Ka Makaainana, Volume VII, Number 15, 12 April 1897 — Page 8
| This text was transcribed by: | Stacey Kawano |
| This work is dedicated to: | Awaiaulu |
Ka Makaainana.
8 HONOLULU, OAHU, POAKAHI, APERILA 12, 1897.
“Ke Aleale nei ka Wai.”
(Mai ka aoao e i @a mai.)
@ aku. Ua akaka e no ke aloha ole o keia “repubalika uuku hoomakeaka” a me ko a kona poe hao da a uku hana.
Nui ko lakou nei ma ae hauoli ua ikeia mai nei ke Ku@ina o keia Aupuni oehaa o Peresideka Makinile. O makou pu no hoi kahi hauoli, no ka mea, he hoike ana mai ia i ka manao maikai iloko ona no kona kulana, aele nae hoi ia ike ana no ka hohoi i keia Aupuni. Ua okoa a ua mamao loa aku no ia.
Eia nae hoi, o ka mea i oleloia e na nupepa Amerika ua noi ke Aliiaimoku e ike ia Peresidena Makinile, a makou no hoi i hoike aku ai he wa i @ala ae, ua hoikeia mai nei e Kapena Pama i ke Kuokoa namu a hoopukaia ae i ka auwina la Poaono nei, aohe he oiaio. Ua koho a ua haku@pa wale na nupepa, no ka loaa ekemu ole mai ke Alii aku, a mai ka la hoohiki a Maraki 27 aku nei, aohe noi a ke Alii i hoo@a. E hoole wale aku no ka, aohe e hoolaheia mai e na nupepa Hoku o Wasinetona, a e ke Tiribiune a me La paha o Nu Ioka, na nupepa i ki peia e na poe hoohuiaina.
Naua no h@i i hoike mai nei ua hele aku o Keoni Poka, i hiki iho nei i o kakou nei, ma ke ano haiolelo me na kii hooleleaka e pili ana no Hawaii nei, e hoikeike ana i ke kupono o ko nei hoohuiia aku. Wahi no o kana hoike mai, ua hoike ae ka mea haiolelo i kona ike ole loa i kana mea e kamilio ai a ua lilo oia i mea hoakaaka a paheneheneia. Hilahila! Huhewa no hoi ua pae hewa la!
Ke noho malie la no ka ke Alii me ka hana a me ka ekemu a neeu ole. Ua nui a ua lehulehu loa ka na hoa’loha malaila e hana la nona. E like no hoi me ia ano o ke Alii, pela no hoi paha kakou e hoohalike aku ai.
Ua hiki mai nei a eia iwaena o kakou he elele paahana mai Kaleponi mai nei, i hele mai nei e nana a e hakilo pono i ke ku la@a o ko kakou mau paahana. Ina e hoomaopopo pono ia, aohe na oiwi a me na @aole i hoihoiia, aka, o na Pake a me na Kepani, a o lakou hoi na poe e hana nui nei no na luna oihana o kakou nei. Ke ma@aolana nei makou e ike pono ana oia i nei mea.
A hiki mai hoi i keia la, aohe mea i loheia mai no kahi mokumahu Kaena o ka holo ana ma kana huakai hoopahaohao ma ke auo mokukaua no keia Aupuni. Malia ha na hala loa aku e hoohui mai ia Amerika Huipuia no Hawaii nei, ina hoi e ae ole ia ko lakou nei ma ae manao, alaila, hooleleia, aku na koa makai i kula a hiu ae i ka hae Hawaii iluna o ia Aupuni ma Kapalakiko a ma Sana Diego paha. Auwe no ka hoi e, weliweli!
Na ka mokumahu Kopetica i hoihoi aku nei i na eemoku Kepani he 163 i hooleia ai ka hoopae ana mai a haaleleia iho nei e ka mokumahu Sinisiu Maru.
Hora 3 o ka wanaao Poaono n@i i ku mai ai ka mokumahu Mariposa, iloko o 6 ½ la holo mai Kapalakiko mai. Ua lawe mai oia he 14 ohua kapena a 8 ohua helu elua a me kahi ukaua uuku no nei. Hora 2:30 p. m. ae i hala loa aku ai no ka Hema.
Eia aku a hoea mai he ekolu mokukaua Amerika no Kou nei, ka Piladelepia, ka Monadanoka a me ka Peterele. O ka Poalua, la 6 nei, ka la e haalele aku ai ka inoa mua a e kuupau mai ana hoi i kona holo, a i ka Poakolu iho paha e ku mai ai. Auwe, weliweli!
E Hoomaka ana i Nei La
NO
Hookahi Pule Wale No!
E Haawi no Makou i ko Makou Poe Kuai Mai i ke Kuleana e Kuai ai i kekahi
Huina Nui no Kahi Mea Uuku!
Kalakoa Amerika 30 i-a no $1
Makalena Kuniia 14 ” ” 1
“ “ 12 ” ” 1
I Kuniia 10 ” ” 1
Keokeo 20 ” ” 1
“ 15 ” ” 1
Kukaenalo 15 ” ” 1
Keokeo Kihei, 81—iniha laula, 16 keneta no ka i-a.
Keokeo Kihei, 81—iniha laula, 20 keneta no ka i-a.
Keokeo Kihei, 90—iniha laula, 22 ½ keneta no ka i-a.
Lilina Uhi Pakaukau, 37 ½ keneta no ka i-a.
Kalakoa Laholile, 20 i-a no $1
Makalena Kikokiko Keokeo, 8 i-a no $1.
Keokeo Pale Uluna, 42—iniha laula, 8 i-a no $1.
Lihilihi Paku, 3 ½ i-a loihi, $2.50 no ka paa.
Kawele Holoi Waha, $1.25, $1.50, $1.75 no ke kakini.
O na Waiwai o ke Kau i Hala
E Hooliloia aku no ma ka 15 kneta o ka I-a.
Ua like ka waiwai io o keia ae la mai ka 25 a 30 keneta o ka i a.
15 I-a Keokeo Aahu $1
12 I-a Keokeo Aahu 1
34 Kakini Papale-kapu o Kane, 45 keneta pakahi.
Kihei Uhi-moe, $1, $1.25 a me $1.50 pakahi
Kawele, 35 keneta, 55 keneta, 75 keneta a $1 o ke Kakini
Hapalua Pu Kumukuai no na Papale Laiki me Huluhulu.
Mai Hookuu i nei Wa e Kaalo ae, oiai, Aohe Mea e Hookoeia ana.
L. B. KERR
Ke @u nei no ka pael@a o Puu o Hoonuililo mauka o Leleo ae@ei.
Elua hoolaha hooko moraki e puka aku nei ma keia he’u a o ka maua ae no ka pono.
He ohe-nana ka i nalowale a he uku makana hoi ke loaa i kahi mea. E nana ae i ka hoolaha.
Ma Puuhue, Kohala, Hawaii, i Aperila 1 nei, @a hanau mai na ka wahine a Palmer P. Woods (Pama Wude), he keikikane. Oia ana na iwi o ia kini oiwi o ka aina nei.
Aohe i nui ka laki o ka aha hoikeike o ka po Poakahi i hala a Porofesa Birisetole no ka pomaikai o na Poe Ma’i Lepera. He $50 ka huina i loaa mahope o ka hoolawe ana i na hoolilo.
O keia iho la ka pule wehe o ke kau kiure o ka Aha Kaapuni, Apana Elima, ma Kailua, Kona, Hawaii, a ua loheia mai nei nae hoi aole ka i hiki ae o Lunakanawai Kaapuni Hikikoki a ka Poalia iho la. Nolaila, i ka Poalima nei no ka weheia ana o ka Aha.
Hoolaha Manao Hooko a Kuai a ka Mea Paa Moraki.
Mamuli o ka mana kuai i hoikeia ma kekahi Moraki i hanaia e H. KAUAI-HILO a me POIPE, kana wahine, o Kapaka, Koolauloa, Mokupuni o Oahu, ia Isaac Testa, ma ka la 20 o Augate, M. H. 1889, i kopeia ma ke Keana o ka Luna Kakau Kope ma Honolulu, Oahu, iloko o ka Buke 119, ma na aoao 76, 77, a me 78.
Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uhakiia o ke kumu aelike, oia hoi, ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, Luna Kudala, ma ka
POAKAHI, LA 10 o MEI, 1897,
MA KA HORA 12 AWAKEA.
O na wahi i hoakakaia ma ka Moraki i oleloia, ua hoikeia malalo iho.
ISAAC TESTA,
Mea Paa Moraki,
Kumu: Kuike, ma ke dala gula o Amerika Huipuia.
I ka mea kuai mai na lilo palapla.
No na mea e ae i koe, e ninau ia A. Rosa, Loio, Alanui Kaahumanu, Honolulu.
Honolulu, Aperila 10, 1897.
Eia iho na wahi e hooliloia aku ana:
Akahi—O kela mau apana aina a pau loa e waiho la ma Punaluu, Koolauloa, Mokupuni o Oahu i oleloia, a i hoakakaia maloko o ka Palapala Sila Nui 1294, Kuleana 4364, no Kekaumiumi—Ili 1.50 Eka.
Alua—O ke kuleana a pau loa i mahele ole ia o ka Mea Hana Moraki i oleloia iloko o ke Ahupuaa o Puheemiki, ma Koolauloa i oleloia, i hoakakaia maloko o ka Palapala Sila Nui (Aina Aupuni) 3053 no Kaaimanu a me kahi poe e ae—Ili 45 38-100 Eka. O kahi i oleloia, o ia no hoi kahi i hooliloia i ka Mea Hana Moraki e J. N. Kaouli ma o ka Palapala Kuai i hanaia ma keia la like me ka Palapala Moraki a kopeia ma ke Keena Kakau Kope ma Honolulu i oleloia, iloko o ka Buke—, ma na aoao—.
Akolu—O ka aina a pau loa i hoakakaia maloko o ka Palapala Sila Nui 3012, Kuleana 4331, no Kamano, nona hoi ka ili o 1.40 Eka, e waiho la ma Kapala i oleloia, o ia no hoi kahi i hooliloia mai e S. Waiwaiole i ka Mea Hana Moraki.
Aha—O na aina a pau i hoakakaia iloko o ka Apana 2 o ka Palapala Sila Nui 2909, Kuleana 4055, no Kaukaliu, a hooliloia i ka Mea Hana Moraki e Keaka, kaikaina a hooilina hookahi ma ke kanawai e ola ana o Kaukaliu i oleloia, e waiho la ma Kanaka i oleloia. apr. 12—@.
Ua huli hoi aku ka mokumahu Auseteralia no Kapalakiko i ka hora 5 p. m. o ka Poakolu nei. I h@ule hoi k@a holo mai kona wa mau, hora 5 no @e ku koke ana mai o ke Kopetica.
I keia La Pule ae, la 18, e wehe a e komoia ai ka luakini hou o Wainee ma Lahaina, Maui. He mau hoike Kula Sabati @o ia la a he ahaaina nui hoi ko @ la a@. Ua konoia mai n@ ka o Peresidena Kole e holo aku.
Maluna o na kaalio nunui i holo hooluolu aku ai kekahi poe lehulehu iuka o kuahiwi i nehinei a i ka hoi nui a@e mai i ka auwina la iho, ua nunui ae na leo himeni hoolealea. No ke kau iho paha hoi kahi o na aumakua o ka pouli.
Hookahi ohua kaulana loa o luaa o ka Mariposa, oia o Butela (Butler), ka pepehi-kanaka pookoi o keia au, e laweia ana no Auseteralia e hookolokolo ai. Lehulehu na poe i ike aku iaia mai ka uwapo ma ka puka aoao o kona keena i hoopaa pio ia ai i ka hao me ke kiaiia.
Loihi no ka hoopaneenee ana i ka hihia o G@eg@ me Simizu no ke kokua ana i ka hoopae kue kanawai ana mai i kekahi poe eemoku Kepani ma o kakou nei a i kakahiaka Poalua iho la i keheaia ai imua o ka Aha Apana a hooloheia. Ua hoopaneeia ka olelo hooholo a kahi kakahiaka ae, a ua hooholo mai ka Aha aohe laua i hewa. Hoka la!
Nalowale.
Maraki 30 paha, na nalowale he paa Ohenana, mawaena o ka luakini o Kamoiliili, ka halekula ma Niu, Waialae, Laeahi a komo iloko nei. He uku makana kupono ke loaa aku i ka mea e loaa ai a hoihoi mai ma keia keena.
apr. 12—1t *
Hoolaha Manao Hooko a Kuai a ka Mea Paa Moraki.
Mamuli o ka mana kuai i hoikeia ma kekahi Moraki i hanaia e G. W. OKUU o Honolulu, Mokupuni o Oahu, Paeaina Hawaii, ia A. Rosa, Kahu Waiwai, i kakauia ma ka la 5 o Iune, M. H. 1889, i kopeia ma ke Keena Kakau Kope Aupuni ma Honolulu i oleloia, iloko o ka Buke 110, ma na aoao 368 a me 369;
Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, ma ke kihi komohaua o na Alanui Papu me Moiwahine, ma Honolulu i oleloia ma ka
POAKAHI, LA 10 o MEI, 1897.
ma ka hora 12 awakea, i na aina a pau loa i hoikeia maloko o ia palapala a i hoakaka piha loa ia hoi malalo iho.
A. ROSA.
Kahu Waiwai no ka Mea Paa Moraki, Kumu: Kuike, ma ke dala gula o Amerika Huipuia.
I ka mea kuai mai na lilo palapala. Honolulu, Aperila 10, 1897.
No na mea hoi aku i koe, e ninau ia A. Rosa, Loio, Alanui Kaahumanu, Honolulu.
O kahi i paa malalo o ka Moraki i oleloia, o ia no: Kela mau apana aina a pau loa e waiho la ma Moanalua, ma ka Mokupuni o Oahu i oleloia, a i hoakakaia ma ka Palapala Sila Nui 427, Kuleana 1186, no Kukalamanu, no laua hoi ka ili o 465 Kaulahao, a i lilo mai i ka Mea Hana Moraki ma o kekahi Palapala Kuai i hanaia i Mei 12, 1886, i kopeia ma ke Keena Kakau Kope i oleloia iloko o ka Buke 102, ma na aoao 37 a me 38.
Ua paa keia aina i ke kanu laiki ia @ kekahi Pake e uku mua ana he uku hoolimalima o–Dala no ka makahiki. apr. 12—5@