Ka Makaainana, Volume VII, Number 11, 15 March 1897 — Page 2
2 HONOLULU, OAHU, POAKAHI, MARAKI 15, 1897.
"Ke Aleale nei ka Wai."
(Mai ka aoao elima mai).
huna a e upoipoi i na hana. Ma ko makou mano iho hoi, e hilahila ole ke Aupuni a e kupono hoi na hana a pau e ikeia e ka lehulehu, a ina ua kupono ole, e pono e ku a e hele loa aku ma kahi e.
Eia nae hoi, ua waihoia mai a na ka mea kakau, o ka ohua paiemo alaula e hoike ae i ka wini oi loa aku, o ka hele ana e ninau i ko Iapana Luna Pili Aupuni i ka po Poakolu nei mahope iho o ka holo ana aku nei o ka Auseteralia, i kona manao nei hana, a me ka ninau hoohuahualau aku hoi aole anei he mea oiaio ua hoouna kauoha aku nei oia i Kapalakiko no ke telegarapaia aku i kona Aupuni e hoouna koke mai i mokukaua ianei. Aole i ae a i hooleia mai, aka, ua waihoia mai e kohoia aku. Ina i kipakuia mai kela mea kakau no kona mahaoi, ina no ua pono; a i ole ia, ina he kauwa kona hoa kamailio, ina no hoi ua oi aku ka pono loa.
Wahi mai a ko makou lohe, ua nui loa ka haohao o ke Kanikela-Kenerala Kepani no kahi mai o keia lono i loaa ai i ka mea kakau, oia hoi, epili ana no ke kauoha nokukaua. Malia he mea koho wale no.
Piipiikai nae hoi na poe Kepani a olelo nui e malamaia i halawai makaainana no ka hoike ana i ko lakou mau manao kue a apono ole no nei ano hana akeake ma ko keia Aupuni aoao. Ua kaheaia kela halawai no ka po Poaha nei, a ua malamaia ma ke keena o luna o ka hale hui malu kahiko ma ke kihi o na alanui Moiwahine me Papu. Piha u o laila ia po, eia nae, ua ao mai ka mea mua i kamailio ae, oiai, aia ka hana imua o na aha hookolokolo ma ke noi palapala kuu kino, e pono e waiho malie ilaila, a aohe hoi make hoeueu ae. ia no la, pau.
Ma ke kanawai, he okoa ke kulana o na paahana i hoopaa aelike ia a he okoa no hoi kulana o na poe i holo mai no ka imi hana. No na poe hope, ina ua lawa me $50 pakahi, ua kuleana lakou e pae mai, oiai, aohe ke kanawai i hoakaka iki no kahi kupono o ia mau dala e loaa mai ai. Ua hilinai loa ko ke Aupuni aoao maluna o ka maheleolelo Kepani, he haole oia, eia nae hoi, aohe oia i hilinaiia e ko na Kepani aoao, no ka mea, wahi a lakou, aohe oia i lawa.
He palapala hooikaika hoohuiaina ka W. R. Kakela i hoopuka iho nei no ka hoouna aka i ko na aina e, a ma kekahi wahi, ua makau oia i na Kepani. A ma kekahi hoi, ke ae ole mai o Amerika Huipuia e hoohui, alaila, e pono o ui aku ia Beretania Nui. E loaa ana no ia me ko ka lahui kumu ae mua ole aku.
He 18 poe paahao a ke Kinau i lawe mai nei mai Hawaii mai, he elua nae mea e kali ana no ko laua hookolokoloia, a he hookahi wahine pupule. Ua piha loa ka ko Hilo halepaanao.
Kau Lealea Kinipopo.
Ma ka halawai ana e ka Ahahui Kinipopo Nui i ke awakea Poakolu iho la, ua waihoia ae ka papa-kuhikuhi po na leale akinipopo o ke kau e hiki mai ana, i hooholoia hoi e na kapena o kela a me keia hui i komo. Eia iho ua papa-kuhikuhi la:
Ap r. 24--Star vs. 1st Regiment.
Mei 1-1st Regiment vs. St. Louis.
" 8 - St. Louis vs. Star.
"15 - Star vs. 1st Regiment.
" 22 - 1st Regiment vs. St. Louis
" 29 - St. Louis vs. Star.
Iune 5 - Star vs. Regiment.
" 12 - 1st Regiment vs. St. Louis.
" 19 - St. Louis vs. Star
" 26 - Star vs. 1st Regiment.
Iulai 3 - 1st Regiment vs. St. Louis.
" 10 - St. Louis vs. Star.
" 17 - Star vs. 1st Regiments.
" 24 - 1st Regiment vs. St. Louis.
" 31 - St. Louis vs. Star
Au g. 7 - Star vs. 1st Regiment
" 14 - 1st Regiment vs. St. Louis
" 21 - St. Louis vs. Star
" 28 - Star vs. 1st Regminet.
Sept. 4 - 1st Regiment vs. St. Louis
" 11 - St. Louis vs. Sta.
Hora 2:30 p.m. o ka Poaha iho la i make ai ke kaikamahine o elima makahiki a W.H. Place (Bila) a me kana wahine, mahope o ka waiho ma'i ana, ma ko laua wahi me Kamakela. i kahi kakahiaka ae i hoolewaia ae ai malalo o ka lawelawe haipule ana a ka Rev. H.H. Paleka a me ka hooponopono ana a E. A. Wiliama.
Mai loko mai o ka heluna o 665 poe eemoku Kepani a ka mokumahu Sinisiu Maru i lawe mai ai, ua hooholoia he 535 aohe e hiki ke pae mai, a ua kauohaia ka moku e hoihoi hou. Aohe ae o ke kapena e hooko ia kauoha. Ua hoopaeia mai i ka Poaono nei he 85 o lakou a o ke koena aku aia malalo o ka Ilamuku kahi i paa ai.
He buke ka i hoopukaia iho nei e ka Oihana o ko na Aina E, no ka hoouna ana i ko na aina e ma ka aoao hooikaika i ka manao hoohuiaina. Ke halawai pu paha hoi me ka makou buke o ka hoouna ana aku nei no i ko na aina e, nawai ana la ka ai mawaena o laua. Aia no nae hoi ko makou hilinai i ka makou, Na Oiaio Pili Moolelo, he hapaha wale no ko ke kope.
Iloko o 11 1/2 la holo, hora mai la ka mokumahu Peru a pili i ka uwapo i ka hora 4 o ka auwina la Poakahi i hala. O kona kumu ulolohi, no ka makani mamua pono aku, a aole i kuuia ka ikaika nome o kona huila, oiai, e ano hoomaemaeia ana. I ka huakai mamua aku no ke Komohana, ua haki elua epaepa. Ua lawe mai nei oia he 131 ohua Pake a me 306 tona ukana. He 200 tona ana i uhao ai maanei a haalele mai la ia nei i ka hora 1 o ka auwina la Poaha no Kapalakiko.
Kakahiaka nui wale o ka Poalima nei i ku mai ai ka mokumanu Alameda iloko o 6 la me 13 hora mai Kapalakiko. Ua lawe mai oia he 29 ohua helu ekahi a me 17 ohua helu elua no nei. maikai mai nei ka ka hapanui o ke ala moana, a ua hoopae mai hoi he mau ukana lehulehu ianei. Hookahi ohua helu elua i make ma ka moana, he aoo o 72 makahiki, a ua kanuia no i ka moana. Ia ahiahi poeleele iho i anehe loa aku ai oia no na Panalaau o ka Hema. O keia ino la ke 75 wa o kona hiki ana mai i nei awa.
KELA A ME KEIA.
Baigole, hohole samoka!
Kopaa, 3 1/2 keneta mawaho.
Mau la ua iho la keia a me ka makani pu no hoi.
E nana iki ae hoi i na hoolaha hou ma nei helu.
He 150 ka nui o na haumana o ke Kula Po i nei wa.
Ua hoi mai nei ke Komisina Beretania mai Hawaii mai.
O keia ka la wehe o ko Amerika Huipuia kau kuikawa o ka Ahaolelo.
He keu ka hoi a ka lawe o na haole e hana nei malalo o ke Aupuni i ka lakou hana i na Kepani a me na Pake.
Ua hoalaia iho nei he ahahui himeni mamuli o ka hooikaika ana a Kuhina Kupa, a oia no hoi ka Peresidena. Nui no ka maalea!
Hora 10a.m. o nei la i wehe ai ke kau mau o ka Aha Kiekie no ka hoolohe ana i na hihia hoohalahala. Aole no i nui loa na hihia.
Eia ke wawaia nei no kekahi hihia oki mare hou a oili ae, i oi loa aku ka hoi ke ino a me ka ekaeka i ko ka hihia Kaimana i pau iho la.
He hoolaha hooko moraki, kahi no ka oi ma ka haaheo a me ka hooio iloko o ka Oihana me ka hooio iloko o ka Oihana Makai, a e ikeia no ma kahi okoa o nei helu.
Eia i Honolulu nei o Bila Aila o Lahaina kahi i poalo a i maau hele ai. O ka haule mai paha hoi koe o kahi mea, a heaha auanei la ia mea?
Ua lonoia ua haalelel ka Lunakanawai kiekie i kona manao holo no Wasinetona. No ka ike paha i ka hoka maopopo o ko lakou poe malaila.
Mai ka Poaha nei mai i hoopaneeia ai na hihia noi palapala kuu kino o na eemoku Kepani, hanaia i ka Poalima nei a moe hou mai a keia la.
Apopo e ku mai ai ka mokumahu Miowera mai ka Akau no ka Hema, a i ka Poaono aku hoi ka mokumahu Belegica mai Kapalakiko no ke Komohana.
Mauka o ke awawa o Manoa, i ka la nei, ua hanau mai na ka wahine a B.H. Wright (Laika), he kaikamahine. Hanai moopuna hou no ka hoi o Misasa Keoni Kolopana.
Ua komo hele nana ia ae ke kahi mau halelio e Makai Kauwai Helena Waila i ka Poakolu iho la, ina paha he mau hana hoomainoino holoholona kekahi, eia nae, aohe mea i loaa aku.
Ma ka hookuku paani kinipopo o ka auwina la Poaono nei mawaena o na hui Kamehameha me Punahou, ua lilo ke eo i ka inoa mua, he 15 ai-puni i ka 0 o kahi. Nui ka leale ao kamalii.
Poakolu iho ka la hanau o ka Moi Kamehameha III., ka Lokomaikai. Mai no ka lahui a hoopoina nona a iaia. O ko Keoni Kamaki, Keoni Holo opio a me kahi poe e ae la hanau no hoi ia, o ke haawi e aku nei no makou i ka hoomaikai ana o ka la ia la. kou pakahi a pau. A o ka la hoomanao no hoi ia o Sana Paterika, ko Irelani kaneka pakelona.
Ua loheia he elua ka mea ma'i samola-poki o luna o ka mokumahu Sinisiu Maru, a ua peepoli loa ia keia mea.
E hoomaopopo mai ka lehulehu, o keia ka malama hope loa e hookaa ai i na auhau kino. ke pau nei malama, pii ke kuwala.
Auwina la Poaono nei i uhau ai o Mooheau i kela hae Hawaii nui iluna o kela pahuhae ma kona wahi noho hu malalo ae o Puowaina me ka nuku o ka puaa. He ahaaina ka i haawiia malalo o kekahi lanai nui, a ua kolili ae ka welo haaheo ana o ua hae la.
Ua hoopiiia mai o C. Kanuha Kapaealii o Waikiki e kana wahine i ka La Pule i hala no ka hoeha a me ka hooweliweli pu. Paa mai oia i ka Halewai hemo malalo o ka belia. Ua ahai mai ka wahine iaia iho a ma kona wahi ponoi makai o Iwilei e noho nei.
Iloko ae o Mei e pau ai ko Laionela V. Redepata hoopai hoopaahao no ke apuka, a ina nae hoi oia e haalele mai i keia aina mahope koke iho e ka pau ana o ia manawa, e hoopau wale ia no ka hoopii hope iho nei iaia no ka aihue i na pono liilii o kekahi hoa paahao ona.
Mamuli o ka hoohuoi ana o Luna Kiai Dute Manoha i kekahi pahu ukana na kekahi mea o Waimea, Kauai, iluna o ka mokumahu Mikahala i ka auwina la Poakahi i hala, ua weheia a loaa kau he 40 kini hapa-paona opiuma. Aohe ka ona i hopuia a hiki mai i nei la.
Ma ka halawai o ka Papa Hoonaauao o ka auwina la Poaha iho la, malalo o ka hoomalu ana a Kuhina Kupa, ua hookohuia aku o Misasa T.K.R. Amalu i hope kumu no ke kula Enelani ma Hookena, Kona Hema, Hawaii. I Honolulu iho nei oia no ka lapaauia o kekahi ma'i ehaeha i loaa iloko ona, a malalo hoi o na lawelaweia ana o kona kauka, ua okiia aku kahi o ka ma'i, a ua hoi aku nei oia i ka Poalima nei me ka palekana a me ka oluolu, me ka manaolana o ka pau loa ana ia o ia eha, a hoomaka aku no hoi ma kana hana kokua i kana kane.
William Kamali.
Pena Hale o na ano a pau, Kau Pepa a Lu One paha, e like me ko oukou makemake. Ua hiki ke hoohinuhinu i na Umeke, Pakaukau, Pahu-uine, Moe, Puniu, i hiki ole ke hoomaemae hou ia. Ua hiki ke hookoia na hana me ke eleu loa, a o na kauoha a pau mai na kuaaina mai ua hiki ke hookoia. He oluolu loa ka uku ma ke kuka olelo ana. E kipa mai e na makamaka, mai poina.
Keena hana, ma ke S.K. Pua keena, Helu 7 1/2, Alanui Konia.
Wahi Noho, Kapalama. mar15-6m.
.W. Schmidt & Sons
(H.W. KAMIKA & KEIKI)
Loaa mau mai na Waiwai Hou ma kela a me keia mokumahu.
He 25 pa-keneta ka hoemiia iho o na waiwai kahiko a pau loa. Na Palule Huluhulu, he $1.50 me $1.80 mamua, he 90 keneta pakahi i nei wa; na Palule $1.00 mamua, he 50 keneta pakahi i nei wa.
& c., &c., &c.,
Halekuai, ma ka Hale, cona Holo,
Alanui Moi, kokoke i Halehai.
ma r. 15-1yr.