Ka Makaainana, Volume VII, Number 16, 19 April 1897 — Page 3

Ka Makaainana.

 

                                    HONOLULU, OAHU, POAKAHI, APERILA 19, 1897.               3

 

NA MOKUPUNI.

 

Na Lono Huikau no ka Paeaina Holookoa.

O Maui Hikina no ka Oi.

            Nui ke ohohia o na kanea me na wahine o Hana nei. Ma ka la 29 o Maraki, ua hele aku na Hui Aloha Aina o na kane me na wahine i Honokalani a kukulu i mau hui ilaila. Ua lokahi mai na kane me na wahine a ua ku ka hui a na kane a ua paa na luna nui. Pela no hoi me ko ua wahine. O ia ka hele ana a ka maunu maikai. He nui na poe i hele mai e ike i na hana o ia la me ka hauoli nui, a hora 4 auwina la hookuu na hana me ka pule a Peresidena P. K. Moma.  P. K. Hana, Aperila 9, 1897.

 

Na Hunahuna o Kohala Aina Haaheo.

            Iloko aku nei o ka mahina o Maraki. na hoea maila ke keaka mai Kona mai. Maluna mai o ka waapa i laweia mai ai na mea keaka, mai Kailua mai, a o na lio keaka, mauka mai. Ma ke awawa o Pohanaula ko lakou wahi i hoau mua loa ai. A mahope, nee no Niulii e keaka ai, mai laila aku nei noka aina mauna o Waimea.

            Ma kekahi ahiahi Poao no, ua haalele aku au i kekahi hale kamaaina, hora 8:30, he ala loihi no keia a'u e haulani nei o keia po, a ua kokoke no keia hale a'u i haalele aku ai i na pali kaulana o Kohala. Oiai au e hoonee ikaika ana i ka holo o ko'u lio imua, he mea ole ke alualua me ka pii'na pali. Ia'u e nanea ana i ka holo, lohe aku la au i kekahi leo uwe mamua o'u. He kahawai mamua o'u, a ia'u i iho mai ai a hoopii ma ka ulupaina e haualaoa ana mamua o'u, mauka a makai o ke alanui, a ia'u i kokoke mai ai aia he mau kane elua me kekahi mau wahine. E uwe ana kekahi wahine, hookahi mea e hele mai ana maloko mai o ka pa, he kauhale kokoke aku no malaila, mamua hoi o'u. Me he la, ua haawi aku paha keia wahine i ka pahu mabala i kekahi me, o ia pana ka mea i paluku ai o Adamu i kana Ewa, oiai ke aliiwahine o ka po e kuupau ana i kona nani piha, ua huli mai no ia ala me ka mehameha. Na ka helekeaka i kaohi mai ia'u e hoonanea iki iho.

            Ma ka pau ana o ke keaka ua huli hoi mai la no ia uka loa. He nui makou e hoi nei i keia po a ke ani mai nei ka makani huli lau amau o ihuanu ma keia hoi ana; hoi no hoi ko Puuhue, huli hoi no hoi au, puka i ka hale, hora 1:30 o ia wanaao.

            Ma keia nee ana o ke keaka lio i Waimea, elua po i keaka ai me ka hoonanea ana o ia keaka lio i na kupa o ka Ua Kipuupuu. Mai Waimea aku nee no Hamakua, no Kukuihaele, malaila i loaa ai kekahi ulia weliweli, e hoano e ia ai ka noonoo maikai o kekauaka, na ka lono telepone a me na lono e ae i loheia mai, a me ko'u lohe pono ana i Waimea.

            Ua hookauia na me hana keaka lio maluna o elua kaalio, na Akona hapa-Pake o Waimea a me ka David Koki kaa; ka Akona kaalio e kalaiwaia ana e Joe a me kekahi keiki kokua iaia, o keia keiki nae ka i halawai me na poino weliweli i kau iho maluna ona; ma kela iho'na e hoea aku ai i kauhale o Kukuihaele maluna mai i loaa ai keia poino nui ma ia iho'na, i holo paukiki aku a na lio a hookui me ka pa, ia wa i lele ai ka nohona o ke kaa, haule aku la ke kalaiwa, o ia o Joe, a ku ia kona kuli i ka pohaku a ua eha no. O kona kokoolua hoi, ua wala aku la ia me ka ike ole aku o Joe a wili pu ia e ka huila o ke kaa, a o na haole keaka iluna no o ke kaa. Ua loaa iaia na palapu he nui a kamau iki no, a maho pe ua make loa aku la O @a lio o keia kaa ua pau na ili i ka mokumoku. O kekahi kaa lio aku no mahope o ka David Koki kaa, ua ike aku no oia i kela kaa mamua e iho ana na. hoomaka oia e hoopaa i ke peleki o kaua kaa me ke kaula, a ma ia iho'na ua hoomaka oia e lele mai luna aku o kaua kaa O kona lio kaa ka i make loa, i hookui me ka laau hana keaka. Ua manao na haole hana keaka ua like pu la me kela keiki i loaa ai na ulia weliweli maluna o kona kino, oiai, aia no oia mahope o kana kaa kahi i iho aku ai, oiai, ua ku ka ea o ka lepo ia wa. Ma ka La Pule i hoihoiia mai ai ua keiki make la no Waimea, o Keaka kona inoa. Ma Honokea i kolonero ia ai ua keiki @

            Eia ke hana hou ia nei ke alanui o Kohala nei, eia uae, ua haalele mai la na lala na lakou e hana nei. No keaha mai la hoi, ua hoopahuluia mai paha? He alanui pololei keia, mauka mai o kahi o na haole Pelekani hoomaka mai, e komo ana iloko o ke ko, o iho ana ma na alu a me na awawa hohonu a pili i Puuonale, mai laila mai hoea i Puuhue P@u. Eia ke anaia nei ke alanui e ka haole anaaina.

            He mau la ulumoku Kaleponi keia o Manukona, elua moku i kekahi wa, hookahi no hoi i kekahi wa; ua huki no na keiki i ka mea a palahu, pokeokeo. I keia ahiahi he keaka bea ko Mahukona, he elua bea me elua haole, he hapaha ka uku komo, alaila, ike i na hana aia mau holoholona i aoia a akamai. I keia ahiahi no hoi e holo ai o Kinau no Kiholo a me Kailua, Kona Akau, no ke kii ana ia C. L. Wight, ua kau ae oia ma luna o Helene ma Kona, kakahiaka Poalua e ku mai ai i Mahukona.

            Ua ikeia he manuwa Amerika mawaena o Maui me Hawaii.

PUUWAIALOHA CLUB.

Mahukona, Kohala, Hawaii

Aperila 12, 1897.

 

Kokoke e Hoolei Puupuu.

            Ua lohe mai makou ua uiu ae ka he hakaka hahana mawaena o kekahi mau wahine o luna aku nei o Kawaiahao, he aoo kahi a he opiopio kahi, iloko o kekahi la i hala. No ekolu ka manawa o ka laua hakaka ana, mai ka nuku a ke kana puupuu. Ua hoikeia mai ua puka ae no ka kekahi mau olelo oolea. A i kekahi noke ana ka o laua, ua komo aku ka ke kane a kahi, he kapena makai, a lawelawe lima i kahi, me ka onoonou ka e komo iloko o ka pa e hakaka me kana wahine, eia nae, aohe i aeia aku aia ka a puka mai iwaho o ke alanui Aupuni. He lolewawae kane ko ka wahine a ke kapena makai o ke komo ana no ka liuliu e hoolei puupuu, eia nae, aohe ka laua i hoolei, a nolaila no hoi, ua maepopo ole owai la o laua ka oi a nawai la hoi ka ai. Ina ma ka hookuku oiwi a pauku kino, aia ka makou pili mahope o ka opio, a ma ka hoolei kalo paa hoi, na ka opio kino oolea no ka ai mau i na wa a pau, ke holulule ole nae hoi.

 

            Nui mai ka mahaloia o na hana hoomaemae alanui mauka o Kalihi.

            Ma Kapalakiko, Kaleponi, i Maraki 23 aku nei, ua hanau mai na ka wahine a Kale Keo Pu, he kaikamahine Maikai na ole o ka makuahine a me ka pouu hou.

            Mahope iho na olelo o kekahi palapala i loaa mai nei ia makou mai Keauhou, Kona Akau, Hawaii. o ka la 7 nei: "He mau la helu wale no i koe, a lohe oe e holo ana na kaa pai-kikala (hehihehi wawae) ma na alanui hou mai Kona Akau a Kona Hema. Nani na alanui."

            La Pule i hala, la 4 nei, ma ka hale hana hua-ai iloko o ke kini ilalo o Ewa, ua halawai o J. Emaluka me kekahi ulia oiai oia e hana ana malaila, i hihia iloko o na ili hooniuniu mikini. Ua haki kona lima hema ma elua wahi, a malalo hoi o na lawelawe ana a na kauka, ua loaa iki he oluolu iaia i nei wa.

 

Olelo Hoolaha.

 

            Ke papaia aku nei na poe a pau mai ko komo a oki ana i na mea ulu o luna o ka aina o Kamanaiki. ma Kalihi, me ka loaa mua ole o ka ae mai kekahi mai o na mea no laua na inoa malalo iho Ina e loaa aku ana me ke kue i keia hoolaha, hoopiiia no lakou e like me ke kanawai.

ANTONE RICARDO.

FRANK R. HARVEY.

Honolulu, Aperila 1, 1897,     apr.5---3ts.

 

Hoolaha Hoonee.

 

            E hoonee aku ana o Kauka H. V. Murray i kona keona oihana a ma kahi noho mua o B. Kakalaika, kihi o na alanui Alakea, Beritania me Uniona, i Aperila 1.                    apr. 5---3ts.

 

NO KE KUAI.

 

            He hale o Elima Keena, hookahi makahiki o ka paa ana. a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la ma kahi noho o E. S. Boyd.

            KUMUKUAI:--$1,000; $500 ma ke kuike a ma ka Moraki ke koena no ekolu m@ kahiki ma ka 3 pa-keneta ukupanee.

            @No namea i koe, e ninau ia

BRUCE WARING & CO.,

a i ole, ia F. J. TESTA, ma ke keona o keia nupepa.                           sep 7--mhp.

 

Hoolaha Manao Hooko a Kuai a ka Mea Paa Moraki.

 

            Mamuli o ka mana kuai i hoikeia ma kekahi Moraki i hanaia e H. KAUAIHILO a me POIPE, kana wahine, o Kapaka, Koolauloa, Mokupuni o Oahu, ia Isaac Testa, ma ke la 20 o Augate, M. H. 1889, i kopeia ma ke Keena o ka Luna Kakau Kope ma Honolulu, Oahu, iloko o ka Buke 119, ma na aoao 76, 77, a me 78.

            Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uhakiia o ke kumu aelike, oia hoi, ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Lunce, Luna Kudala, ma ka

POAKAHI, LA 10 o MEI, 1897,

MA KA HORA 12 AWAKEA.

            O na wahi i hoakakaia ma ka Moraki i oleloia, ua hoikeia malalo iho.

ISAAC TESTA

Mea Paa Moraki,

Kumu: Kuike, ma ke dala gula o Amerika Huipuia.

I ka mea kuai mai na lilo palapala.

@ No na mea e ae i koe, e ninau ia A. Rosa, Loio, Alanui Kaahumanu, Honolulu.

Honolulu, Aperila 10, 1897.

 

            Eia iho na wahi e hooliloia aku ana:

            Akahi--O kela mau apana aina a pau loa e waiho la ma Punaluu, Koolauloa, Mokupuni o Oahu i oleloia, a i hoakakaia maloko o ka Palapala Sila Nui 1294, Kuleana 4364, no Kekaumiumi--Ili 1.50 Eka.

            Alua-O ke kuleana a pau loa i mahele ole ia o ka Mea Hana Moraki i oleloia iloko o ke Ahupuaa o Puheemiki, ma Koolauloa i oleloia, i hoakakaia maloko o ka Palapala Sila Nui (Aina Aupuni) 3053 no Kaaimanu a me kahi poe e ae-Ili 45 38-100 Eka. O kahi i oleloia, o ia no hoi kahi i hooliloia i ka Mea Hana Moraki e J. N. Kaouli ma o ka Palapala Kuai i hanaia ma keia la like me ka Palapala Moraki a kopeia ma ke Keena Kakau Kope ma Honolulu i oleloia, iloko o ka Buke-, ma na aoao---.

            Akolu--O ka aina a pau loa i hoakakaia maloko o ka Palapala Sila Nui 3012, Kuleana 4331, no Kamano, nona hoi ka ili o 1.40 Eka, e waiho la ma Kapaka i oleloia, o ia no hoi kahi i hooliloia mai e S. Waiwaiole i ka Mea Hana Moraki.

            Aha--O na aina a pau i hoakakaia iloko o ka Apana 2 o ka Palapala Sila Nui 2909, Kuleana 4055, no Kaukaliu, a hooliloia i ka Mea Hana Moraki e Keaka, kaikaina a hooilina hookahi ma ke kanawai e ola ana o Kaukaliu i oleloia, e waiho al ma Kapaka i oleloia.                apr. 12---5ts.

 

William Kamali.

 

            Pena Hale o na ano a pau, Kau Pepa a Lu One paha, e like me ko oukou makemake. Ua hiki ke hoohinuhinu i pa umeke, Pakaukau, Pahu-ume, Moe, Puniu, i hiki ole ke hoomaemae hou ia. Ua hiki ke hookoia na hana me ka eleu loa, a o na kauoha a pau mai na kuaaina mai ua hiki ke hookoia. He oluolu loa ka uku ma ke kuka olelo ana. E kipa mai e na makamaka, mai poina.

            Keena hana, ma ke S. K. Pua keepa, Helu 7 1/2, Alanui Konia.

            Wahi Noho, Kapalama.          Mar 15--6m

 

Hui Papa a Kukulu Hale Oahu.

            (OAHU LUMBER & BUILDING CO.)

Leleo, Alanui Moi, kokoke i ke Kahua o ka Hui Alahao & Aina Oahu.

 

Poe Kalepa Laau, Hana Aelike a me Kukulu Hale.

Poe Hookonio Mai a Hoolilo

aku i na

Puka, Olepelepe, Kui,

            Pepa, Pena, Aila,

                        Na Pono Kamana,

            A pela aku, a pela aku

Telapone 53.                Pahu Leta.

@