia iho hoi
NA HANA O KA LA ELUA.
Halawai ka Aha Elele ma ka Hale Ariona, hora 10:30 a.m. o ka Poakahi, Novemaba 30.
Peresidena Nui James K. Kaulia ma ka noho.
Pule o Elele J Kamakele.
Noi o W. White mamuli o ka lilo ana o ke kakauolelo i Peresidena Peresidena Nui, nolaila, e kohoia i kakauolelo no ka manawa; hooholoia. Waihoia mai ka inoa o E. Johnson, a hooholia.
Hoohikiia ka Peresidena Nui Hou.
Na W White no, he noi e hapaiia ka noonoo ana no ka hoohiki ana i ka Peresidena hou; hooholoia A ma ka noonoo ana ua noiia o J. Kamakele, ma kona ano kahunapule, ka mea nana e hoohiki i ka Peresidena; hooholoia.
Kahesia o J. Kamakele, a ua hele ae oia a ku imua o ka Aha a me ia pu o Jas. K. Kaulia, ka Peresidena hou. Ua waihoia he Baibala, a na J. Kamakele i wehe; kauohaia ka Peresidena e kau i ka lima akau maluna iho, a hoomaka mai la ka Elele Kahunapule i kana apana hana me ke eehia, a o ia no hoi ka manawa i ku ae ai ke ana ina iluna.
Heluheluia ka moolelo o ka la hana mua. Waiho mai o S.E. Kaiue he hooponopono, penei: E hookomia ka hoopanee ana a halawai hou i ka Poakahi, Novemaba 30, a me ka inoa o ke kakauolelo. Hooholoia ka moolelo me na hooponopono.
Hoakaka mai ka Peresidena Nui no ka hoomaopopo pono ana i na Luna Nui, oiai, ua hakahaka kekahi mau wahi a me kekahi mau hoa o ka Papa Hooko.
Ninau o S.E. Kaiue ehia la wahi i hakahaka i maopopo ai hoi na mea e koho a e hana aku ai.
Hoakaka mai ka Peresidena ua hakahaka ka noho Peresidena Hanohano, oiai, ua lawe ka mea iaia ia kulana i ka hoohiki kue i ke kumukanawai o ka Ahahui; ua hakahaka na hope peresidena; ua hakahaka ka hopekakauolelo, ua lawe i ka hoohiki, a me ka noho o ke kakauolelo nui.
Noi o E Kekoa e koho hou ia na Luna Nui o ka hui, oiai, akahi no a noho mai ka lahui. Hooholoia.
Na Kulana Hope-Peresidena.
Noi o S.E. Kaiue e kapaeia ka Peresidena Hanohano, no ke kumu ua kue oia i ke kumukanawai o ka Ahahui. Hooholoia Nui o E. Kekoa e kapaeia ka inoa o ka Hope Peresidena Eha Hooholoia. Noi o F.S. Keiki e hoomauia o J.E. Bush ma kona wahi mua i Hope Peresidena Ekolu. Hooholoia.
Noi o P. Kauimakaole e kapaeia ka inoa o Hope-kakauolelo Mahelona, no kona lawe i ka hoohiki. Hooholoia.
Noi o LWP Kanealii e kapaeia ka inoa o JW Bipikane Rula mai ka noho e hoomauia no ka inoa J.W. Bipikane ma ke kulana Hope Peresidena Elua, no ka mea, aole oia i kue i ke kumukanawai o ka Ahahui.
Noi o A. Kaulia e hoomaopopoia na inoa o na Hope Peresidena i koe. Ua hoike mai ka noho penei: J.K. Kaunamano, Hope-Peresidena 2; J.E. Bush, Hope-Peresidena 3; a ua hakahaka ke kulana hope-peresidena 4.
Na A. Kaulia no he noi e wahioia ka wae ana o na inoa o ka Papa Hooko i kekahi komite o elima lala. Hooholoia. Komite: A Kaulia, S E Kaiue, W. White, A.K. Palekaluhi, a me E Kekoa.
Koho ana i Peresidena Hanohano.
Hapaiia ke koho ana i Peresidena Hanohano. Na S.E. Kaiue i waiho mai ka inoa o Wm. White, Elele o Lahaina. A na LWP Kanealii i waiho mai ka inoa o E.K. Lilikalani.
Hapaiia ke koho ana ma ka balota. Komite helu balota: J Heleluhe, S E Kaiue a me L W P. Kanealii. Hoike mai ke komite i ka hopena o ke koho ana, oia hoi, no Wm. White, he 34 balota; a no E.K. Lilikalani, he 11 balota. Huina, 45 balota
Hoolaha mai ka noho ua koho pono ia o Wm. White i Peresidena Hanohano no ka Hui Aloha Aina o ko Hawaii Paeaina.
Noi mai o S E Kaiue e hoohuiia na balota 11 o Lilikalani
a e hookomoia ma ka moolelo ua koho lokahi ia o Wm. White i Peresidena Hanohano. Hooholoia.
Na ka noho i kauoha aku ia S. E Kaiue e hoolauna mai ia Wm White imua o ka Aha, a ua hookoia.
Mahope iho o ka pau ana o na hoolauna ana , ua noi mai o H N Baker e hoopanee a ka hora 1:30 p.m. Hooholoia
AUWINA LA.
Halawai hou ka Aha e like me ka hoopanee ana ma Hale Makipine, hora 2 p.m. (O ke kumu o keia, ua paa ka hale mua i malamaia ai o ka halawai i kahi poe e ae.) Ma ke noi a E W Palau, ua kohoia o J L Aholo i olelo no ka Aha.
Hoike mai o A Kaulia, lunahoomalu o ke komite i kohoia e wae i na lala no ka Papa Hooko ma o E. Johnson, ke kakauolelo, penei: A.K. Palekaluhi, W.L. Holokahiki, EW Palau, L W P Kanealii, D H Keliiaa, A Kaulia, M Palau, W. K Nahalau, F S Keiki, J Kekipi, W H Kealakii, T He-u A ma ke noi a M Kane, ua aponoia ka hoike a ke komite.
Ma ke noi a L W P Kanealii, ua hooholo loa ia ka papa inoa o ka Papa Hooko, e like me ia i hoikeia. Aponoia.
Ma ke kauoha a ka Peresidena ua hookomo ke Kakauolelo i hookahi balota no ia mau inoa, a heluheluia mai na inoa.
Hapaiia ke koho ana i ke pani me ko J L Kaulukou wahi.
Waiho o J Kekuku i ka inoa o E K. Lilikalani. Ma ke noi ua kauohaia ke kakauolelo e hookomo i hookahi balota, oiai, hookahi wale no moho. Kauohaia o J Kekuku e lawe ia Hope-Peresidena Lilikalani a hoolauna i ka Peresidena a me na lala.
Noi o S E Kaiue e hooponoponoia na kulana o na Hope-Peresidena, a ma ka rula ana a ka moho, ua paa no lakou e like me ko lakou kulana, a ua pani aku o E K Lilikalani ma ka noho Hope-Peresidena Eha.
Na Kulana Puuku me Kakauolelo.
Waiho mai o J Kekuku i ka inoa o G W Kualaku, o S E Kaiue i ka inoa o J Heleluhe, a o H N Baker i ka inoa o F S Keiki. Rula ka noho, aole e hiki ke holo i puuku kekahi lala o ka Papa Hooko.
Hapaiia ka noonoo ana i ke kakauolelo a me ka hope. Waiho mai o E Kekoa i ka inoa o E Johnson i kakauolelo, o H N Baker i ka inoa o J L Aholo, a o J Heleluhe i ka inoa o J L Aholo i hope. Ninauia ka inoa o E Johnson i kakauolelo a o J L Aholo i hope. Haalele o E. Johnson i ke kulana puuku, a ma ka ninauia ana ua kauohaia o e. Kekoa e hookomo i hookahi balota no E Johnson i kakauolelo nui a o J L Aholo i hope, a ua hookoia pela.
Noi o LWP Kanealii e hooholo loa ia ke kohoia ana o na kakauolelo. Hooholoia. Hoolauna ka Peresidena i na kakauolelo a haawi laua i na olelo hoolana.
Hanai hou ia ka noonoo ana i puuku, me ka onouia mai o na inoa i waiho mua ia.
Noi o LWP Kanealii e kohoia i komite helu balota. Holo. Koho ka noho ia LWP Kanealii, WL Holokahiki a me J M Kauhi ma ia komite.
Ma ka heluia ana o na bolota, ua loaa ia GW Kualaku he 26 balota, a ia J Heleluhe he 18 balota, nolaila, o GW Kualaku ka i kohoia i puuku.
Kauoha ka noho ia J Kekuku e hoike kau ia GW Kualaku ua kohoia oia i puuku. Noi o D K Napuunoa i komite o ekolu lala, aka, ua kohoia he elua wale no, a o Napuunoa no ka lua.
Ma ke noi ua hooholo loa ia na Luna Nui a pau o ka Hui a me na lala o ka Papa Hooko.
Kela a me keia Hana.
Waiho mai o LWP Kanealii, E Kekoa a me M Kealoha he mau olelo hooholo, aka, ma ke noi a ka inoa mua, ua waihoia imua o ka Papa Hooko. Hooholia.
He olelo hooholo na LWP Kanealii e waihoia ma ka lima o ka Papa Hooko ka hooponopono ana i ke kumukanawai, a ma ka ninauia ana, ua hooholoia.
Waiho mai o S E. Kaiue he kumuhana e pili ana i ka hookohu o ka Peresidena Nui. Haalele ka Peresidena Kaunamano.
Hoakaka mai o Jas. K Kaulia i kona manao i wahi e loaa ai kona kuleana e imi aku i wahi e loaa mai ai he pono no kakou.
Noi mai o E Kekoa e hoolahaia ka moolelo o ka halawai i malamaia ma ka la 28 o Novemaba, 1896, a ua hooholoia.
Hoike mai o W A Mio i ka manao o ka Ahahui o kona Apana, a ua haawi mai oia i ke aloha o kona Apana ma ona la.
Ku mai ka Peresidena Nui a haawi mai he mau olelo makia imua o ka Aha Elele.
Noi mai o E. Kekoa e malamaia he manawa like e malamaia ai he anaina haipule e ua Ahahui a pau.
Noi mai o LWP Kanealii o ka Poaha hope o Dekemaba, i la hookeai, me ka malama ana i anaina haipule a puni ka Paeaina. Noi mai o L K Naholowaa e hoolahaia ma na nupepa, a ua hooholoia.
Noi mai o LWP Kanealii e
-
(E nana ma ka aoao ewalu)