Ka Makaainana, Volume VI, Number 24, 14 December 1896 — Page 6
6 HONOLULU, OAHU, POAKAHI, DEKEMABA 14, 1896.
LEONE DE BOANE
-
KA MEA OHUMU KIPI O COADOVA
-
MOKUNA I.
KA NAITA O NOREMANA. - NA ULIA
O KA MANAWA.
[Mai ka Helu 23.]
Ua ku iho ka powa, no ka mea, ua hiki ole iaia ke lele aku maluna o ke kino kilakila o ka kakou kaeaea i komo keakea aku la mawaena ona a me ka ui nohea ana i lia mau ai.
"Owai la oe?" i ninau mai ai ua powa la, me ke kuemi hope aku he kaina, a unuhi ae la i kana pahi palaulau nui. I kinohi, ua manao oia e hoomaopopo ole mai i ka opio me he mea ole wale la, aka, iaia i nana mai ai i ka oiwi o ka kakou koa kamahele me ke akahele, me he la na hoololi ae oia i kona manao, no ka mea, ua liuliu ae la oia iaia iho me he la no ka hooko aku i kekahi hana weliweli a ku i ka manaonao.
"Owau nei la kekahi mea i makaukau e hoopakele i kela wahine opio ma o mai kona mau enemi aku a pau loa," i pane aku ai ka kakou koa. "Nolaila, ano, owai oe?"
"Ka ilio Karistiano no hoi! A hoike aku au ia oe owai la au ano koke iho. Na'u kela kaikamahine opio; nolaila, e hookaa wale ae i ke ala, a i ole ia, e lele aku no kou poo mai kou mau poohiwi aku!"
"E akahele, e ke ino! Aole loa oe e hoea aku i ke kaikamahine opio ma ke-ola!"
"A ike iho kaua!"
I ka powa i hihio ae ai mawaena o kona niho i hele na kui a nauki, ua lole aku oia maluna o ka naita me kana pahi kau maha iluna o ka lewa, a iho iho la me ke oolea maopopo loa e loaa ai o ka poino a ko kona makemake, ina i kau pono ma kahi a kona manao i kilo ai. Eia nae, ua halahu ia hauna pahi ana. O ka ea o ka lewa kuhoho wale no ka i makili ae, a mamua ae hoi o ka hiki ana i ka Araba ke hooponopono hou iaia iho mai kela hauna waiwai ole, mamuli o ka paukiki loa o kona manao e hookau i hoopai no kahi mea hewa ole, ua puka pu aku la ka pahikaua a ka naita i kona kino.
Oiai no hoi keia ae la e hookoia ana, aole i hoohemahemaia ka lua iho o na powa. O kana keehina mua iaia i lele iho ai mai kona lio, ua hou aku oia no ka hale, eia nae, ua hoomaopopo o Gaberiela, mamuli hoi o ka kona haku hana e hooko ana ia wa, a ua komo keakea paakiki loa ae la hoi oia. Ua manao paha hoi keia powa he mea maalahi loa nona ke kahili ae i ka ukali mai kona ala e hele aku ai; aka, iaia nae hoi i hoao aku ai, ua ike iho la oia i ka puikiiki loa. I ka ulele ana no i kinohi, ua loaa aku oia i kekahi hauna pahi maluna pono iho o kona poohiwi akau a komo ka moku a loaa ka iwi. O keia ka mea nana kona mau maka i hookaakaa aku; aka, ua hoonaukiuki pu aku no hoi iaia a loaa ole he pomaikai oi ae no ka ike maopopo i loaa aku iaia. Iloko o kona huhu, ua holo aku la oia imua pono o kona hoa paio poupou, me he mea la ua makaukau loa oia e hehihehi iho iaia a palahe pu iluna o ka honua; eia nae, iloko o kona paukiki loa me ka piha inaina welawela loa, me he la ka hoi ua poina oia i kekahi mea i hiki ke keakea mai iaia. Ua emoole loa nae hoi ka loaa ana iaia o keia mea, me he la no hoi paha, aole i nui kona manawa e noonoo nono iho ai no ia mea, a komo ana ka winiwini o ka Gaberiela pahi i ke kowa maluna ae o ka umauma, komo pono aku la a puka ma kahi aoao o kona a'i a moku ae la na aa nui elua e holo la i hope o ka iwikuamoo a ke kikala.
"Ua pau loa ae la ka hana maanei, e kuu haku," wahi a ka ukali, ia Sa Leone i hele aku ai imua ona.
"Pehea la, he poe hou aku no paha hoi koe o lakou e hele mai ana," i panai aku ai ka naita, me ka hoohuli o kona mau pepeiao e hoolono ma ke alanui.
"Ina he poe hou koe, o ka lede no ka mea maopopo," wahi a Gaberiela. "Nolaila, e pono paha hoi kaua e hookaawale aku mai kela ua e loku nei. E pono no hoi paha keia mau powa punikoko e hoomaha a e hooluolu pela no nei wa."
"Pela io no," i pane ae ai e Leone. Ua kiloi iho oia he hookahi nana hou ana iho maluna o na powa i make, alaila, huli ae la a hoi aku la no kahi pupupu hale.
Aole i pau.
-
Poakahi, Novemaba 30, i hoomaka ai ke kuai emi o na silika a me na waiwai e ae ma ka Halekuai Lahui Kalahiki, a e hoomauia aku ana no kanakolu la. Eia ka wa e loaa ai o na mea emi.
La Kuokoa nei i hoomaka ai ke kuai emi ana o ka halekuai o Yee Chan, ma alanui Nuuanu aenei, mauka ae o ke kihi ma Waikiki mai o alanui Moi. He lua ole keia kuai hoemi, a e ikeia no ma kana hoolaha e puka aku nei ma nei helu. Ua olelo wale ia mai no ia makou, he lua ole ka ka emi o na mea kuai o laila, nolaila, e kipa nui ae no ka pono, i ikemaka i ka oiaio.
Paina La Hanau Keiki.
Ma ke awakea o ka Poakolu, la 9 nei, i malama ae ai o Misita a me Misasa Moau Kalama he papaaina nui i luluu me na meaai Hawaii o kela a me keia ano no ka hoomanao ana i ka piha ana o ka makahiki hookahi o ka laua lei o ka hanu ana i na ea oluolu o keia ao, mauka o Kapalama, a ua nui na makamaka a me na hoa'loha i hiki ae e haupa i na mea ai i hoomakaukauia no ka la hanau o ke kamakane, oia hoi, o Keoniku Moau opio.
Mahope iho o ka pau ana o ka ai ana, ua malamaia ae he mau lealea Hawaii e na hoa'loha o ke kane mai ka auwina la a hiki i ka uhi ana mai o na eheu o ka po, a ua malamaia hoi na lealea me ka maluhia. A o ka makou wale no e kalokalo ae nei, e hooloihiia ke ola o ke kama nona ka la hanau.
-
Ehu Wawae o Kalani.
Wahi a kekahi poe, he ehu wawae ka no Kalani ka ikeia o kekahi mau anuenue mahoe malalo o Ewa a me ka heleli kilihune ana iho o ka ua i kakahiaka Poalima, la 4 nei, eia ka he haina, e holo ana o Kalani no na kapakai okoa mai ia Hawaii aku nei. A iaia hoi a hala, lokuloku loa iho ana a ukele hou no na alanui. Ia po iho hoi, pa kikiao ana ka makani kamaaina, ua mau mai no i ka Poaono, la 5 nei, aumoe ae, malie Ua ua hou no i ka po La Pule mai Ke hoomau me nei, alaila, ahea la pau ka naku ana iloko o ka lepo hakukele, oiai, he hookanaaho wale no hoi ka na kaa panee me na kaa hoonalulu elemu. Ma ka manao hoi o kahi poe, he kahoaka keia no ka pomaikai o ka Kalani huakai i au wahine aku la i nei kai a me ka nai aku hoi i ke anu aaki o kela aina nui ma kela kapa ma o.
-
No na waiwai emi loa i kupono no ke kau Karisimasa, e hele ma ko H.W. Si nida me Keiki halekuai a e loaa no e like me ka makemake E nana ae i ka hoolaha ma kahi okoa o nei helu.
Ua hele aku ka Puali Puhiohe Lahui e ike a e hoolaulea puhiohe i ke Aliiaimoku i kakahiaka Poalua, Novemaba 24, ma Wasinetona. Ano mahiehie no na hiohiona o ua poe keiki la a ua panaiia mai no hoi ke aloha e Kalani.
Ahiahi o ka La Kuokoa nei i uniki ai ka pa kula ao hulahula Europa o kai o Kawa. He ahaaina ko ia auwina la a ia po iho hoi i lealea nui ai. Ua lilo ka ua a me ka ukele i mea ole, o ka piha hauoli no ka mea oi aku. Nui ka mahaloia mai.
He kuai hoemi nui ko ka Halekuai Kalahiki ke hiki aku i ka Poakahi, la 30 o Novemaba, a e hoomauia aku ana a hiki i ka po o ka la 24 o Dekemaba, 1896, i na waiwai o kela a me keia ano. Eia ka wa, e hele nui ae, a e ike ia kakou oiwi ponoi iho.
Ma ke Kauoha.
-
OLELO HOOLAHA.
-
OIHANA WAIWAI,
HONOLULU, Dekemaba 1, 1896.
Ke hoolahaia aku nei ma keia i na poe a pau e paa ana i na Bona o ke Aupuni Hawaii o na la a me na heluna dala mahope iho, mai a mahope aku o ka piha ana o ka wa hookaa o keia kupona (coupon-palapala hooia ukupanee) ae, iloko o na malama o Maraki a me Mei o 1897, e pau no ka ukupanee.
E ukuia no ke kumupaa o ua mau bona la ka waihoia ae ma ka la o keia piha ana ae o ke kupona.
KANAWAI O AUGATE 5, 1882.
Papa U, Bona Helu 74, hanaia Sept. 1, 1882, no $5,000
Papa U, Bona Helu 73, hanaia Sept. 1, 1882, no $5,000.
Papa U, Bona Helu 76, hanaia Sept. 7, 1882, no $5,000.
Papa A, Bona Helu 347, hanaia Sept 1, 1862, no $1,000.
Papa A, Bona Helu 348, hanaia Sept 1, 1882, no $1,000.
Papa A, Bona Helu 349, hanaia Sept 1, 1882, no $1,000.
Papa A, Bona Helu 350, hanaia Sept 1, 1882, no $1,000.
Papa A, Bona Helu 361, hanaia Sept 7, 1882, no $1,000.
KANAWAI O SEPT. 27, 1876.
Papa A, Bona Helu 327, hanaia Nov 1, 1878, no $1,000.
Papa a E, Bona Helu 249, hanaia Nov. 9, 1878, no $500.
S.M. DAMON,
Kuhina Waiwai.
nov 20-4mnw.
-
KUAI NO 30 LA!
-
E HOOMAKA ANA
Poaono, Nov. 28, '96
-
Hoopau i ka Noho Hui ana.
-
I mea hoi e hiki ai ke uku i kekahi o ko'u mau hoa hui, ua konoia mai au e hoolilo aku i ko'u mau waiwai kalepa a pau loa, ma na kumukuai i emi iho i ke kumulilo.
E nana mai i na kumukuai mahope iho, a e ike lea mai i ka emi a oluolu io
Kukaenalo, 11 i-a no..................$.50
" 1 i-a laula, 15 i-a.......................1.00
Keokeo Manoanoa, 12 i-a............1.00
" Huluhulu, no ka i-a....................10
Huluhulu Moe, akea, keokeo a ano e ae, no ka paa..............80
Huluhulu Moe, akea, manoanoa, no ka paa...........................1.00
Kakini Eleele o na kane, wai paa, no ka paa..........................1.00
3 paa no............................... .25
Kakini Eleele o na kane, ano maikai loa, no ke kakini..........1.85
Kakini Eleele o na wahine, no ka paa.................................. .10
3 paa..................................... .25
Kakini Elele o na wahine.
maoanoa....................... .15
2 paa............................. .25
Kamaa wahine, no ka paa.................... .75
" " ano maikai loa..................................$1.00, 1.25
Kamaa Kane, aoao paa a meli, no ka paa.......................1.25
Kamaa Kane ano maikai loa, o na Makai......................2.50
Kamaa Wahine Pihi o ke ano maikai loa.......................1.25, 1.50
Palule Hana Maikai o na kane, pakahi.......................... .20
Palemai maikai o na kane, pakahi.................................. .20
Palemai maikai o na kane, ano manoanoa..................... .35
Lolewawae Ahinahina no ka paa................................. 1.50
Lolewawae Huluhulu Hana, no ka paa..........................1.50
Kuka Maikai loa o na kane...........................................2.00, 2.50
Papale o na kane, mai ke 40 keneta a pii aku.
Kihei Huluhulu o na wahine, $1.00, $1.50 a pii aku.
O ka wa keia e loaa ai o na waiwai ma na kumukuai oluolu a waihpahe loa. He mea hooluhi ole ka hoikeike ana.
YEE CHAN.
Alanui Nuuanu, mauka o Alanui Moi.
nov. 30.-4mnw.