Ka Makaainana, Volume VII, Number 5, 1 February 1897 — Page 6

Ka Makaainana.

 

HONOLULU OAHU, POAKAHI, FEBERUARI 1, 1897

(page 6)

 

 

IOSEPINE

KA

EMEPERESE PUUWAI OLU O FARANI.

MOKUNA VIII

IOSEPINE KA WAHINE A KE KANIKELA MUA

[Mai ka Helu 4.]

 

            E like no me ka Iosepine mea i noonoo ai, amuli o kona kaawale ana mai ka hale mai i ko Napoliona wa i hiki aku ai, ua loaa i kona (Iosepine) mau enemi ka manawa kupono a me ke kumu maikai hoi e hoouluulu ai i ko Napoliona inaina i kana wahine.  Iloko o ko Napoliona inaina nui, na olelo ae la oia me ka leo nui, "e oki---e okiia oia mai ia'u aku imua o ka lehulehu a ma ke akea."

            No keia mau olelo a Napoliona, a i mea mea paha a hooia maoli io ai o Napoliona i kana mea i olelo ai, ua pane mai la kekahi o kona poe nana i hoopihapiha iaia, me ka i ana mai:  "He mau olelo wale iho no kena au maanei; i ka wa no auanei e hoi mai ai o ko wahine, hoomalimali wale mai no kela a o ka pau no ia o kou huhu a kala aku iaia."  "Aole, aole loa," wahi a ke Kenerala i piha i ka inaina, me ka holo-ke ana iloko o ka rumi.  "Aole au i ike ia mea he kala.  Ua ike no oe ia'u.  Ina aole au i ike i ka'u mea e kamailio nei, e unuhi no auanei au i keia puuwai a kiola aku iloko o ke ahi."

            O ia iho la ke ano o ku Napoliona noonoo, a me ia manao oia i ku makaukau ai no ka halawai ana mai me Iosepine maho pe o ko laua kaawaie ana no na mahina he umikumamawalu.

            Ia Iosepine laua me Hotenese i lele iho ai mai luna iho o ke kaa, ua komo koke aku la laua iloko o ke apo ana a na lima o Iukini, ka mea e kali mai ana no ko laua hiki aku.

            Me ka puuwai kapalili a me na kapuai hopohopo, pii malie aku la o Iosepine i ke alapii i ukaliia e kana mau keiki.  Au@ ae la lakou ma ka puka e komo aku ai iloko o ke keena ponaha, kahi no hoi a Iosepine i manao ai malaila oia e halawai aku ai me kana kane.  Malaila no hoi o Napoliona me kona hoahanau, o Iosepa.

            Ia Iosepine me kana mau keiki i komo aku ai ma ka puka, ua nana pono mai la o Napoliona i kana wahine me na maka ool@a, a pane mai la me ka leo kakana:

            "E Madame, ke makemake nei au e puka koke aku o@ iwaho a hoi aku no Malamaisona i keia wa ano."

            Ua like keia mau olelo a kana kane me he laau hahau la ma kona umauma; a ina aole o Iukini i paa ae i kona makuahine, ina ua hina oia ma kana wahi e ku ana.  Paa hele aku la no hoi o Iukini i kona makuahine a komo iloko o kona keena ponoi.  Ua pihoihoi o Napoliona i keia manawa, ku ae la ia a holo holo iho la iloko o ka rumi.  I kona hoomaopopo ana iho i ke kulana o kana wahine i kela manawa, ua paila hou ae la ke aloha iloko o kona umauma, a he hana nui nana kona hoao ana e hoomau i kona inaina, a e hoopakele hoi iaia mai kona haule pio hou ana aku iloko o ke aloha ia Iosepine.

            Iloko o na minute pokole, ua loheia na kapuai o Iosepine, Hotenese, a me Iukini e iho ana i ke-alapii no ka hoi ana i Malamaisona, he kanakolu mile ka mamao.  O ke aumoe ia.

            Iloko o ke kupouli o ka manao mamuli o na hoopihapiha olelo imihala aole i kali o Napoliona e lohe i na olelo pale a kana wahine; aka, iloko o ka paukiki o kona li@i, e like me ke ano mau o na kane i aloha i ka lakou poe wahine, pela o Napoliona i hookaeoeo iho ai i kona ike ana mai i na helehelena o kana Iosepine, a pela oia i hoopuka @oke mai ai i na huaolelo kipaku.  I kona ike ana nae i ko Iosepine hoolohe koke ana i kana kauoha me ka pane leo ole aku, a me ka hookaukaulua ole ana iho hoi e lohe hou i kana mau olelo kipaku, ua mihi iho la oia no ka paukiki o kona huhu a me kana mau olelo, a aole hoi i hiki i kona puuwai uahoa ke pale ae i na ahewa ana a kona lunaikehala iaia no ka hewa ana i hana aku ai i kana wahine  Puka awiwi mai la ia mailoko mai o kona keena; a oiai, aole i ae kona puuwai haaheo iaia e kaua hou aku ia Iosepine, ua kahea mai la nae ia ia  Iukini e hoi aku.  A mamuli o ko Napoliona pakela koi ia Iukini e hoi aku, ua huli hou aku la ke keiki i ona la a hoi hou aku la, me ke alakai hele no nae i ka makuahine a me ke kaikuahine.  I ko lakou komo hou ana aku iloko o ka hale, aole no i pane mai o Napoliona i hookahi wahi huaolelo ia Iosepine, aole hoi i ke kaikamahine.  Alakai loa aku la o Iukini ia laua a komo iloko o ko laua rumi, a haule aku la o Iosepine iluna o kona p@ee me ka naau kaumaha, a hoi loa ae la no hoi o Napoliona iloko o kona keena.

            No elua la o ka hoomaka-e ana o ke kane i ka wahine, a aole laua i pane aku kekahi i kekahi.  Iloko nae o ia mau la, e emi malie mai ana ka huhu o ke kane; a e like hoi me ka emi ana iho o kona inaina, pela no hoi i pii ae ai ke aloha no Iosepine iloko ona.  A i ke kolu o ka la, ua nawaliwali iho la kona baaheo a maalili kupono hoi kona inaina no ka hookuu ana iaia e komo aku iloko o ka rumi o kana wahine, kahi hoi a Iosepine me Hotenese e hoopaahao ana ia laua iho, no ke kali ana i kona oluolu.

            E noho ana no o Iosepine ma kona wahi pakaukau, e kulou ana kona poo maluna o laila me kona mau lima hoi e palulu ana i kona mau maka, e hoike mai ana, aole ia mea he hauoli maloko o kona naau.

            Aole i pau.

 

 

Eia Iho me na Hua I'a Kamano.

            Ma ka mokumaha Miowera i huli hoi Miowera i huli hoi mai ai o Kimo Limaikaika, ona o na hale hoolimalima nunui a loihi ma Kapuukolo a me Kikihale aenei, mahope o ka hoohala ana i kekahi mau malama ma kona home oiwi, ma ka hikina ina o Kanada; me ke ola kiao maikai.  Ua lawe pu ma@ nei oia he mau hua hoolaha i'a kamano lehulehu, a e loaa no i ua poe o makemake ana e malama a e hoolaha aku.  Wahi ana ia makou, ua ake loa oia e hoi hou mai no ko o anu loa, he hiki ka ke puili aku i ka ohu, i hele a pouli a koikoi imua pono o ke alo.  No na hua kamano ana, ua kuhihewa ko Kapalakiko mau nupepa iaia umiumi nui o W. N Lunaikaika poo nienie hoino Pukiki, a haawi i na mahalo i kupono no kahi i ka mea okoa.

 

 

Paa Mare Malu.

            Dekemaba 30, 1896, i mare mai nei o Misi Ema Sepekela, ke kaikamahine hookahi a Kalau@a Sepekela, ona miliona, ia Toma Watesona, he mea hoopukapuka dala.  Ma ke ano malu keia mare ana me ko na makua lohe a apono mua ole.  He 60 makahiki o ke kane a he 20 no a oi o ka wahine, a ma Sana H@se, Kaleponi, ko laua mareia ana.  I ko ka wahine kuhiia ana no ke aloha makua ole, ua hoihoi hou mai oia i na waiwai i haawi makana ia aku e ka makuakane, i hiki ka waiwai io ma kahi o $1,000,000.  Ua hookoe aku nae oia i na waiwai e hiki ai ke loaa iaia he $30,000 o ka makahiki.  Eia ma Honolulu nei kekahi o keia mau aina.

 

 

S K PUA,

He Agena no na Waiwai Paa

 

He Mea huli i na Kuleana Aina i mea e maopopo ai;

He Mea Ohi i na Aie i hiki ole ke Ohiia e na Poe no lakou na Aie, a

He Mea Hana i na Ano Palapala Pili Kanawai a pau.

KEENA HANA:  Ma ke keena o R. W. Wilikoki, Alanui Konia,  aug 31-1a.k.

 

 

Robert Napunako Boyd

(ITALIA)

He Ana-aina a, he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.

            Keena Hana:  Mauka iho o k@ Hale Leta, maluna ae o ka haleaina Pake, Alanui Betela.   apl 13-mp

 

 

DR. C. A. PETERSON, (KAUKA PITASONA),

Ua Nee Ae Oia a ka Helu 28 ALANUI EMA.

NA HORA KEENA:  8-10 A.M.; 2-4 a me 7-8 P.M.

nov. 30            TELEPONE 752                     3ml

 

 

C.B. DWIGHT, [KALE KUAIKA.]

Mea Hana Pohaku Kaekae Alanui, na He Kupapau a me na Kia Hoomanao Mabala.

 

            E loaa n@ oia ma kona wahi noho ma Koiuiu, Honolulu nei.  Telepona Helu 833.                                     17-1

 

 

NO KE KUAI

 

            He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.  Aia keia wahi ke pili kokoke la ma kahi noho o E. S. Boyd.

            KUMUKUAI:--$1,000; $500 ma ke kuike a ma ka Moraki ke koena no ekolu makahiki ma ka 8 pa-keneta ukupanee.

            No namea i koe, e ninau ia

BRUCE WARING & CO.,

a i ole, ia F. J. TESTA, ma ke keena o keia nupepa.   sep 7-m@tp

 

 

HUI HAWAII KUAI AINA,

NA LUNA NUI.

JAS, H. BOYD . . . . . . . . . . .  .  .  .Peresidena

J. K. KAULIA  .  .  .  .  .  .  .  .Hope Peresidena

C. A. LONG  .  .  .  .  .  .  .  .  .  .  .  .  .  .Puuku

ENOCH JOHNSON .  .  .  .  .  .  .  .  Kakauolelo

JOS. PAAKAULA  .  .  .  .  .  .  .  .  . Luna Hooia

W. C. ACHI  .  .  .  .  .  .  .  .  .   Luna Hoohana

 

NA LALA O KA PAPA ALAKAI.

J. K. KAHOOKANO,  R. W. WILCOX,  J. W. BIPIKANE.

            He Hui i kukuluia no ka hookuonoono a kokua ana i ka lahui Hawaii; ua makemakeia na Hawaii a pau loa e komo mai i ka Hui.

Honolulu, Ianuari 11                                       jan11-1yr.

 

 

HALEKUAI LAHUI KALAHIKI

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

 

Ma ia halekuai o na oiwi e loaa ai na anoi a me na paihi o na ano hou loa, e laa

            Na Kalakoa,  Na Keokeo, Na Makalena, Na Kinamu, Na Huluhulu, Na Lihilihi Na Kamaa o na Kane, Wahine me Keiki a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu unuia no ka hoikeiki ana i na mea kuai.

M. PALAU, Luna Nui.

            ok-14@@

 

 

C. E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pau loa.

 

He mau mea Hana Pahu Kupapau a Hooponopono Hoolewa.

 

            E hoolakoia no na Kaa Kupapau, na Kaa @po a me ha Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

 

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed A. Williams, F. D., he mea i puka pono mai ka Kalaka Kula o ka Ialoa Maikai ana iloko o Mei, 1894.

NA TELEPONA

Keena Helu 170--Kauhale a me Kahea P@ Helu 81@

            nov 8-mp                                                                     @@@@@