Ka Makaainana, Volume VI, Number 25, 21 December 1896 — Page 6
6 HONOLULU, OAHU, POAKAHI, DEKEMABA 21, 1896.
IOSEPINE
-KA-
EMEPERESE PUUWAI OLU
O FARANI.
MOKUNA VI.
IOSEPINE MA ITALIA.
[Mai ka Helu 23]
Mahope iho o keia, aia ka Napoliona papahana iloko o ka akaka ole. Aole i maopopo kana mea e hana hou aku ai. Aole e hiki iaia ke hoohala wale i kona manawa me ka hana ole. Ua ike maopopo no nae oia aole no i hiki mai ka manawa ana e lawelawe ai me ka holopono, no ka hookahuli ana i ke Aupuni, a e lawe mai i na kaula kaohi o ka hooponopono ana i ke Aupuni iloko o kona mau lima ponoi Penei kana olelo: "Aole i pala pono ka pea."
I kekahi o kona mau hoa'loha pilipaa ua olelo aku oia: "Ma Parisa nei, aohe mau o ko lakou hoomanao no kekahi mea. Ina wau e noho hana ole ana no kekahi manawa, ua lilo au i mea ole. Ma keia Babulona nui ua mahiki ae ke kaulana o kekahi i ko kekahi. Ina wau e ikeia no ekolu manawa iloko o ka hale keaka, o ka pau no ia o ko'u ohohiaia ana, a ua lilo koke no au i mea pakuwa, a he mea makehewa nou ka olelo ana ae i ke ake o na kanaka e ike ia'u. Lehulehu wale o lakou e hele e ike i ko'u lewalewa ana ma ka amana. Ua paa kuu manao e haalele ia Parisa. Aohe a'u hana maanei. Ke kaalo aku nei na mea a pau ma keia wahi, a ke lilo aku nei ko'u nani i mea i hala. Aole e hiki i keia wahi kihi uuku o Europa ke hapai mau i ko'u kaulana. E hele aku ana au ma na aina hikina. Malaila e loaa ai i na kanaka nui o ke ao nei ko lakou kaulana. E hele aku ana au i Aigupita"
O keia ae la na lia ana a ke poo o keia kanaka opio nona na makahiki malalo mai o 26. Aole nae ia he mau moeuhane palaualelo, aka, he mau hoolala ana ia o ka noonoo maikai no ka hoohana ana aku e ko ai ka mea i liaia.
-
MOKUNA VII.
-
Ua lilo i mea e makauia ai e ke Aupuni keia pii mau o ko Napoliona kaulana, a nolaila, ua imi iho la lakou i kumu nona e kaawale aku ai mailoko aku o Parisa, a mai na palena aku hoi o Farani. Ua hoolala iho la ke Aupuni i ke kumuhana, a oia hoi, ka hoouna ana aku iaia e hele e kana ia Pelekane. E like no me kona maa mau o ka hooko i na kauoha a pau, ua holo aku la oia e kiu a e hakilo i na kapakai o ka mokapuni. Mahope o ka hala ana o na la me na po he umi, ua hoi hou mai la oia i Parisa a hoike mai la, "He wahi kumuhana kakanalua loa keia. Aole loa au e ae e hoao e hoohaahaa a hoopio loa ia Farani ma ka hooko ana aku i keia kumuhana."
Ua hoohuli ae la oia i kona noonoo nui ana ia Aigupita. He manaolana kona e loaa iaia ka lanakila ma Aigupita, alaila, holo loa aku i Inia, hoala ae i pualikoa Inia malalo o ke alakai a na alii Europa, alaila, kipaku aku i na poe Pelekane mailoko aku o Inia. He kumuhana nui a pohihihi keia a Napoliona e hoolala nei. I ka loheia ana o keia kumuhana a Napoliona ua lilo ia i mea nune nui ia e ka lahui Farani. A no ka hoomaopopo no hoi o ke Aupuni i ke kupilikii a me ka poino o keia alahele, ua haawi koke mai la lakou i ko lakou ae, me ka manaolana ana e loaa oia i kekahi popilikia ma na kapakai o Aferika.
Aole loa he hoihoi o Napoliona i ke Aupuni lima nui, a ua hoopailua loa oia i na hana ekaeka o ka hoomainoino i hanaia iho maluna o ke kuahu a me ka nohoalii. Ma Parisa oia i ka wa i ulu ae ai kekahi uluaoa, a komo aku la iloko o ke Kakela Tuleri, a kau aku la i na hana hilahila ole me ka hoohaahaa maluna o Lui XVI. a me Maria Anatoineta. Ua ike aku o Napoliona i ke alii e ku ana ma ka pukaaniani o kona halealii, me kahi papale kapu lepo o ka Iakobine maluna o ke poo nana i papahi i ke kalaunu o Kalomana. I kona ike ana i keia, ua paila ae la ke koko iloko o na aakoko o ka Napoliona opio. Huli ae la oia me ka huhu a pane ae la. "Ka poe lapuwale! Ina eha a elima paha haneri o kela poe i hoomoeia me na poka wela, ina no ua puhee koke ko lakou koena."
Pinepine kona hoike ana i kona manao kue i na hana kipikipi a na poe na lakou e hookele ana ke Aupuni, a ua kamailio ae oia i kona mau hoa'loha me ka hunahu-na ole iho, - "No'u iho," wahi ana, "ke kukala nei au, ina e haawiia mai au e koho mawaena o na alii a me keia poe keoni mana aole loa au e pihoihoi i ka hoike ana ae i ko'u manao no ka moi."
Aole i pau.
-
Ke manao nei ka Ahahui Hawaii Opio e hoala i waihona hoahu a hookuonoono iwaena o kona mau lala ponoi iho. He hana maikai ia, hanaia aku.
Ia Taua e Loku Ana.
Na kekahi o na lutanela makai i hoike mai ia makou, i ka wa a kekahi kuaua eloelo e loku ana i ka po Poaono, Novemaba 7, ua loaa mai o Kivini Taua (Stephen Taua) e wallau ana i ka walaau a ka ona rama ma ke alo iho o ko makou keena oihana, a oiai hoi ka wai e kahe ana ma kae alanui, ua moe oia ilalo me he la e au ana iloko o ia wai a e hopuhopu ana ka i na i'a ulaula ana i ike ole ai. I nei wa no ka ana e hopuhopu i'a (ole) ana, e nui ana ka kona leo i ka hooho, - "E Liliu e! eia au la iloko o ka ua; ke hoi ae oe iluna o ka nohoalii, e ike mai oe i kou kanaka nei!" Ua lehulehu na wa o kona hoopuka ana i keia mau olelo, e hoike mai ana no i kona manaopaa iloko o kona kupouli no ka pono o kona haku. A no ka nui launa ole mai no o kona ona, a no ka hiki ole loa no hoi iaia ke hoi pololei, ua laweia aku oia no ka Halewai. Ilaila aku ka hoi, ua makemake oia e hoopupule iaia iho, i hoihoiia i Kalaepohaku, no kona makemake ole ka e hoi i Kawa e hoopaahaoia ai ma ka hana oolea. Eia nae, aole no i ko ia mau hopohopo ona, oiai, ua oluolu no ka hoopaiia ukuia no a hemo.
-
Olelo Hoolaha.
E ike auanei na mea a pau loa, o ke Kai Lawaia o Kahala me ka pa-hale, ua lilo mai ia'u ma ka hoolimalima, a ua hookohu aku au ia Akana Kalauki oia ka mana ma na ano a pau, a hoopii paha ma ke kanawai.
J. AEA.
Honolulu, Dekemaba 7, '96, dek 14 - 4mnw
-
DR. C.A. PETERSON,
(KAUKA PITASONA),
Ua Nee Ae Oia a ka Helu 28,
ALANUI EMA.
NA HORA KEENA: - 8-10A.M.; 2-4 a me 7-8 P.M.
nov. 30 TELEPONE 752. 3ml
-
HOOLAHA A KA LUNAHOOPONOPONO WAIWAI.
Ua hookohu pono ia ka mea nona ka inoa malalo iho i Lunahooponopono no ka waiwai o Apela Kukamana o Pukoo, Molokai, i make. Ke hoikeia aku nei ka lohe i na mea a pau he mau koi ka lakou ma ka moraki a palapala e ae paha e hoike koke mai i ka mea nona ka inoa malalo iho nei iloko o na mahina eono mai keia la aku, a i ole, e hooleia aku mahope o ia manawa. A o ka poe he mau aie ko lakou i ka mea i make, e hookaa koke mai i ka mea nona ka inoa malalo ma kona hale noho ma Pukoo, Molokai.
S.K. KUPIHEA,
Lunahooponopono Waiwai o ka Waiwai o Apela Kukamana, i make.
Pukoo, Molokai, Dekemaba 1, 1896.
dek14-4mnw.
-
HOOLAHA A KA LUNAHOOPONOPONO WAIWAI.
Mamuli o ka mana i loaa ia'u ma ke kanawai, e like me ia i hookohuia ai e ka Aha Hooponopono Waiwai, o ka Aha Hookolokolo Kaapuni, Apana 1, imua o Lunakanawai Carter, nolaila, ke hoikeia aku nei ka lohe i na kanaka a pau he mau koi ka lakou i ka waiwai o KALAHIKI iki o Honouliuliu, Ewa, Mokupuni o Oahu, e waiho mai i ka lakou mau bila koi ia'u i hooiaio pono ia ma ko'u wahi noho ma Puuloa, Ewa i oleloia, a i ole, ma ke Keena Loio o J.K. Kahookano, ma alanui Kaahumanu, Helu 115, Honolulu iloko o eono mahina mai keia la aku, a i ole pela, e hoole mau loa ia aku no. A o na poe hoi a pau i aie ia Kalahiku [k], i make, i oleloia, e uku koke mai i ka Lunahooponopono i oleloia, a i ole ia, e hookaa ma ka lima o J.K. Kahookano, ka loio o ka waiwai o ka mea i make i oleloia.
AKEN KI KEKUA [w],
Lunahooponopono Waiwai o Kalahiku [k], i make.
Honolulu, Dekemaba 12, 1896.
dek 14-4mnw.
Ma ke Kauoha.
-
OLELO HOOLAHA.
-
OIHANA WAIWAI,
HONOLULU, Dekemaba 1, 1896.
Ke hoolahaia aku nei ma keia i na poe a pau e paa ana i na Bona o ke Aupuni Hawaii o na la a me na heluna dala mahope iho, mai a mahope aku o ka piha ana o ka wa hookaa o keia kupona (coupon-palapala hooia ukupanee) ae, iloko o na malama o Maraki a me Mei o 1897, e pau no ka ukupanee.
E ukuia no ke kumupaa o ua mau bona la ka waihoia ae ma ka la o keia piha ana ae o ke kupona.
KANAWAI O AUGATE 5, 1882.
Papa U, Bona Helu 74, hanaia Sept. 1, 1882, no $5,000
Papa U, Bona Helu 73, hanaia Sept. 1, 1882, no $5,000.
Papa U, Bona Helu 76, hanaia Sept. 7, 1882, no $5,000.
Papa A, Bona Helu 347, hanaia Sept 1, 1862, no $1,000.
Papa A, Bona Helu 348, hanaia Sept 1, 1882, no $1,000.
Papa A, Bona Helu 349, hanaia Sept 1, 1882, no $1,000.
Papa A, Bona Helu 350, hanaia Sept 1, 1882, no $1,000.
Papa A, Bona Helu 361, hanaia Sept 7, 1882, no $1,000.
KANAWAI O SEPT. 27, 1876.
Papa A, Bona Helu 327, hanaia Nov 1, 1878, no $1,000.
Papa a E, Bona Helu 249, hanaia Nov. 9, 1878, no $500.
S.M. DAMON,
Kuhina Waiwai.
nov 30-4mnw.
-
KUAI NO 30 LA!
-
E HOOMAKA ANA
Poaono, Nov. 28, '96
-
Hoopau i ka Noho Hui ana.
-
I mea hoi e hiki ai ke uku i kekahi o ko'u mau hoa hui, ua konoia mai au e hoolilo aku i ko'u mau waiwai kalepa a pau loa, ma na kumukuai i emi iho i ke kumulilo.
E nana mai i na kumukuai mahope iho, a e ike lea mai i ka emi a oluolu io
Kukaenalo, 11 i-a no..................$.50
" 1 i-a laula, 15 i-a.......................1.00
Keokeo Manoanoa, 12 i-a............1.00
" Huluhulu, no ka i-a....................10
Huluhulu Moe, akea, keokeo a ano e ae, no ka paa..............80
Huluhulu Moe, akea, manoanoa, no ka paa...........................1.00
Kakini Eleele o na kane, wai paa, no ka paa..........................1.00
3 paa no............................... .25
Kakini Eleele o na kane, ano maikai loa, no ke kakini..........1.85
Kakini Eleele o na wahine, no ka paa.................................. .10
3 paa..................................... .25
Kakini Elele o na wahine.
maoanoa....................... .15
2 paa............................. .25
Kamaa wahine, no ka paa.................... .75
" " ano maikai loa..................................$1.00, 1.25
Kamaa Kane, aoao paa a meli, no ka paa.......................1.25
Kamaa Kane ano maikai loa, o na Makai......................2.50
Kamaa Wahine Pihi o ke ano maikai loa.......................1.25, 1.50
Palule Hana Maikai o na kane, pakahi.......................... .20
Palemai maikai o na kane, pakahi.................................. .20
Palemai maikai o na kane, ano manoanoa..................... .35
Lolewawae Ahinahina no ka paa................................. 1.50
Lolewawae Huluhulu Hana, no ka paa..........................1.50
Kuka Maikai loa o na kane...........................................2.00, 2.50
Papale o na kane, mai ke 40 keneta a pii aku.
Kihei Huluhulu o na wahine, $1.00, $1.50 a pii aku.
O ka wa keia e loaa ai o na waiwai ma na kumukuai oluolu a waihpahe loa. He mea hooluhi ole ka hoikeike ana.
YEE CHAN.
Alanui Nuuanu, mauka o Alanui Moi.
nov. 30.-4mnw.