Ka Makaainana, Volume VII, Number 10, 8 March 1897 — Page 6
6 HONOLULU, OAHU, POAKAHI, MARAKI 8, 1897.
IO SEPINE
---KA---
EMEPERESE PUUWAI OLU O FARANI.
MOKUNA I X.
KE KAUA MA ITALIA-KO NAPOLIONA POINA OLE IA IOSEPINE.
Nolaila, ma ko Io sepine aoao hoi, e kiai mau ana oia i ka ahailono me ka pihoihoi. Aka, aole nae ia he mea nana e pale ae ai iaia mai ka lawelawe ana maloko o kana mau malapua. E hoolala ana a o hoohana ana hoi malaila i kana mea i manao ai he mau mea ia e hooluolu a e hoohauoli ai hoi i ka manao o kana kane ke hoi mai. Ma kekahi mau ahiahi hoi, ua hoohala oia i kekahi manawa ma ka hololio ana me Hotenese, no ka mea, he hauoli loa kana kaikamahine i ka hololio.
Mahope iho o ko Napoliona hoi ana mai mai Italia mai, ua pinepine loa ko laua hele ana i Malamaisona, a hoohala he mau la lehulehu malaila, a ua lilo la mau la a me ia mau hora a laua i hoohala ai malaila i mea kaao na laua no kekahi mau makahiki mai mahope, e hoike ana o ia na manawa hauoli loa o ko laua ola ana. A pehea la ka hoi i mau ole ai ia kulana hauoli a oluolu o ko laua home kuaaina i na makahiki mai mahope? No ka mea, ma ia hope mai, aole he manawa i loaa ia laua e noho mehameha hou ai ma Malamaisona. I na wa a pau loa a laua e hoi ai ilaila, e piha mau ana o laila i na kanaka, mai na poe kiekie a na poe haahaa.
Oiai, na olelo laua, o ua hora a laua i noho kokoolua ai ma Malamaisona o ia ua hora hauoli loa o ko laua ola ana, aka, aole ia he mea e manaoia ai he manawa kekahi a laua i hoohala ai malaila me ke kaniuhu, aole no hoi ia he mea e manaoia ai, ua pilihua laua i ka wa i lilo ai ko laua home kuaaina i hale halau no ka lehulehu, no ka mea, e piha hauoli mau ana no na mea a pau i mua o ko laua alo, a he hoike no hoi ia no ko laua ohohia piha ia, a he kupee hoi nana e umii paa ana i ke aloha no laua iloko o ka puuwai o na poe hanohano a me ka laua poe kauwa pu no hoi.
KEKAHI MAU HANA HOOHAUOLI MA MALAMAISONA.
O kekahi o na hana hoohala manawa ma Malamaisona, o ia na ahamele. Ma ia mau aha i loheia ai ka puukani o Iukini me Hotaneswe, e hoike mai ana aole laua i malihini ma ia hana, a aole no hoi no ka papa haahaa o na poe laeula ma na hana keaka. O ka oi nae paha o na paani hauoli loa, o ia no ka paani pio, a ko kakou poe kamalii e hea nei he "pe-le pio," a ua like loa no ka paani ana. Ma keia paani, ua komo pu no o Iosepine me kana mau keiki. O ka makuahine ma kekahi aoao, a o na keiki hoi ma kekahi. He pinepine loa ko Iosapine hoao ana e alualu a hopu pio ia Hotenese, aka nae, mamuli o ko iala holo pu-a a hele mawaena o na laau aole kela e loaa mamua o ko Iosepine pio ana ia Iukini, a laweia e hoopaa iloko o ka halepaahao--he kumulaau i hookaawaleia no ia mea,--a malaila oia e kukuluia ai a hiki i kona wa e hoopakeleia ai e kekahi o kona aoao.
Ma o ke ano like loa o keia paani me na hana o ke kahua kaua, ua lilo ia i paani lealea loa na Napoliona, a e noke mau ana oia i ka akaaka ke ike i kana wahine e alualu ana i kahi kaikamahine , a e hele mau aku ana hoi e haawi i na manao hoolanalana i kana wahine i kona wa e paa pio ana.
Mahope o ka poina ahiahi e akoakoa ai na mea a pau ma ke kahua paani o Malamaisona, o na keonimana me na lede, aole wale o ko Farani, aka, o ko na aupuni e ae no a pau o Europa, a he pinepine no hoi ka ikeia o na moi kane me na moi wahine, a me na kaukaualii e ae e komo pu ana iloko o keia paani. He mea maa mau i na paani ana a pau, o Napoliona no ke alakai o kona aoao, e o Iosepine no kana e koho mua loa ai; a ke pio o Iosepine, ua nui loa konapihoihoi, a e kahea mau ana oia me ka paipai ana i kona mau lima, "E kokua, e kokua!" a hiki wale i ka hoopakeleia ana o Iosepine. A iwaena no paha o ka poe paani o Napoliona ka oi aku o ka mama ole i ka holo; e walawala mau ana oia ke holo--a ke holo no hoi oia aole e hiki iaia ke uumi i kona aka--a e pio mau ana no hoi oia. A ina aole he mau hana e ae, aole no e pau koke ka paani ana a hala he mau hora,
IO SEPINE PUUWAI HAMAMA.
Aole i komo o Io sepine iloko o na paani a me na hana lealea e ae mamuli o kona puni lealea, aka, mamuli no ia o kona manao ana he mea ia e oluolu a e hauoli ai paha o ko laua poe hoa'loha. I kona wahi wa kamalii, e paani ana me na kamaliiwahine paele e Matinika, ua kapa mai la lakou iaia oia ko lakou moiwahine. I ka wa o ka ilihune, a iaia maluna o ka moku
ma ka moana Atelanika, mamuli o kona kokua a malama i na poe ma'i, ua mahalo a hoopunaheleia oia e na luina. I kona wa e noho pio ana malalo o na ahewaia ana e make, mamuli o kona mau nanaina hauoli mau, e hoolanalana mau ana i ka manao o kona mau hoa pio, e hoopoina ana hoi i kona kaumaha ponoi, ua lilo oia i mea laoha nui ia e na mea a pau o ka halepaahao. I kona wa i noho hou ae ai maluna o ka waiwai a me ka hanohano, ua hooia mai na kulanakauhale liilii
e hoopuni ana ia Malamaisona i ko lakou aie i kona aloha. A i ka wa hoi o ka mana i loaa iaia ma o kona kulana, ua hoomama ae la oia i ke kaumaha a me ka luuluu o na kanaka hanohano a kiekie o ka aina i hoohaahaa a hoikihuneia hoi e ke kaua. Aole oia i hoopoina i ka mea i hoopoinoia, a ua haawi aku i kekahi hapa o kona mau loaa no ke kokua ana i na poe hune. No keia mau kokua ana a Iosepine, ua ohumuia oia no ka uhauha.
Aole i pau.
Aohe Alina Ma'i Lepera.
He mau pule i hala ae i laweia mai ai o Kalani Makini, he mea, i hanauia ma ke Kahua Ma'i Lepera mai kona makuahine ma'i lepera, no ka nanaia o ka Papa Kauka Nana o ka Papa Ola, a ua hooholoia aohe alina o ka ma'i maluna ona, a pela io no ma ka nana aku a ka holona. A ua huli hoi hoi hou aku oia no kona aina hanau i ke ahiahi Poakahi o kela pule aku nei maluna o ka mokumahu Mokolii. Ua 21 ona makahiki i keia wa. I ka elua o kona mau makahiki, make kona makuahine, a he elua aenei no hoi makahiki i hala i make ai kona luaui. He mau pilikana no kona eia mawaho nei. ma ka nana aku, he kanaka opio kino ikaika oia.
E D. A WILLIAMS.
Helu 514, Alanui Papu, ma Ewa iho o Pa Aloha.
He mea kuai lako hale o na ano a pau loa. He mea Hana Pahu Kupapau a Hooponopono Hoolewa. E hoolakoia no na Kaa Kupapau, na Kaapio a me na Kaa-ohana.
Ina no e ninau iaia, e loaa no na Pohaku Kia Hoomanao no na He Kupapau.
O ka Ialoa kekahi hana hiki loa iaia aia ia malalo o ka lawelawe ponoi ana a Ed A. Williams, F.D., he mea i puka pono mai ka kalaka Kula o ka Ialoa maikai ana iloko o Mei, 1894.
---NA TELEPONA---
Keena, Helu 179--Kauhale a me Kahea Po,
Helu 815.
no v2-mp feb 3-mp
DR. C.A. PETERSON,
(KAUKA PITASONA),
Ua Nee Ae Oia a ka Helu 28
ALANUI EMA.
NA HORA KEENA:--8--10 A.M.; 2-4 A ME 7-8 P.M.
no v.30 TELEPONE 752. 3ml
Robert Napunako Boyd
I TALIA)
He Ana-aina a he kokua no hoi ma ka hooponopono ana i na waiwai pau, huli ana paha i na Buke o ke Aupuni, a pela aku.
Keena Hana: Mauka iho o ka Hale Leta, maluna ae o ka haleaina Pake,
Alanui Betela. apl 13-mp
S K PUA,
He Agena no na Waiwai Paa
He Mea huli i na Kuleana Aina i mea e maopopo ai;
He Mea Ohi i na Aie i hiki ole ke Ohiia e na Poe no lakou na Aie, a He Mea Hana i na Ano Palapala Pili Kanawai a pau. KEENA HANA:--Ma ke keena o R.W. Wilikoki, Alanui Konia. aug. 31--1mk.
NO KE KUAI.
He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.
Aia keia wahi ke pili kokoke ia ma kahi noho o E.S. Boyd.
KUMUKUAI:--$1,000; $500 ma ke kuike a ma ka Moraki ke koena no ekolu makahiki ma ka 8 pa-keneta ukupanee.
No namea i koe, e ninau ia.
BRUCE WARING & CO., a i ole, ia F.J. TESTA, ma ke keena o keia nupepa. sep 7--mhp.
O Kamaa Wale No!
Pomaikai no ka Mea Ilihune.
Ma keia mua aku he 5% ke hoolaweia ana no kela a me keia kuai ana ma ke dala kuike ma na waiwai a pau o ko makou halekuai. E hoomanao ua kau moakaka ia kumukuai kuiki maluna o kela a me keia mea no ke kuai aku. Nolaila, he pomaikai ke kuai ma o ko makou nei halekuai, ua like me he 10 pa-keneta a oi ma na wahi e ae i kau moakaka ole ia kumukuai.
Mamuli hoi o ka nui o ka makou hana i ka makahiki 1896 i pau iho la
i konoia mai ai makou e hana aku e like me keia ae la, i mea hoi e pomaikai ai o ko makou poe kuai mai a e hoomahuahua loa kau ai no hoi kahi i ka makou hana. O kamaa wale no ka makou hana. O kamaa wale no ka makou e lawelawe nei, i loaa mai ma ke kuai kukaa a ua emi loa iho i ka ko na poe e ae maanei; a nolaila, pela no hoi paha e hoemi loa ia iho ai kumukuai o na kamaa i hiki ole i na wahi e ae ke hoohoa mai.
No ka oluolu, ka heahea a me ka hookipa maikai mai ke kumu i pii mau ai o ka makou hana, a ke hauoli nei no ia mea. Aia ka makou mau kamaa ma na wawae o na poe kupono a pau mai Hawaii a Niihau. E kipa a e hoao i ko makou Halekuai Kamaa, a ua hoihoiia kela a me keia ke komo mai, ina no aole e kuai ana. Hui Kamaa o na Poe Hana.
D.B. KAMIKA.
Luna Nui.
Alanui Papu, makai mai o ke kihi o Monikahaae. jry. 25-tf
HELE HOOLUOLU.
O. R.L. Co.
MA NA POAONO A ME NA LA PULE.
E haalele mai no na Kaamaha i na hora 9:15 A.M. a me hora 3:11 a me 5:55 P.M.
Na Palapala Uku Puni
Papa 1. Papa 2.
Manana $ .75 $ .50
Mahiko o Ewa 1.00 .75
Waianae 1.50 1.25
F.C. Smith,
Agena Ohua a Palapala Nui
feb 10-tf