Ka Makaainana, Volume VII, Number 15, 12 April 1897 — Page 7

Ka Makaainana.

 

           HONOLULU,  OAHU,  POAKAHI,  APERILA  12,  1897.          7

 

NA AINA MAMAO.

 

  Mau Lono Huikau mai kela a me keia Wahi Like Ole.

Ahewaia na Kipa e Hoopaiia.

  Mamuli o kekahi kua ana aku o kekahi poe Karistiano o Kerete i kekahi poe aliikoa haole, wahi o kekahi lono mai Canea, Maraki 17, ua hoike aku na kapena o na mokukaua Beritania, Farani me Italia i na kipi i ko lakou manao e ki poka aku i kahi awakea ae i ke kulanakauhale uuku aole i mamao loa mai Sitia, kahi o kela hana kue wale i lawelaweia ai. Ua haawi na ao ana i na Adimerala e hana kuokoa aku a e hoomaka io aku hoi. Ma ka aoao hoi o na Aupuni a pau, ua hoike ae lakou i ko lakou mau Kuhina e hoouna ae ana lakou he 600 poe koa pakahi i noiia aku ma ke ano hoopuipui aku i na poe mua a i pani hoi no na koa malina, a mamuli hoi o ia e hiki ai i na Adimerala ke hoihoi hou i na koa malina iluna o ko lakou mau moku a hoohana aku ma ke paniku ana i na awo.

Auhee na Tureke i na Karistiane

  Ua hoolilo aku na pu-kuniahi a na kipi e hoopuni la i ke kulanakauhale o Malaka, wahi a kekahi lono mai Kanea o Maraki 25, i wahi kupono ole no na pualikoa Tureke e noho iho ai a hui pu no a me na koa iloko ka papu, a hoomaka na koa o ka papu e noe i hope no ke Kaikuono o Suda i ke ahiahi mamua iho. Ua uhaiia aku lakou e na kipi, me ka hoomau aku no i ke ki poka hahana ana, a na nui ka poino mai na make a me na eha iwaena o na Tureke. I pakelewale no ke lakou anai pau lea ia i ke ki poka ana mai o na mokukaua Tureke, a ua ia hoi i hookuemi hope i na kipi.

Hala ka Hooilina Moi no ka Palena.

  Ahiahi o Maraki 27 (Poaono) i haalele ai ka Hooilina Moi o Helene no ka palena o Tesale. Ua ku i ke aloha ka hookaawale ana mawaena ona a me na lala o kona ohana, no ko lakou hoomaopopo no paha i ke koikoi o ka hana ma kona aoao ana e hele la. Mamua uae o kona hele ana aku, ua loheia e ka lehulehu e hele ana oia e hoomalu a e alakai i na pualikoa Helene no ke kue aku i na Tureke. Ua haiamu ae ka lehulehu ma kahi o ka halealii, a i ka hoea ana, aku o ka Hooilina Moi, ua hooho leo nui ae la lakou me ka piha hauoli. Ma o a maanei, na nui ka pioloke a me ke ohohia, a ua uwa leo nui ka lehulehu a hiki i ka ha nui ana.

Ki Poka Hahana ma Suda.

  He puali o na kipi i ake e lawe pio ia Izedini ka i hookahua i ko lakou kulana ma ka hema o ke Kaikuono o Suda i ka po o Maraki 30. Ua ahuwale uae hoi ia kulana o lakou a na kekani ki poka pahu hahana ma@ na mokukaua Beritania, Auseturia a me Rusia i mo kuia maloko o ia kaikuono, i kiia aku nei iwaena o lakou, i kono aku hoi i ko lakou haalele iho ia wahi. I kahi auwina la ae no hoi, ua hoao hou aku no na kipi e hoaano i lilo mai ko lakou kulana mua, ia wa nae hoi i oi loa aku ai ka hahana o ki poka ana. Oiai keia ki poka e noke ana, ua make ekolu poe Tuke a elima i eha.

Hoopiholoia he Moku Helene.

He lono no Canea o Maraki 18 ka i olelo ae ua ki poka aku ka mokukaua Auseturia Zebenico a hoopiholoia kekahi moku halihali lako ai a lako kaua, ma kahi kokoke i Kanadia, i manao ia no na pualikaua Helene ma Kerete. O ai ke Zebenico e kiai ana i na moku Helene, ua ki poka ia aku oia e na kipi. Ua pane aku ka mokukaua Auseturia ma ka hoopiholo ana i ka moku Helene a hoopuehuia hoi na kipi.

No Lonolono Helene--Tureke

  Nui loa kupilikii o kulana ina Canea, i oi loa ae nae hoi i ka hoea ana aku o 10,000 poe nele mai na wahine mai. He elua no paoua palaoa a ke Aupuni kuloko e hiki ai ke hoolawa aku i kela a me keia la, me ka hiki ole nae hoi ke hoomau a hooloihi loa aku. Pela like no ka ke ano a me kulana ma Retimo a me Canadia.

  I ka hoouka hakaka ana no eono hora mawaho o na palena o Canadia i Maraki 16, eono koa Tureke i make a 25 i eha.

  Wahi a kekahi mea kakau nupepa ma Atenai: "O ka hua io maoli no o ke kulana, i pohihihi hoi i ko nei poe a pau, o ia ke kumu hooia loa eia o Ruria ke uhai nei ia Helene me ka hoomauhala weliweli loa."

  Ma ka manao hoi o kekahi nupepa alakai o Geremania aohe ka e hiki ia Geremania ke hoopaakiki aku nona iho ina e manao ana na Mana e ae e haawi pio aku ma ke kukai pu ana me Helene, a i ole ia, e koi aku paha i ko Tureke unuhi mai i kona mau pualikoa mai Kerete mai. Ua hoomanaoia aku nae hoi ke Aupuni aohe o Geremania mau kuleana pololei loa ma ka Hikina, a nolaila no hoi, aohe ona kuleana e lihi launa aku ai ma na hoohihia wale ana no.

  E like no me ka mea i hoike mua ia, aole loa he makemake iki o na Kerete e loaa ona kulana

 hooponopono aupuni kuokoa, aka, o ka hoohui aku no me Helene. Ke nele ka hoohuiia aku, alaila, o ke kaua aku no ka hopena.

  Wahi a ka hoike a ke Kanikela Rakini ma Retimo, iaia ka i hoike aku ai i na poe Kerete i ke kuahaua a na Adimerala o noi aku ana i ko lakou waiho i na mea kaua, ua pane aku ka na kipi o kahi mea hookahi wale no a lakou i makemake ai mai na Mana, o ia ka hoohui kalaiaina ia ae me Helene.

  Ua lonoia ae mai Canica, Mokupuni o Kupero, ke heluna nui o na poe pualu mai ia wahi a me na poe Helene kuikawa ka i kau ma ka moku no Kerete maluna aku o ka mokumahu Helene Elene, a e hoaoia aku ana hoi e hoopae i keia poe me ka uana ole ae no ke panikuia.

  Ma ka hoike a kekahi lono o Berelina o Maraki 31 e hooko koke io aku ana no na Mana i ke paniku ana ia Helene. Mai Parisa ae hoi, he paniku ano hapa wale no ka. A mai Viena mai hoi, o haaleleia ana ka ia manao.

  Wahi a ka lono mai Salonica, Helene, o Maraki 25, aia ka ne Kanikela Tureke ke haalele la i ko lakou mau kahua hana ma Tesale, a e nee aku ana ka hoi na puali pukaa no mua. He ouli keia no ka nee o ko Tureke pualikaua. A ia la no hoi i loaa ae ai ma Atenai ka olelo hooholo a ko Amerika Huipuia Aha Senate i hooholo ai, ano koke mai hei, e hoike ana i ka manao aloha no Helene ma kana paio ana no ka pono o na Karistiano o Kerete.

Ulu Hou Kipi ma Amerika Hema.

  Ua hoauheeia ko Urugue poe kipi ma kekahi hooili kaua ana ma kahi kokoke ia Milo me 600 i make a oha. A ua pae ae ka hoi he huakai kipi hou i lako pono me na mea kana, mahope iho o ka lawe pio ana i kekahi mau mokumahu liilii lehulehu, ma ka Aka-komohana, wahi a kekahi lono mai Monotevideo o Maraki 17.

  Ma Parisa ae kekahi lono ua pepehiia aku o Konela Moreire Kaisara, ekolu alii a me 200 koa ma Bahia e kekahi puali o na poe hiena poo paakiki, malalo o Conoseleberio, Nui ka pioloke ma Rio de Ianeiro, kahi hoi a ka lehulehu i hoopoino a i puhi aha ai i na keena o na nupepa kakoo alii, ka Liberaude a me Gazeta Datarade.

Na Hunahuna Laulaha.

  Aia ke alakai o na aluka Derevise ma ke Sudana ke noi la no ka maluhia.

  Ua ulu ae he mau hoohsunsele okaikai popilikia ma Tokata, he kulanakauhale o 60,000 kanaka ma Amenia. He lehulehu loa ka na poe Tuke a me Amenia i pau i ka pepehiia, wahi a ka oleloia.

  O ka huina dala i luluia ma Honakona no ka Waihona Kokua Wi Laia i Feberuari 22, he $43,210.

  He 89 poe paahana Kepani i huli hoi ae no ko lakou aina mai ka panalaau Farani o Nu Kaledonia maluna o ka mokumahu Tokio-maru. No 5 makahiki pakahi o ko lakou kaawale ana a ua hoihoi ae ma ke ano o na hua ohiai ia o ko lakou luhi ma kahi o $1,000 pakahi.

 

  Ma kela huakai aku nei a ka Mauna Loa o Aperila 2 i holo aku ai kekahi mau loio makilo hana no ke kau kiure ma Kailua, Kona, Hawaii. Ua kauohaia mai o Ailuene Buke i maheleolelo a ma ia moku no i holo aku ai.

 

S  K  PUA,

He Agena no na Waiwai Paa

  He Mea huli i na Kuleana Aina i mae e maopopo ai;

  He Mea Ohi i na Aie i hiki ole ke Ohiia e na Poe no lakou na Aie, a

  He Mea Hana i na Ano Palapala Pili Kanawai a pau.

 KEENA HANA:--Ma ke keena o R. W. Wilikoki, Alanui Konia.

                      aug.31--imk.

 

Olelo Hoolaha.

  E ike auanei na mea a pau he mau holoholona ka lakou [lio, miula a me na iakake], e holo ana maluna o na aina hanai holoholona ma Molokai--Kaluakoi, Palaau, Iloli, Naiwa, Kahanui  Kalamaula, Kaunakakai, Makakupaiaiki a me ke kula o Kawela. E hooukuia aku ana mai ka la mua aku o Iulai, 1897, no kela a me keia holoholona e hele ana maluna o ua mau aina la he 25 keneta no ka holoholona hookahi o ka mahina, e hookaaia ma ke dala, a i ole, ma ka hana maoli o ha maluna o ua mau aina i ma ka ae like a ma ke kauoha a ka Luna Hooponopono o ua mau aina la i oleloia maluna. O na holoholona i hookaa ole ia, e hopuia aku ana ma ke ano komohewa.

                           R. W. MEYER,

                           Luna Hooponopono.

    Kalae, Molokai, Maraki 25, 1897

mar. 29--45s.

 

H. W. Schmidt & Sons

(H. W. KAMIKA & KEIKI)

  He Pakaukau ka i Hookaokoaia no na Koena Lole a me na Waiwai e ae, a e hooliloia aku ana me ka emi loa, a i ole no hoi ia, ua like me ka haawi wale.

  Loaa mau mai na Waiwai Hou ma kela a me keia mokumahu.

  He 25 pa-keneta ka hoemiia iho o na waiwai kahiko a pau loa.

Alanui Moi, kokoke i Halehai.

mar. 15--1yr.

 

HELE HOOLUOLU.

O.  R.   @   L. Co.

MA NA POAONO A ME NA LA PULE.

  E haalele mai no na Kaamahu i na hora 9:15 A. M. a me 1:45 P. M., a hoea hou mai i Honolulu nei ma na hora 3:11 a me 5:55 P.M

Na Palapala Uku Puni

                                                Papa 1.            Papa 2.

Manana           .           .           $    75   $   50

Mahiko o Ewa .           .              1 00        75

Waianae          .           .              1 50     1 25

F. C. Smith,

Agena Ohua a Palapala Nui

feb 10-tf