Ka Makaainana, Volume VII, Number 4, 25 January 1897 — Page 7

Ka Makaainana.

 

.                              HONOLULU, OAHU, POAKAHI, IANUARI 25, 1897                              7

 

NA AINA MAMAO.

 

Mau Lono Huikau mai kela a me keia Wahi Like Ole.

Sepania me Amerika no Cuba.

     Ua aneane no e pau loa na kukai ana mawaena o Kuhina Nui Olone a me Senoa Dupue de Lome no ka ninau o Kuba, no ka waihoia aku hoi imua oa ka Ahaolelo i ka wa e akoakoa hou ae ai i ka la 5 nei.  Aia na kahua o keia aelike ma o kekahi palapala o ke kekau koke koke ia ana ae e Kuhina Nui Canovasa ia kuhina Nui Olone.  Ma ko Sepania aoao, ua haawi ae oia he mau kumu no kona mau makaainana kipi ma Kaba e apo ae ae me kona noi aku hoi ia Amerika Huipuia o waiho ae  imua o lakou.  I panai hoi no ia mau hana maikai, e haawi aku no o Sepania i kuikahi panailike, e pili nui loa ana hoi no na waiwai o Kuba, a e loaa no hoi he pomaikai ia Amerika Huipuia no na poha i loaa mamuli o ke kaua.

     Ua hoakaka ae nae hoi o Kuhina Nui Canovaa he mea hiki le loa ia Sepania me ka makee i kona kulana ke ku ae imua o ke ao holookoa aia ke ano ua hookikinaia oia e Amerika Huipuia e lawelawe aku i na hoohana ana e like me ia ano ae la.  Ua haawi laelae loa aku oia i kana e haawi nei i keia wa, a o ia haawi ana, oiai no o mau ana kekahi nooili kaua kipi kuloko.  Eia nae, ua ae oia i na lawelawe hana maikai a kokua a Amerika Huipuia ma ke ano komo uwao aku a e hooia aku hoi i na kipi i kou lakou huikalaia a me ka hookoia aku hoi o ke kanawai hooponopono hou ana i manao ai e kukala koke ae ma Kuba.

     O ke ano o ke kulana hooponopono kuloko i manaoia, wahi o na olelo a ka loea kalaiaina Sepania, o ia no ka palena o ke kuokoa e hiki ana ke haawiia i kekahi okana a paualaau paha e kekahi aupuni me ka hoomahae loa ole aku hoi i na hoopaa ana o ka noho hui pu me ka aina makuahine.  Aole loa e hiki ke haawiia ma Kuba ke kulana kuokoa e like la me ko ua kanaka o Kaneda. O ka Sepania nae hoi i makaukau loa ai e haawi aku i na kipi, ina la kou e waiho ana i ka lakou mau lako kaua, a me kana hoi i noi ae ai ia Amerika Huipuia e hooia aku, o ia kekahi kanawai e hoakaka ana i ahakuka hooponopono, a ua ia ahakuka e hoomalu a hooponopono aku i na hana kukai a launa kalepa ana ma na paemoku o na Inia Komohana a me na kohokoho ana a pau no na auhau a hoolilo laulaha o ka mokupuni a me na hana a pau e pili ana i kona hooponopono kuloko ia ana.

     Mai Ladana, Bereline, Parisa, a me roma i loaa ae ai ma Wasinetona, Dekemaba 28, na hoole e pili ana i na lono no ke komo keakea ae o na Mana Europa me na hana mawaena o Sepania a me Amerika Huipuia e pili ana ia Kuba.

   

Kekahi Mau Hana ma Cuba.

     Mamuli o ka hoohalahala ana o Iulio Sanaguile, ke kupa Amerika i hopuia ai iloko o 1895 no ka ohumu kipa a ahewaia e ka aha-koa no ka hoopaahaoia a pau ke ole, a loaa ai he hookolokolo kivila ana nona, ua aweha hou ia oia a haawiia no ia hoopai like.  Ua hoohalahala ae kona loio i ka aha kiekie loa no ka hoopau loa ana mamuli o kekahi paewaewa ma ka lawelaweia ana.

     Palena ole ka piena o na nupepa o Havana ia Amerika Huipuia, a oi loa aku hoi, e kue ana i ke kahua lawelawe hana e ae ana i ka hoomauia o na hana hoopae lako kaua, a o kekahi no hoi i ke ake loa o na nupepa Amerika e hoolaha ae i kela a me keia mea e loaa ai ko Sepania hoowahawahaia.

     Ua loaa ae he lono i na alakai kipi o Kuba ma Ki Komohana, Felorida, e hoike ana he hooili kana weliweli ka i uleleia ma ka La Makahiki Hou ma kahi kokoke i Categana, ma ka aoao komohana o ka apana o Matanaz sa.  I kinohi, ua hoauheaia na kipi aole no ia i liuliu oa a lanakila lakou.  Ua oleloia he umukumamakahi poe aliikoa Sepania i pau i ka make, ke huiia me Konela Rora.  A ua hoikeia ae no hoi he 140 poe koa Sepania maoli i pau i ka make a ua aneane 200 poe i eha.  Wahi a ka oleloia, he 60 o na poe Kuba i make a he 90 paha i eha.  Ena mau pu-kuniahi a me na puraifela lehulehu i lilo i na poe Kuba.

     A na lono hou ia ae no hoi ua hoauheeia na Sepania malalo o Konela Segara ma ka apana o Pina dele Rio i na Kuba malalo o Generala Rivera, ke pani ma ko Maceo wahi a makalua.  Ua hoikeia ae ua hoao aku o Kone la Sagura me 2000 e kaili mai i ko Rivera kulana ma na puu o Pina dele Rio.  Ma ka Rivera hoohana ana, ua hoauheeia na Sepania.  Ua oleloia ae na aneane e piha ka 300 poe i make ma ko Sagura aoao a ua aneane paha i ka 400 poe i eha, a he uuku loa hoi ka poino ma ko na Kuba aoao.

 

Ahuwale ko Iapana Lima.

     He aha-koa e noho ana ma Manila ka i hoomaka mai nei i ka hookolokolo ana i kekahi poe u nikumamawalu i oleloia he poe kipi.  O na olelo hoike i puka ae i nei wa, ua hoike ae ia ua kukai palapala keia poe me kekahi poe ma Iapana, i ako no ka hoeueu a kokua ae i ke ala kipi.  Ua noi ae ka loio hoopii ma ko ke Aupuni aoao e hooholoia ka hoopai make maluna o keie poe pio a pau.

     Ua hoike ae na palapala mai Manila ua nui ko laila hoopiolokeia mamuli o na mea i hoikela ae e kakahi o na kipi i hopuia.  Ma ka hoike a kekahi o lakou ua olelo ae oia ua maopopo iaia ua manao o Iapana e hoouna aku i kekahi heluna o kona mau mokukaua i na Paemoku Pilipine a o ike aku no hoi oia i ke kulana hooponopono o na kipi ma na apana a pau i kipi ae.  Na keia i hooi loa ae i ka manaoio i hoomaopopoia mai ka hoomaka ana o ka pukaemaka ana ae o keia hoeu kipi, ua ake loa o Iapana e kaii aku i na paemoku, a aia hoi maluna ona ke koikoi no ka hapanui, a i ole ia, no na popilikia no a pau loa i ulu ae.

 

Hoopioloke Iloko o ka Aha.

     Ua hoopioloke ae o Madame Setamabulofa, wahine kanemake a ke Kuhina Nui o Bulegaria i pepehi powa ia ai, i ka wa i hookolokoloia ai o na poe i hoopiiia no kela pepehi ana.  Oiai oia ma kahi o na hoike, ua kukala mai oia imua o ka Aha e hookuu "i kela poe lapuwale," me ka olelo ae ua maopopo i nei wa o ke Aupuni maoli no na poe i hewa maopopo.  O kona kuio okoa no me ka hiona weliweli ka mea nana i holauwili ae i ka lunakanawai a me ka loio ma ko ke Aupuni aoao a hiki ole ia laua ke ninau aku i kekahi mea iaia.  Ma ko na nupepa kaloko kamailio ana no nei mea, na hooiliia aku ka hewa maluna o ka wahine a me na hoa'loha o Setamabulofa no ka lawelawe ole ana i na keehina no kona hoopakeleia.  Wahi a lakou, ua pupule paha hoi oia, a i'ole ia, ua "maopopo loa no iaia kana mau hana hewa i hana ai i imi ai oia i kona make ma na aianui."

 

Na Hoomaemae ana ia Tureke.

     Ua lonoia mai Konakinopela i ka la 6 nei aia na Emebasedoa o na Mana, mawaho ae u ka noonoo ana  no ka mea pono e hanaia aku ai i na poe Karistiano maloko o ka Emepaea Tureke, ke noonoo la i na ha ia e hiki ai ke hooluolu ae i ke kulana o na poe Musula nana ma ka hoomaikai ana ae i ke kulana o na luna oihana a me ka hooia aku hoi no ka uku mau ia aku o ko lakou mau uku hana.  Ua lio keia hoohana ana i mea e loaa ai o ke alahela e loaa io ai o ka hopena oi loa aku o ka maikai.

 

Pepehikanaka Nui Hookahi.

     Ua olelo ae o Pohakuhauoli, ma kona wehe ana i kekahi paka-aniani hoomanao i na poe Amerika i make mau wale ma ka pepehiia ana ma Asia Uuku maloko o ka luakini o Hawadene, ma kona wahi ponoi, oiai hoi aole i eueu ae na Mana i na hoeueu manao ana no ko na poe Amenia luku wale ia, he manaolana pio ole nae hoi kona e kau aku ana no he hopena awahua e loihi loa ole aku ai e ke ola ana o ka pepehikanaka nui hookahi ma ka honua nei (o ke Suletana o Tureke ua mea la ana i manao ai).

 

Na Hunahuna Laualaha.

     He mau waikahi ka i hoopoino ae i kekahi mau wahi o Helene.

     He wahi ano onene kaua kipi ia e oiliili ae la ma Honodurasa, Amerika Waena.

     He telegarama ka i loaa ae i ka Akibihopa o Parisa mai Roma e hoike ana ua lilo i mea hopohopo loa ia ko ka Pope kulana ola kino.

     Ua holo ae o Kikila Roke no hadana mai Aferika Hema ae.  He hoohiwahiwa ohohia a ano nui ka i haawiia ae iaia i haalele aku ai ia Kaona Lae (Kape Taona.)

     Mamuli o kekahi hanee ana o ka lepo o kekahi pali ma kekahi wahi o Italia, ua pau he 118 mau hale i ka poino a 150 ohana i hooneleia me na home ole, oia nae, aohe ola i poino.

     O ka mokukaua hao Rosia, o 12,130 tona ka nui, ka moku oi loa o ka noi iwaena o na aumokukaua o Rusia, ua hoolanaia a ua hemo mai ke kahua one ona i paa ai i ka hau mai ka hoomaka ana mai o Novemaba.

     Aohe hoole ae o Loio Rusela, kekahi o na loio pale o Edward J. Ivory,  Edward Bell kekahi inoa, ka mea hoopahu kainamaita Ailiki Amerika, ua ao aku oia i kona haku e ae ua hewa oia.  He keiki keia loio na ka Haku Lunakanawai Nui o Enelani.

    

C. B. DWIGHT

(KALE KUAIKA)

Mea Hana Pohaku Kaekae Alanui na He Kupapau a me na Kia Hoomanao Mahala.

E loaa no oia ma kona wahi noho ma Koiuiu, Honolulu nei, Telepona Helu

833.       17-1.

 

NO KE KUAI.

He hale o Elima Keena, hookahi makahiki o ka paa ana a me Elua Apana Aina ma Kalia, Waikiki, ua ka mahele aina o Bruce Waring & Co.,

e hooiloia aku no i ka mea e makamake mai ana.  Aia keia wahi ke pili kokoke la ma kahi noho o E. S. Boyd.

KUMUKUAI: - $1000; $500 ma ke kuike a ma ka Moraki ke koena no ekolu makahiki ma ka 8 pa-keneta ukupanee.

No namea i koe, ninau ia

BRUCE WARING & CO.,

a i ole, ia F. J. TESTA, ma ke keena aoia nupepa.

@ 7 - @