Ka Makaainana, Volume VI, Number 25, 21 December 1896 — Page 7
HONOLULU, OAHU, POAKAHI, DEKEMABA 21, 1896. 7
NA AINA MAMAO.
-
Mau Lono Huikau mai kela a
me keia Wahi Like Ole.
Kau Ahaolelo o Amerika Huipuia.
I ka la 7 nei i weheia ai keia kau hou o ka Ahaolelo, a ma-ia la no i loaa ae ai ka ka Peresidena palapala hope loa. Aohe mau mea ano nui loa i ikeia iho ma keia palpala e like la me ka mea i upuia mawaho o na mea ano mau. Ua kamailio pokole ae oia no Amenia, Cuba, Venezuela a me na ninau ano nui e ae o ka manawa ma ke ano pokole, a no Hawaii nei hoi, he ole a he ole loa kahi olelo iki.
A iwaena hoi o na hunahuna pili Ahaolelo, eia iho kekahi. He $400,000 a Kuhina Waiwai Kalaila i noi ai no ka hoomaemae ana i ke awa o Kapalakiko, ekolu mau olelo hooholo hui i waihoia ae imua o ka Aha Senate i ka la elua o ke kau, e kokua ana i ke komo keakea aku ia Kuba; a ma kekahi halawai hoolala wale ana no a ke Komite o ko na Aina E, ua ulu ae ke kamakamailioia o ka ninau o Kuba, a aohe lala o ia komite i nele ole ka hoike ae i ka manao kokua i na poe o ia aina e paio la no kuokoa a me ke aloha aina oiaio, ua koe nae hoi, aohe mea maopopo i hooholoia.
Aohe Olelo Ana - Ua Make.
Ua hoole o W.J. Baraiana i ka haawi a kekahi hui loio o Nu Ioka iaia e hana no $25,000 o ka makahiki, mamuli no o kona ake e hoomau aku i ka hana a me ka paio ana no kana i hooikaika ai ma keia kau koho peresidena ana mai nei. Ma kekahi palapala ana i hoolaha akea ae ai mahope o ke koho ana, ua olelo ae oia aole o kona haule ana he mea ia e haawi pio ai i ka hana i hookumuia o ka hoonaauao ana aku i ka lahui no ke kulana like ole mawaena o na dala ulaula a me keokeo, aka, o a haule ana, he lanakila ia ma kekahi ano a ma kekahi olelo ana. Nolaila, ua paa no kona manao e hoomau aku i ka hoonaauao ana i ka lahui no kahi wa aku, a malia o hoea mai no he wa e loaa ai o kekahi lanakila oi loa aku o ka hiwahiwa mamua ae o kona haule ana i nei kau iho la. Ua oleloia ua hoi hou no oia e lawelawe i kana oihana loio ma kona Mokuaina o Nebarasaka me ke ake ole no kela mau dala nui o Nu Ioka a he hooponopono nupepa kekahi hana ana. Ina la mua o nei mahina oia e haawi ai i kekahi mau haiolelo ana ma kekahi mau wahi ona i konoia ai. I na la mua o nei mahina oia e haawi ai i kekahi mau haiolelo ana ma kekahi mau wahi ona i konoia ai.
Hakaka o Sharkey me Fitzsimmons.
I ka po o ka la 2 nei, ma Kapalakiko, i malamaia ai ka hakaka mawaena o Sake, ka luina manawa, a me Fisitimona, ko Auseteralia kaeaea, no ka uku makana o $10,000. Ua nui na poe i hele a ua oleloia ua piha he 15,000. Aia ka eo o kela uku makana a hiki ia Sake ke ku aku imua o kona hoa no umi puni, aka, i ka puni ewalu no nae, poino oia a pau ke aho iloko o kona nawaliwali. Eia nae, ua haawiia ka hakaka ia Sake e ka lunakanawai, nona ka inoa o Wyatt Earp, mamuli o kekahi ulia, oia hoi, ua kuiia oia malalo aku o ke apo opu, a o ka puupuu ia i pau ai o kona aho. Ua kakooia keia ike no ia ulia e ke kauka i kauohaia ai e lawelawe ia Sake, mahope koke iho o kela puupuu. Ma kekahi kauoha i hoopukaia mai o ka Aha ma o ka hoopiiia ana aku, na papaia aole kela uku makana e ukuia. O keia hakaka ka hana nui e hoouluku la ia Kapalakiko, a mamuli hoi kekahi o ka hoikeia ana ua kipeia ka lunakanawai he $2,500 e haawi i ka hakaka ia Sake, i kinohi no, a ua hoike ae ua lanakanawai la pela. Ua ukuia na pili ma kekahi mau wahi a ae, malalo o ka rula maa mau aohe e hiki ke hoololiia ae ka olelo hooholo a ka lunakanawai. Imua o ka Aha ipuka ai na olelo no ka uku i kipeia ai ka lunakanawai.
Na Hunahuna Laulaha.
Ua aa aku o Misasa Rosa Boide, he wahine paele no Kikako, e hakaka kuikui puupuu pu me Sake.
Ma Parisa, Farani, i make mai nei ke Dukese de Caceze. He kaikamahine oia na Isaaka Sina, ka mea i kaulana ma ka imi ana a me ka hana ana i ka mikini humuhumu.
Ua hoololi ae o Adimerala Selefarige o Amerika Huipuia i kona hae mai na mokukaua ma ke Kai Waenahonua mai ka mokukaua Minesota aku a iluna o ka mokukaua Kapalakiko.
Ua hoike ae kekahi nupepa alakai o Lipesika, Geremania, me ka manaoia na Bisimaka, o Italia no ka hoi kekahi i komo pu me Geremania iloko o 1891 ma kekahi kuikahi kuikawa me Rusia.
Ua manaoia na hiki mua no o Kama'liiwahine Elvira Marie Therese Henrietta de Bourbon
i Amerika no elua manawa, a ua oleloia ua holo mahuka oia mai Roma, Italia, me kekahi mea pena kii nona ka inoa o Kouna Folihi.
Mamuli o ka hookohuia ana o Generala Polavieja, ua lawe oia i ke kulana Kiaaina o na Paemoku Pilipine. O ke Kiaaina mua, oia o Generala Balanaco, ua hookohuia oia i poo no ka oihana koa o ke aloalii ma Maderida, Sepania.
He $150,000 ka a Wiliama K. Vanabila i haawi ai i ka waihona koho balota o ka aoao Repubalika, wahiia a ka oleloia, a ua manao ka oia he mea ia e kokua ai i kona waeia aku i Emabasedoa i Ladana. O kona akenui loa ka, wahi no a ka oleloia, o ia ka hoohoka a hoohaahaa aku i na Asetoa.
Aohe mao iho o ke kana kipi ma Kuba, aia no ke noke la. Ua lonoia ma kekahi hoouka kaua ana ka i ka la 7 nei, ma kahi ka o 15 mile mai Havana aku, mawaena o 500 poe koa Sepania a me 2,000 kipi, ua make aku ka o Anatonio Macao, ke alakai kipi, a me Gomeze. I kahi la ae no, ua hooleia ka oiaio o nei lono.
Ano koke mai nei, ua loohia pinepine ia o Pohakuhauoli me ka paupauaho. Ua hoike ae nae hoi na kauka e lawelawe la iaia, oiai, he wahi mea ku no kela ano e ona i ka hoohuliia, aole loa nae hoi he wahi kahua iki no ka hopohopo ana i kona ola, aka, e kupono e holo oia i Farani e hoohala ai i ke kau anu o ka hooilo.
Ua nauki loa na luna o ka Oihana Kaua Moana o Amerika Huipuia i ka hoolaha mau o na nupepa i ke kupono ole a inoino o ka mokukaua Tekasa, a ua olelo ae lakou ke pau pono na hoomaemae e hanaia mai la iaia, e hiki ana no oia ke hoohanaia aku e like la me kahi mokukaua nui ae iwaena o na aumoku ma ka Atelanika Akau.
Mamuli o ka loea noii o Edisona, ua hiki loa kahi mea makapo ke loaa ka ike mamuli o ka ikaika o na kukuna uwila (X). He wahine i makapo no elua malama ka i ikeia ke kumu o kona makapo ana mamuli o na kukuna a loaa aku la kekahi mea iloko o ka onohi ike, a mamuli o kela ikeia ana o ke kumu i wehoia ai kela mea alai i ka ike a loaa hou kona ike.
No ka hoopuka ana o kekahi mau nupepa Geremania i na manao ku i ka laibila ia Barona vona Bibasetaine (von Bieberstein), Kuhina Kaua, ua hopuia he elima poe lunahooponopono, a ma ko lakou hookolokoloia ana mai nei, ua ahewaia he eha o lakou. Elua i hoopaiia no 18 malama hoopaahao pakahi, hookahi no hookahi malama, a he hoopai dala ko koiahi, he 500 maka.
Kuai Hoemi Nui
-
Elua Halekuai i ka Wa Hookahi.
-
Kwong Sing Loy
a me Sing Loy
-
E hoomaka ana i keia la 30 o Novemaba, 1896, pela no e hoomauia aku ai no Hookahi Wahine.
-
Na MUUMUU, Na PALEKOKI,
a me na Pono e ae o na Wahine, i hana maiau ia, emi a emi loa!
Na LIHILIHI, Na PAPALE a me
Na KAMAA o na Wahine,
aohe emi aku a koe mai!
Na PAA LOLE PIHA, na PAPALE
a me na KAMAA o na Kane,
oluolu loa Kumukuai!
Na PAA LOLE o na KEIKIKANE
a me na KAIKAMAHINE,
he Makepono Loa! He keu aku a ka olu
waipahe'a ka launa ole mai.
O na Waiwai no a pau loa ke kuai hoemi loa ia kau ana, a he mau Waiwai hou loa wale mai nei no ka hapanui.
E Hoomano i na Halekuai a Elua.
nov. 30-5mnw.
-
MORIKAWA,
Ka Oi ma Kana Hana.
Ua nee ae nei kona hale hana mai
Alanui Betela a i ka Halelio o Akana, Alanui Konia, mauka
o Alanui Hotele. Amara a Mea Hana Kaa me ke Kapili
Kapuai Hao Lio
Oluolu loa ka uku o ka hana, i hiki ole i na poe e ae ke lihi launa aku.
jun 8-3ml.
-
HELE HOOLUOLU.
O.R.L.Co.
MA NA POAONO A ME NA LA PULE
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku Puni.
Papa 1. Papa 2
Manana - - $75 $50
Mahiko o Ewa - - 1 00 75
Waianae - - - 1 50 1 25
F.C. Smith,
Agena Ohua a Palapala Nui
feb 10-tf
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp. feb 3-mp.