Ka Makaainana, Volume VII, Number 16, 19 April 1897 — Page 8

Ka Makaainana.

8          HONOLULU, OAHU, POAKAHI, APERILA 19, 1897.

 

Poe Menemene Ole.

(Mai ka aoao ekahi mai.)

 

kahi i paa a i loaa iloko o ka puili ana o ko Akana lima, a o ke kauka no hoi kahi iaia i okioki ai i ke poo a mawehewehe i ka lolo, ua loaa aku kekahi mea a e kuhi ana a pau loa ia Noa.  O ko Noa wa ka keia i loha ai a hiki ole ka ke kamailio, a haalulu piha makau.  Ua haaleleia aku oia e ka mea hoouluhua, a ma ia hope mai hoi i loaa ai na olelo ike e ku ai kona ahewaia.

            Nui ko Kaulana noonoo ana a hoomanao ai oia ua holo kana keiki hanauna, oia o Sam Ku, no Wailau i ke ahiahi molehulehu o kela La Pule paoa me Paahao.  I kona ike koke ana i ke keiki mawaho o kona hale, ua ninau ka oia ka i no hoi ua hala oia no Wailau, a ua paneia aku ka ua hele laua a Kaluaaha, eha ke kua o kona lio a huli hoi.  Ua ninauia aku ka in a ua haule kahi mea ana, a ua hoike aku he malo a he hainaka.  A o ka wa ka ia o Kaulana i noi i e hoike aku i na mea a p@u, a no ko Ku pane ole aku ka, ua ninau aku o Kaualan in a paha naua o Akana i pepehi.  Ua kanalua a kulanalana ko oia a mahope i hoike aku i na Noa, Paahao a me ia pu i hana.  O ka mea keia i hoikeia ai e Kaulana i na makai a paa ai o Samu Ku a me Paahao i ka hopu koke ia, a na laua hoi i hoike aku no ka halawai ana me Noa ma ke alanui ma Kamalo i ka hora 1 o ka wanaao, a nona hoi ka manao e powa.  A o ke kumu ka i hoihoiia ai o ko Akana kino iloko o ka hale, i puhi ahi aku ai hoi i ka hale a me na kino no ka huna ana i ka lakou mea o ka hana ana.  I kuemi hope wale no lakou mamuli o ka makau o loaa.  Ma ke kahawai o Kawela i holoiia ai na lima paumaele koko o Ku a me Paahao komo i @e aahu hou a hunaia na aahu kahiko iloko o ka ulu kiawe.

            Awakea Poalua, la 13, he 34 hora mahope iho o ka lakou hana limakoko, noho ana lakou ekolu iloko o ka halepaahao o Pukoo.  A i kahi kakahiaka ae, hora 9:30, aohe a lakou pale imua o ka Lunakanawai Apana, ae nui i ka hewa, a ua waiho koke ia no ke kau kiure ma Wailuku iloko ae o Iune.

            Na Noa i paluku i ko Akana poo, oiai hoi na Ku i umi a hiki ole ke puai leo ae.  A na Paahao hoi i umi ke wahine Pake.  Ua hoole lakou i ke ku pale aku o kahi loio no lakou.

            Ia Noa hoi i hele ai me ka Hope Makai  Nui e kuhikuhi i kahi i hunaia ai o ke dala i aihueia mai ka halekuai, a mamuli hoi o kona hilinaiia, ua hele aku laua ma na lio no kekahi awawa a kekahi wahi paa pu loa i ka uluia e ke kiawe, ua hoohehee iho o Noa mai kona lio a holo mahuka aku la.  Ua hoao aku la Hope Makai.  Nui e alualu a ua ki aku i kana pu, he ole nae ko ia la ku mai, no ka mea, ua ahai loa aku la ka pupuhi iaia.

            Ua laweia mai ma ka mokumahu Mokolii na mea elua ikoe iho a eia i Kawa e u paa mai nei, no ke kali ana no ko laua wa e hookolokoloia ai.  Na Lutanela Kamelani a me na makai i kii aku i kai o ka moku i ka wanaao Poaono nei a noho i ka Halewai, a mahope iho hala loa i Kawa.

 

Oil@ ka Ma'i Samola-poki.

            Na makou ka nunahana mua loa no ka puka ana ae o ka ma'i ahulau samola poki maluna o ekolu poe Kepani makai o Kahakaaulana Aumoe Poalua ae hoi, puka hou elua, a hookahi i ka po Poakolu mai.  O na ma'i no ia, he eeno, e hoomaluia nei makai a hiki i keia la aohe mau mea hou ae.

--

Elua Anaina Mare.

            Hora 8 o nei ahiahi, maloko o ka luakini o Sana Anaru, e hoohuiia ai ka Rev. V. H. Kit@cata ia Misi Lile Danafoda ma ka mare a na ka Rev. J. Usebona e hooko i ka uo ana.

            A i ke ahiahi apopo no hoi, ma ia luakini no, o Misi Fane Me, kaikuahine o T. Me, ia W. H. Baird (Beada) o ka hui kalepa o T. H. Kewiki Ma.  Na ka Rev. A. Makinikoki laua e uo ana

--

KELA A ME KEIA.

--

            Kopaa 3 3/8 keneta kuwaho.

            Komo hou na kula Aupuni a pau i keia la.

            Ua lonoia e hookohuia ana o Akoai R@sa i Hope Loio Kuhina.

            Eia ka ke hanaia nei makai o Kahakaaulaaa he kapuahi puhi i na kino make i ka ma'i hebera.

            O ka Poakolu iho la ka la o Peresidena Linekona o Amerika Huipuia i pepehiia ai e na lima hiena mene hene ole.

            O keia ka pule hoomaha o na kula kuokoa, e laa o Iolani, Sana Lui a me na kula Virigine a elua a me kahi mau kula e ae

            Poaha nei ka piha ana o ko Misasa Haleakala Haka jubile, a ke pahola aku nei hoi makou iaia i na hoomaikai ana o ka la

            Ua hoopukaia ae nei ka lono ua hoopalauia o Misi Ge, o Makaweli, Kauai, ia Komisina a Kanikela-Kenerala Haoese o Beritania Nui.

            Poalima ihio ka mokumahu Dorika mai Iokohama no Kapalakiko, a i ka Poaono iho no hoi ka mokumahu Miowera mai ka Hema no ka Akau.

            Ua hookohuia ae ke Kuhina Waiwai e ka Peresidena i Kuhina no ka na Aina E no ka manawa, oiai hoi o Kuhina Kupa e noho hoomalu ia ana.

            Auwina la Poalima nei i ku mai ai ka mokukaua Beritania Nene Ahiu mai Kauai mai, a ua hoi mai ke Komisina Pelekane a me W. G. Iwini maluna ona. 

            Poaono iho e hoomaka ai ka hookukku kinipopo o keia kau hou o ka Hui Kinipopo Hawaii, o ia ka hui nui, a mawaena hoi o na hui Hoku me Regimana Ekahi.

            Hora 7 o kakahiaka Poaono nei i ku mai ai ka mokumahu Rio de Ianeiro iloko o 6 1/2 la holo mai Kapalakiko.  Ua hala loa aku no ke Komehana ia ahiahi iho no.

            Ma ka Rio de Ianeiro  o kakahiaka Poaono nei i huli hoi mai ai o Loio Kuhina Kamika a me kana wahine a o Konela Polena (pono uweaolelo moana koakoa) kekahi.

            He aha hoolaulea hui ka i haawiia i ka po Poaono nei ma uka o ke kahua o ua Kula Kamehameha e ua kula a elua Lehulehu na poe i hele aku ma na kaa panee, na kaa basa a me ua kaa lio maoli, a ua nui mai ka mahaloia o na hana

            Kakahiaka Poalua iho la@ ku mai ai ka mokukaua Amerika Peterala ai Kapalakiko ma Hilo ae.

            Ke hoolaha nei o H. W. Kamika & Keiki i kekahi kuai ku dala hoaie nui ma ko lakou halekuai i ka Poakolu a me ka Poaha iho.  e nana ae i ka hoolaha ma keia helu.

            He ahaaina manawalea ke haawiia ana e ka Ahahui Hooulu a Hoola Lahui, ma ka la 8 o Mei, ma ke kahua o ka Home Makuahine Kapiolani, no ka pomaikai o ia kahua o ka lehulehu.

            O na loon hope loa mai nei no Helene me Tureke, ua komo okoa aku ka mua iloko o Masedonia, he okana-aina no ka hope a ua ulele ae na ai a ka ui.  Aia hoi na Kerete ke aa loa la i na Mana.

            He hale ma alanui Puowaina, mauka iho o ka pa o ke Kauka Palani i make, ka i hoomaluia i ka Poaha nei no kekahi ano ma'i i puka ae malaila.  Ua oleloia aohe ka ia he samola-, oki, aka, he ano ma'i okoa ae no.

            He halawai ka na poe Pelekane e kaheaia nei no ka po Poakolu iho ma Haleakala, Aigupita Pa, no ka noonoo ana i ka malama a hoomanao kupono ia o ka Iubile Diamana o ko Enelani Moi no loko o Iune ae.

            Ahiahi Poalima nei, hora 9, i hekau mai ai ka mokukaua Amerika Piladelepia iwaho o ka nuku iloko o 8 la holo mai Sana Diego  Hora 9 ae o kakahiaka Poaono nei i hookomo akahele mai ai a mo-ku ma ka huli ma Ewa loa o na mokukaua e ae.

            Kakahiaka nui o ka Poaono nei i u mai ai ka mokumahu Warimu iloko o 7 la holo mai Vanekouva, o ka haalele ana aku i ka la 9 nei.  He 80 no ana tona ukana i lawe mai nei no keia awa.  A mahope iho hoi o ka uhao ana he 350 tona lanahu, ua holo loa aku oia no ka Hema ia ahiahi moelhulehu iho no.

            He hapaha hora ka mamua o ko ka mokumahu Kalaudine ku ana ae i Lahaina i ka po Poaono nei, ua loaa ae malaila ne lono telepone mai.  Wailuku mai e olelo ana, na ki o Bila Daniela (W. H. Daniels) iaia iho me kekahi pu.  Aohe kumu i maopopo a aohe no hoi he mau mea e ae i hoikeia mai.  Ua make loa ka a i nehinei ka i hoolewaia ai ma Wailuku.

            Ma ke Kinau o kakahiaka Poakolu nei i loaa mai ai ka lono mua no kela pepehikanaka o Kamalo, Molokai, aohe nae hoi i nui loa, ma o kekahi palapala i hoouna awiwi ia no Lahaina maluna o kekahi waapa huelobeti a loaa aku ke Kinau.  A ma ia moku no hoi o ka Poalima nei i holo aku ai o Hope Ilamuku Hikikoki no ka noii pono aua, a ma Kauuakakai paha hoi oia e hooleleia aku ai.

            Pia u mau na anaina haipule ma na luakini o Sana Anaru a me Malieokamalu iloko o na la i hala iho la o ka Hebedoma Hemolele, o ka hope iho nae paha hoi ka oi loa aku i kona mau heahauau o ua lahui like ole.  Maikai na himeni o nehinei ma ia mau luakini, a pela pu no ka hoi ma ka luakini Halepapu.  O keia a me ka la apopo, he mau la hoaue no ma na luakini o na mahele Kato like a elua.

            Ua hooleleia mai i kakahiaka Poalua iho la kekahi mahele koa o luna o ka moku@na Amerika Mariona a in@ nei i kahi i hookahakalia ai

            Ma Kailua, Kona, Hawaii, imua o ke kau o ka Aha Kaapuni malaila, na aeia ke noi oki mare a C. L. Waita, Peresidena o ke Hui Mokumahu Waila, mai kana wahine mai, kekahi kaikamahine a S G. Waila i make.  Mahope na hoakaka.

            No ka hana iwaho o ke alanui i nehinei, ua hopuia he eha poe hana o ka Hui Telepone Mutuala.  Ua paa na telepone no elua paha hora. Mahope iho, ua aeia mai la e hoomau aku i ka hana   Ku ae lakou imau o ka Aha Apana i nei kakahiaka a hoopau wale ia.  Hopu ka hoi a hoopau wale no

--

H. W. Schmidt & Sons

(H. W. KAMIKA & KEIKI)

KUAI KUDALA HOAIE NUI.

POAKOLU A POAHA, APERILA 21 ME 22.

Na Lole Tela, e laa na Huluhulu Waihooluu, na Paina, na Huluhulu Polu, na Lole, Palule, na Ahinahina, na Keokeo, a pela aku.

He heluna nui loa o na Lole Wahine na Palule, na Kakini, na Kihei Uhi Moe, na Huluhulu Moe, na Kawele, na Kamaa, a pela aku.

MIKINI HUMUHUMU WHITE.

Ma ka Hoaie Oluolu i na Poe Lawelawe Kalepa ma ko maou Halekuai ma Alanui Moi, e pili pu la me ka Hale Oiwi.

mar.15--1yr.

--

E Hoomaka ana i Nei La

--NO--

Hookahi Pule, Wale No!

--

He Haawi no Maou i ko Makou Poe

Kuai mai i ke Kuleana e

Kauai ai i kekahi

Huina Nui no Kahi Mea Uuku!

--

Kalakoa Amerika . .    30 i a no $1

Makalena Kuniia .       14 " " 1

            " "            . .   12 " " 1

Ie Kuniia . .                 10 " " 1

Keokeo . .                   20 " " 1

  "        . .                   15 " " 1

Kukaenalo . .              15 " " 1

Keokeo Kihei, 81-iniha laula, 16 keneta no ka i a.

Keokeo Kihei, 81-iniha laula, 20 keneta no ka ia-a.

Keokeo Kihei, 90-iniha laula, 22 1/2 keneta no ka i-a.

Lilina Uhi Pakaukau, 37 1/2 keneta no ka i-a.

Kalakoa Laholile, . . . 20 i-a no $1

Makalena Kikokiko Keokeo, 8 i-a no $1.

Keokeo Pale Uluna, 42-iniha laula, 8 i-a no $1.

Lihilihi Paku, 3 1/2 i-a loihi, $2.50 no ka paa.

Kawele Holoi Waha, $1.25, $1.50, $1.75 no ke kakini.

 

O na Waiwai o ke Kau i Hala

E Hooliloia aku no ma ka

15 keneta o ka I-a.

 

Ua like ka waiwai io o keia ae la mai

ka 25 a 30 keneta o ka i a.

--

15 I-a Keokeo Aahu . . . $1

12 I-a Keokeo Aahu . . .   1

 

34 Kakini Papale-kapu o Kane, 45 keneta pakahi.

Kihei Uhi-moe, $1, $1.25 a me $1.50 pakahi

Kawele, 35 keneta, 55 keneta, 75 keneta a $1 o ke Kakini

--

Hapalua Pu Kumukuai no na

Papale Laiki me Huluhulu.

--

Mai Hookuu i nei Wa e Kaalo ae, oiai, Aohe Mea e Hookoeia aua

--

L. B. KERR