Ka Makaainana, Volume VII, Number 4, 25 January 1897 — Page 6

HONOLULU , OAHU, POKAHI, IANUARI 25, 1897.

 

IOSEPINE

 

KA

 

EMEPERESE PUUWAI OLU O FARANI.

 

MOKUNA VIII.

 

IOSEPINE KA WAHINE A KE KANIKELA MUA.

 

            Iloko e ka hooilo o ka makahiki 1799, ua komohia o Farani iloko o na omamalu a me ka ino o ke kaua kuloko.  Ua ilihua na makaainana me ka manaonao; ua panikuia na hale oihana, a ua nele na poe ilihune i ka hana e loaa mai ai ka ai, a ua nui na poe i make i ka popoli.  Ua komo hou mai la na poe Auseturia iloko o Italia a hoopuehu aku la i na pualikea Farani.  Olai, aole he mau lono i loheia mai no Punipake a me kona puali me Aigupita, ua paholaia ae la kekahi lono a puai ke kulanakauhale o Parisa ua make o Napoliona.  A oiai, ua puka main a kanaka na lakou e paa ana na kaula kaohi o na hooponopono aupuni ma Parisa mai loko mai o na haakokehi o ke kaua kuloko, pela no lakou i hoomaopopo ole ai i ka palekana o na makaainana.  Ua kaea a pilihua ka manao o na makaainana no keia mau hakaka mau a na, a nolaila lakou i iini nui ai e loaa hou ona lima ikaika nana e hoopakele ae ia lakou mai neia noho ana kupilikii, a hoihoi hou mai hoi i ka maluhia o ka aina, a e kukulu pu hoi i aupuni onipaa.

            O ka ulu ana ae o keia manao iloko o na makaainana ka mea a Napoliona i upu ai, a o ka Manawa hoi ia ana i olelo iho ai, “Ua pala ka pea.”

            Ma ke ahiahi o ka la 9 o Novemaba, ua akoakoa ae la kekahi anaina hanohano ma ka hale o ka Peresidena, M. Gohia, ma Parisa.  Ua hiki ae ma ia anaina na poe hanohano a pau o ke kulanakauhale.  A oiai e noho ana o Iosepine ma Parisa i kela manawa, oia kekahi o na hoa-ai.

            I ke aumee, ia lakou e noho ana ma ka papaaina, ua hoohikileleia lakou e kekahi lono telegrapa i laweia mai i ka Peresidena, e hoike mai ana ua pae mai o Napoliona ia kakahiaka ma Fereusa, he wahi kulanakauhale uuku ma ke kappa o ke Kai Waenahonua.  Ua lilo kela lono i mea hoopihoihoi i na manao o na mea a pau ma kela auaina; a oi loa aku hoi na poe na lakou e hooponopono ana ke aupuni, no ka mea, aole i hoi mai o Napoliona iloko o kela mau hera kupilikii me ke kumu ole.  Ua haikea ko lakou mau helehelena i ka noonoo ana iho, mamuli o ko Napoliona paulehiaia e na pualikoa o ke aupuni, ua hiki iaia ke olepe ao ia lakou a kaili ku ae hoi I ko lakou mana mai a lakou ae.

            A no keia lono i loaa ia lakou, ua kahamaha a oki pu ia hoi ua hoohialaai ana a ke anaina ma kela pauaaina i hele a lulu i na mea-ai; a iloko o ka manawa pokole ua pau na mea a pau i ka hei.

            Ua lilo ia i mau minute pihoihoi no Iosepine; hoi aku la ia me ka awiwi, a kauoha ae la e hoomakaukau koke ia kona kaa.  I ka makaukau ana, kau ae la ia me Hotenese a me Lui Punipake, a holo aku ia me ka hoomaha ole ka halawai ana oku me kana kane.  Ua akenui oia e halawai me kana kane mamua o ka loaa ana i kona poe enemi he manawa e hoopiha piha imihala ia ai oia.

            Oiai, o ke lanui pokole mai Parisa aku e hele ai i Ferensa, aia ma ke kulanakauhale o Liona, nelaila, ua holo aku la ko Iosepine kaa malaila.  No kekahi kumu nae a Iosepine i hoomaopopo ole ai, ua hele ae la o Napoliona ma kekahi alanui okea, he alanui loihi loa.

            I ko Iosepine hiki ana ma Lions, ua hoikeia mai la iaia ua hala ae o Napoliona ma kela ala no Perisa he 48 paha hora mamua ae o kona hiki ana aku.  He mea e ko Iosepine kaumaha no keia lono, no ka mea, e hiki e aku ana o Napoliona i ka hale, aole haa oia malai’a no ka hoekipa ai a aku iaia, a e loaa ana hoi i kona poe enemi he manawa kopono loa e hoopihapiha ai i kaua kane.  Mamuli paha o ka nawaliwali o kona mau lio aole e hiki ia Iosepine ke hoi koke aku mamua o ka hala ana o na la ekolu.

            Ua hiki aku la o Napoliona i Parisa ma ka la 10 e Novemaba. a I ke aumoa hoi o ka la 12 ko Iosepine hoi ana aku.  Me ka maluhiluhi o ka hele ana, ka hopohopo a me ka naau kaumaha o Iosepine i komo aku ai iloko o ka laua home ma Parisa, ke Kakela Kaseterina.

           O ko Iosepine mau enemi i hopohopo loa ai, o ia no na hoahanau ponoi o Napoliona a me ka laua mau wahine.  Ua kaukai ko lakou pono a me ko lakou kulana maluna o Napoliona, a nolaila lakou i lili loa ai ia Iosepine, no ko Napoliona hooko mau i ka Iosepine mau mea a pau e olelo ai.

Aole i pau.

 

            E lawe nui KA MAKAAINANA i ike mau i na mea hou o ka huakai a Kalani ma Amerika Huipuia.

 

Hoomakeaka No Hoi Paha.

            I ka helu mua o KA MAKA AINANA O keia makahiki hou, ua paiia ma kona oaoa mua ka la a me ka makahiki i poka ai, penei: “Ianuari 4, 1896.”  Ma na mea e ae i hooponoponoia e pili ana i keia hoomaka hou ana, ua pololei ma na ano a pau.  Eia nae, ua waihoia mai a na kona helu elua ka oi loa aku, oia hoi, “Ianaari 1, 1987,” ua like ia me kanaiwa makahiki mamua loa aku nei o keia au a kakou a pau e ola nei.  Hoomakeaka no hoi paha na hana.  Malia no ka poahi loa o na lima e pohina ka ike o na maka o ko makou lima hana alakai ma ka hooponopono.  O kahi i laki ai o ke paewa hope, he mau kope kakaikahi wale no ka i paiia, a ua pau aku ka hapanui no Molokai.  Ke ike na makamaka o laila ia paewa a me keia hoaiai, e lawe aku hoi lakou i keia mau hooponopono a makou i mea e hoopau ae ai i kela hemahema i hanaia me ko makou ae a hoihoi ole loa.  Aole loa o makou makemake i ka lele kikoi wale aku no i o kikilo loa, aia no a hiki aku kakou ilaila.  Ke hoea aku paha ia wa, aohe o kakou o keia au i koe iho.  No nei, a me na wahi e ae, pa hooponoponoia kela paewaewa ano nui i ko makou manao.

 

Pono Keena Loaa Wale.

            Iloko o na pule i hala ae, ma ka oluolu a lokomaikai o kekahi poe agena o na hui panihakahaku o kakou nei, ua loaa wale mai la no ia makou kekahi mau pono hana keena.  Mai ia J. S. Waka, he mau alemanaka no kekahi mau hui; mai ia H. Lose, e like no me ia a me na laau ana iwilei; a mai ia J. M. Laukeke, na pepa hoomaloo inika a me na rula ana kapuai me kaha laina a oki pepa.  He mau mea no kahi i loaa mai, aole nae hoi ia makou no KA MAKAAINANA nei, aka, no ke Kuokoa aamu ia.  Ke haawi aku nei makou i na hoomaikai a mahalo ana no ko makou hoomanao a hoomaopopoia mai.

 

Ueia ma ka Berita o ka Mare.

            Ahiahi Peaha, la 14 nei, maloke o ka luakini o Sana Auaru, i uoia ai o Geo. C. Ross (Keoki Loke), keikikane hiapo a ka Luna Hooia mua i pau, ia Miai Carrie Siemsen (Kele Simeaona), kaikamahine hiapo a J. P. Siemsen i kip u ai iaia iho ha wa i hala ae makai o Kawa.  Na F. A. Sefa, kaku o ka wahine, i haawi i ka wahine opio e mareia i ke kane.  Pau ka mare ana, he aha ike a hoolaule, ke loke o ke kula Virigine o Sana Anaru, oiai, he haumana ka wahine no laila.  Ilalo laua o Manana, Ewa, kahi i hoohala ai i na la mua o ko laua noho mare ana, a i nei wa hoi, ua u hoi mai ne luna nei.

 

HUI HAWAII KUAI AINA.

 

NA LUNA NUI.

 

JAS. H. BOYL ……………………. Peresidena

J. K. KAULIA …………………….  Hope Peresidena

C. A. LONG ………………………  Puuku

ENOCH JOHNSON ……………… Kakauolelo

JOS. PAAKAUIA ………………...  Luna Hooia

W. C. Achi ………………………..   Luna Hoohana

NA LALA O KA PAPA ALAKAI.

J. K. KAHOOKANO, R.W. WILCOX

J. W. BIPIKANE.

            He Hui i kukuluia no ka hookuonoono a kokua ana i ka lahui Hawaii; ua makemakeia na Hawaii a pau loa e komo mai i ka Hui.

Honolulu , Ianuari 11.              jan11-1yr.

 

S K PUA.

He Agena no na Waiwai Paa

He Mea huli i na Kuleana Aina i mea a maopopo ai.

He Mea Ohi i na Aie i hiki ole ke Ohilia e na Poe no lakou na Aie, a

He Mea Hana i na Ano Palapala Pili Kanawai a pau.

KEENA HANA: - Ma ke keena o R. W. Wilikoki, Alanui Konia.                aug. 31-1mk.

 

DR. SLOGGETT

(KAUKA SOLOGETE),

 

Kauka Lapaau me Oki

 

Kokoke ma kahi noho o H. W. Schmidt, Esp., Alanui Beritania, Manamana.

O kona makaukau loa, aia i na Mai ka Maka, Pepeiao, Ihu a me ka Puu.

MANAWA NOHO KEENA: Hora 8 a 10 a. m.; 1 a 2 p. m.; 7 a 8 p. m.

Telepone Helu 701.

nov 16-2m

 

HALEKUAI LAHUI KALAHIKI

 

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka “Hawaii Holomua.”

 

Ma ia halekuai o na oiwi e loaa ai na anoi a me na paihi o na ano hou loa, e laa

 

            Na Kalakoa,                            Na Keokeo,

                        Na Makalena,                          Na Kinamu,

                                    Na Huluhulu,                          Na Lihilihi,

 

            Na Kamaa o na Kane, Wahine me Keiki a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu unuia no ka hoikeike ana i na mea kuai.

                                                M. PALAU. Luna Nui.

            ok 14-16

 

HELE HOOLUOLU

 

O. R. L. CO.

 

MA NA POAONO A ME NA LA PULE.

 

            E HAALELE MAI NO NA Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.

Na Palapala Uku Puni

                                                Papa 1.                        Papa 2.

Manana                       -           $ .75                $ .50

Mahiko o Ewa             -           1.00               .75

Waianae                      -           1.50               1.25

F. C. Smith,

Agena Ohua a Palapala Nui

feb10-tf

 

Hui Papa a Kukulu-Hale Oahu.

(OAHU LUMBER & BUILDING CO.)

Leleo, Alanui Moi, kokoke i ke Ka hua o ka Hui Alahao & Aina Oahu

 

Poe Kalepa Laau, Hana Aelike a me Kukulu Hale. 

Poe Hoekomo Mai a Hoolio aku i na

Puka, Olepelepe, Kui,

            Pepa, Pena, Aila,

                        Na Pono Kamana,

            A pela aku, a pela aku.

Telepone 53. Pahu Leta.