Ka Makaainana, Volume VI, Number 24, 14 December 1896 — Page 3
HONOLULU, OAHU, POAKAHI, DEKEMABA 14 1896. 3
LA KUOKOA HAWAII.
-
Na Hana Hoomanao i Malamaia e ka Ahahui Aloha Aina.
[Mai ka Helu 23.]
"Ia wa i kukala mai ai ke Alii ka Moi Kamehameha III imua o na makaainana a me na 'lii, me kona leo Alii i ka i ana mai.
Olelo Kuahaua Alii.
"Auhea oukou e na 'lii, a me na kanaka a me na makaainana mai kuu mau kupuna mai, a me na kanaka o ka aina e mai, iloko o keia Aupuni
"'E hoolohe mai oukou, ke hai aku nei au ia oukou, ua pilikia au, no ko'u hoopilikiaia mai me ke kumu ole; nolaila, ua haawi au i ke Ea o ka aina o kakou, aka, e mau ana no ko'u Alii ana maluna o oukou, a me ko oukou pono. A ke lana nei ko'u manao e hoihoiia mai ana no nae ke Ea o ka aina, ke hoaponoia mai ka'u hana ana.
(Inoa) "'KAMEHAMEHA III.
(Inoa) "'KEKAULUOHI,
"'Hanaia. Honolulu, Oahu
"'Feberuari 25, 1843.'
"A ma ia manawa hookahi no ua kauoha mai oia me kona leo Alii i na haipule mai o a o, a puni ka Paeaina, e pelu na kuli i ka honua, a e nonoi aku i ke Akua Kiekie Loa, no ka pono o ko kakou aina i hoopaaia.
"Ma keia la iho la i hiolo ai ka halau Aupuni o Hawaii, a Kamehameha i. i na'i ai mai Hawaii a Kauai, mahope iho o kana mau kaua lanakila ana iloko o na kahua kaua ehiku, ua hina ke kia, ua oui eia ke ama o ka waa Aupuni o Hawaii, a ua haihai na lako, a ua mokumoku na kaula aha o ka pi'o kapu o Ahaula, ua komo aku la iloko o na maiuu o ka liona o Pelekane "A oiai ke Aupuni ia Lo Keoki, ma ka aoao o ka Moiwahine o Beritania, nolaila, ua kuahauaia mai la oia, ma ke ano he Moi-kui no ko Hawaii Paeaina, penei:
Kuahaua a Lo Keoki, ka Moi-kui o Hawaii Nei.
"'No ka mea, ua haawiia ko Hawaii Paeaina i kela la, e Kamehameha III. ke Alii, a me Kekauluohi, ke Kuhina Nui o ke Aupuni, ia Rt. Hon. Haku Lo Keoki Pauleke, ke 'lii o ka H.B.M.S. Carysfort, ma ka aoao B.M. S. Carysfort, ma ka aoao o Vitoria, ke Aliiwahine o Beritania Nui a me Irelani, e like me na hooponopono ana ma keia hope aku, nolaila, ke kukala nei au.
"'1 - E kauia ka hae Beritania ma na mokupuni a pau o keia Paeaina, a e malu na kanaka maoli a pau e like me na kanaka o Beritania Nui.
"'2 - E hanaia na oihana a pau o ke Aupuni a hiki i ka wa e loaa mai ai na palapala mai Beritania Nui mai, a pela aku &c &c. (Inoa) "'LORD GEORGE PAULET.
"'Kapena o ka mokukaua Carysfort.'
"A oiai o Lo Keoki e heiheiku ana me ka mana i loaa iaia iloko o ia mau la, ua kau ae la oia he kanawai, e hookapu ana i na moku aole e holo aku mai na awakumoku aku o Honolulu nei a me na awa e ae, a o ke kapena e hoole ana i keia kauoha e ki poka ia kona moku, ua kapu ke kai, aohe moku holo, aohe waa maalo ma na kuaau, ua mehana mea a pau malalo o ka malu o Lo Keoki. A iloko o ia manawa ua lawe ae la o Lo Keoki i ke kau wahi moku o ke Alii, i kapaia o Akamai, a hoomakaukau iho la i moku no ka lawe ana aku ia Mr. Simpson, he Elele i hookohuia aku e Lo Keoki, e lawe i na palapala pili Aupuni i ke Aupuni o Beritania Nui, a e hoike aku hoi i ka lilo ana o ka Paeaina o Hawaii he Panalaau no Enelani, malalo o kona noho hoomalu ana; ua papaia na leta a me na poe e ae aole e aeia e kau maluna o na moku la, koe wale iho no na poe i aeia, o ia ka Elele, ke kapena a me na sela, a ua makaukau ka moku i na mea a pau a koe na sela.
Moolelo o ko Marshall Hoounaia ana i Elele.
"O J.F.B. Marshall, he wahi keiki wale iho no kona kulana nona na makahiki he 20 a oi i kela manawa, a he hoa'loha maikai oia no ke Alii, a no na kumu mikanele Ua ohumu malu iho la ke Alii a me kona mau hoakuka a me Marshall pu kekahi iloko o ia Ahakuka no ka noonoo ana i na mea pono ke hanaia a hoouna pu i Elele ma ko ke Alii aoao, a i ole, i leta aku paha i na Elele mua i hoounaia; ma ke kuka ana ua hooholoia iho la o Marshall ka Elele e holo ai ma ke kau pu ana me ka Elele a Lo Keoki ma ka moku. Ua noonooia ko Marshall alanui e hiki ai ke kau ma ka moku me ka ike ole ia o kana hana, a ua ae o Marshall e kau ma ke ano sela no ka moku, a pela wale no ke alahele e hiki ai oia a halawai me na Elele i hoouna mua ia.
"Ua hoomakaukauia iho la ka hookohu Elele o Marshall, a me na palapala a pau e pili ana i na hana a Lo Keoki, a me ka palapala hoopii a ke Alii i ke Aupuni o Beritania Nui, no ke kaili ana o Lo Keoki i kona Aupuni me ke kumu ole, a mana ole mai kona Aupuni mai.
A i ka manawa i ohiia ai o na aela o ua wahi moku nei, o ka kakou Marshall kekahi i ohiia i sela, a ma kona poli na palapala a pau i hanaia me ka ike ole a lohe ole ia e Lo Keoki, a aole he mea i ike i ke ano o keia huakai Elele Alii. A ma ke ku ana o ka moku ma na awa o Hikina, ua wehe aku la o Marshall, kaawale mai kona ano aeia aku no ua wahi moku nei; a no Enelani ka pahu hopu, a na lilo kona nalowale honua ana i mea e haohaoia ai e ka Elele a Lo Keoki, ke kapena, a me kona mau hoa sela, aka, ua pupuhi aku la ka i'a o Ukoa no Enelani ka pahu hopu. A oiai na Elele mua aole i ike i na hana a Lo Keoki mahope nei, a ke huli la keia Elele hope ma ke alahele e halawai aku ai me na Elele mua. A i na Elele ma ko lakou alahele no ka pono o ka aina, ka lahui a me na 'lii, e noho ana me na manao piliaiku, a oiai na kokoia ana o ke au o ka manawa, a i ka nalohia ana aku o na eheu pouli o ka po, a o mai la na kukuna malamalama o ka la 26 o Iulai, M H. 1843, ua ikeia aku la ka mokukaua H B.M.S. Dublin e lawe ana i ka hae o Rear Adimerala Kamaki, e hookomo mai ana a kuu iho la kona heleuma iloko o ke awa nei o Kou, a iloko o na la eha i hoopononono iho ai o Adimerala Kamaki i na hana a Lo Keoki, a mamuli o kona manao hoopono a makee ole i ka waiwai alunu, e like me Lo Keoki, ua hoike mai la oia i ke Alii Kamehameha III, e hoihoi hou ia ana ke ea o ka aina i pakahaia e Lo Keoki ma ka la 31 ae, a ua lilo ia i mea e hoohauoli nui ia ai ka manao o na alii me na makaaina, a ua hoomakaukau iho la ke Alii a me na makaainana ia mau la, no ka hoohiwahiwa ana i ka la hoihoi ea.
Aole i pau.
-
Pomaikai ko Manokalanipo mau kini, ke awihi ae na maka i ka hoolaha o ka Halekuai o Eleele ma kahi okoa ae o nei helu.
E nana aa i ka hoolaha a Kale Aki Ma (W.C. Achi & Co.), na Baroka Waiwai Paa, he 1,000 apana aina no ke kuai aia maluna aku o Kapiolani Paka, ma Laeahi, Waikiki. O ka wa nei e loaa ai o na aina emi loa.
Elua ka mau puhi keokeo liilii i haawiia ae ia Kiai Dute Manoha e ke kapena o ke mokumahu Kepani Toio Maru. I ke ku ana mai ka o ia moku, he mau haneri ke holoholo ana iloko o na kapu wai iluna o ka moku, a he ono loa ia ka e na Kepani. E hanai aku ana ka o Manoha me ka manaolana e lehulehu loa ana kana mau pulapula moopuna puhi o nei mua aku, i mea no ka nana e ai iho ai.
-
DR. C.A. PETERSON,
(KAUKA PITASONA),
Ua Nee Ae Oia a ka Helu 28,
ALANUI EMA.
NA HORA KEENA: - 8-10A.M.; 2-4 a me 7-8 P.M.
nov. 30 TELEPONE 752. 3ml
Olelo Hoolaha.
E oluolu na poe noho hoolimalima a me na poe e ae i aie ia Liliuokalani e hoomaopopo ua hookohuia ka mea nona ka inoa malalo iho i agena no kona waiwai malalo o kekahi palapala hookohu hope piha. Ua makemakeia ka hookohu hope piha. Ua makemakeia ka hookaa koke ia ae o na aie.
J.O. CARTER.
Helu 208, Alanui Kalepa.
dek 7-4mnw.
-
Rober Napunako Boyd
(ITALIA)
He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.
Keena Hana: Mauka iho o ka Hale Leta, maluna ae o ka haleaina Pake, Alanui Betela. apl 13-mp
-
C.B. DWIGHT
[KALE KUAIKA.]
Mea Hana Pohaku Kaekae Alanui, na He Kupapau a me na Kia Hoomanao Mabala.
-
E loaa no oia ma kona wahi noho ma Koiuiu, Honolulu nei. Telepona Helu 833. 17-1mk
-
S.K. PUA,
He Agena no na Waiwai Paa
He Mea huli i na Kuleana Aina i mea e maopopo ai;
He Mea Ohi i na Aie i hiki ole ke Ohiia e na Poe no lakou na Aie, a
He Mea Hana i na Ano Palapala P Kanawai a pau
KEENA HANA: - Ma ke keena o R.W. Wilikoki, Alanui Konia. aug. 31-1mk.
-
DR. SLOGGETT
(KAUKA SOLOGETE),
Kauka Lapaau me Oki
Kokoke ma kahi noho o H.W. Schmidt, Esq., Alanui Beritania, Manamana.
O kona makaukau loa, aia i na Mai o ka Maka, Pepeiao. Ihu a me ka Puu.
MANAWA NOHO KEENA: Hora 8 a 10 a.m.; 1 a 2 p.m.; 7 a 8 p.m.
Telepone Helu 701.
nov 16-2m
-
NO KE KUAI.
He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la i kahi noho o E.S. Boyd.
KUMUKUAI: - $1,000; $500 ma ke kuike, a ma ka Moraki ke koena no ekolu makahiki ma ka 8 pa-keneta ukupanee.
No na mea i koe, e ninau ia
BRUCE WARING & CO.,
a i ole, ia F.J. TESTA, ma ke keena o keia nupepa. sept. 7-mp
-
HALEKUAI LAHUI KALAHIKI.
Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."
Ma ia halekuai o na oiwi e loaa ai na anoi a me na paihi o na ano hou loa, e laa
Na Kalakoa, Na Keokeo,
Na Makalena, Na Kinamu,
Na Huluhulu, Na Lihilihi,
Na Kamaa o na Kane, Wahine me Keiki, a pela aku.
Oluolu no ke kuai ana. Aohe hewa ke kipa mai e ikemaka, a aohe no hoi he kunukunuia no ka hoikeike ana i na mea kuai.
M. PALAU, Luna Nui.
ok 14-tf
-
Hui Papa a Kukulu Hale Oahu.
OAHU LUMBER & BUILDING CO.
Leleo, Alanui Moi, kokoke i ke Kahua o ka Hui Alahao & aina Oahu.
-
Poe Kalepa Laau, Hana Aelike
a me Kukulu Hale.
Poe Hookomo Mai a Hoolilo
aku i na
Puka, Olepelepe, Kui, Pepa. Pena, Aila,
Na Pono Kamana,
A pela aku, a pela aku Telepone 53. Pahu Leta.
apl 20-tf