Ka Makaainana, Volume VII, Number 19, 10 May 1897 — Page 7

Ka Makaainana.

 

HONOLULU, OAHU, POAKAHI, MEI 10, 1897.             7

 

NA AINA MAMAO.

Mau Lono Huikau mai kela a me keia Wahi Like Ole.

Kupilikii ke Ola o ka Moi Keoki.

            No Aperila 27 kekahi lono mai kekahi o na keona oihana aupuni kuwaho ma Atenai i loaa ae ma Ladana a e hoike ana ua hooili aku ka lahui Helono o ia Wahi i ke koikoi no na poino i loaa i na pualikaia Helene ma ka mokoinoko ana me Tureke maluna o ko ka Moi hokua, a he wa wale no paha a hoopauia ae oia, a i ole ia, lawe powa ia ae paha hoi kona ola, a me he la e kaili ae ana ke aluka o ka lehulehu i hele a hiena i ka ua mea o ka piha inaina loa i ka hoomalu ana ia kulanakauhale. O ka hopena awahua aku ka i hopohopo loa ia

            Me he la o keia mai ka hoomaka ana o ke ano eena a hiki i ko ka lehulehu wa i paa ole mai ai a hailoku pohaku okou ai i ka halealii ia po. Oiai keia hailuku pohaku e noke ana, ua hooho leo nui ae ke alukai        "E pau me ka Moi! E pau me Kama'lii Konakanakiue! Haa wi mai ia makou i Repubalika!" I ka nana aku aia paha ko ka lehulehu manao ma ka aoao ko kua i Aupuni Repubalika a e hoohiolo hoi i ka noho hoomalu Moi ia aku o lakou.

Liuliu o Belegaria e Komo Lawelawe.

            Ua kauoha oolea ae ke Aupuni o Rusia ia Bulegaria e noho malie, pela kahi lono mai Konakinopela o Aperila 23 i loaa ae ma Ladana, eia nae, ua hoike aku o Bulegariaia Tureke e liuliu no oia no ke kaua, aia wale no a aeia ae ka hookohu ana i elima poe Bihopa Bulegaria no Macedonia a me ka hookohuia o kekahi mau agena kalepa Bulegaria ma Usekunu a me Monasetiri. Ia po iho mae hoi i loheia ae ai aohe ka Suletana e ae ana i keia koi. He kaua nae hoi ka hopena o ia hoole. Ua oleloia ae @ hoi mai hoole ole ia no paha hoi keia koi ina he loaa kokuaia e kahi Mana. He kou a ka hoaano loa o Bulegaria me ka ike a hoolohe ole aku i ke Suletana, oiai nae hoi oia aia malalo aku ona. I ke noi a Tureke e kipakuia na Helene mai kona mau paiena, ua hoolohe ole ia. Aia @ hoi ko Aupuni o Ro@mania ke liuliu pu la no ke kaua ma ka hoopuka ana ae i na bona no 8,670,000 farani no kekahi aie kaua kupaianaha nui hewahewa.

Na Lonolono Kau@ Holene--Tureke.

            O na lono ano nui no ke kaua, ua lehulehu na hooaka kaua ana i hoauheeia ai na Helene e na Tureke. Ua inoino ko na Helene @ana ma Pen@te@gadia a ma Tesale. Pela no ka hoi ma Epiruso, mamuli o ka nele i na mea ai a me na lako kaua.

            Po o Aperila 27, ua hailuku pohaku ia aku ka halealii ma Atenai e kekahi aluka nui o ka lehulehu i hele a piha inaina i ka Moi. Ua aneane e ulu ae he hoohaunaele kipi kuloko malaila, a i pale wale ia no i ke noi ana ae o na poe alakai o ka aoao kue a hoopuka i kokahi palapala e hoike ana, o na poe hana kue aku i ka Moi, he poe enemi lakou e like la me na Tureke. E ole keia, pipika wale ai no lakou. Ua olelo ae nae hoi ka Moi he hookahi no ana mea manao nui, o ia ka pono o kona lahui, a ua mauaolana hoi oia aohe e hoohaniniia kekahi wahi kulu koko iki uona.

            O ka mea ana nui loa paha hoi, o ia ke kukala a ko Farani Kuhina o ko na Aina E i kakau ai i ka Amebasedoa Tureke aia Parisa, ua ke Suleta@a e haawi aku i ka lau oliva o ka maluhia ia Helene. Una, wahi a M. Hanoto, ke Kuhina Farani i oleloia, e nee hou aku o Tureke no mua, e konoia no o Farani e hele aku ma ka aoao pale i ka aoao Karistiano.

            Mai Atenai mai no hoi na lono no ka huikau a ka launa ole mai o ke kulana. Ua waiho hoike ae o Kama'lii Konakanakine no ka huakai kaua paoa i Tesale a e noii pono ia aku ana ka e ke Aupuni.

            O na lono hoi mai Wasinetona e hoole loa ana o Helene i ko Europa keakea aku. Eia nae, ua loaa ae no he lono i ka Oihana o ko ua Aina E o Amerika Huipuia, e hana like aku ana no na Mana me ka ui a ae ole o ke Aupuni o Helene.

            Hookahi lanakila i loaa i na Helene ma Velesetinoso, a ua pii ka hauoli o ka lehulehu. Ua hoauheeia na Tureke ma ia wahi a ua manaoia e hoohoa ulele hou ae ana no malaila, a he wa wale no ka a puoho ae.

            Mai Salonica ka lono ua olelo ae o Osemana Pasa, ma kekahi nienieleia ana ona, ua kokoke loa mai ka maluhia, no ka mea, he mea hiki ole ia Helene ke hoomau i ke kaua ana. Oia ke koa o Pelevena i ke kaua ana ai me Rusia, na hookohuia ae oia i pani no Edeheme Pasa a unuhi hou ia aku no.

            Ua oleloia ua makemake o Moi Keoki e haalele i ka noho Moi ana a o kana keiki elua. Kama'lii Keoki, kona pani. O na lono hoi na kauohaia aku ka Hooilina Moi e hoi mai ke kahua kaua mai ma kekahi kauoha alii, ua hooleia ae ke oiaio, aka, e hoomau aku ana no oia ma ke poo o ka pualikaua.

            Aia ke Aupuni Tureke ke hoakoakoa la i na mahele koa nui a me na pono kaua ma Selonica. Me he la, ilaila ana kahi hooili kaua nui ma nei mua iho, a ma ke awa paha o Volo @ pu-ke ai na aumokukaua o na aoao a elua.

            E hiolo ana paha hoi ko Helene Aha Kuhina, malalo o keia hoihoi ole ia e ka lehulehu, me ka lonoia no ua waiho aku na lala a pau.

            Ekolu mokukaua nui a ikaika loa a Italia i kauoha ae e holo no Epiruso no ka hoopakele ana i na pono Italia. Ua hilinaiia ma Roma e keakea aku ana na Mana mawaena o Tureke a me Helene, aia nae hoi a mahope iho o ko ua Tureke noho ae ia Volo.

            Ma kekahi hooili kaua ana ma Epiruso i hoauhee ino loa ia ai na Helene a ua hee nui aku me ka huikau mai Larisa aku.

Pani aku ia Generala Rivera.

            Ua hoikeia ae e pani aku ana ka ia Generala Rivera o Generala Iulio Sanaguile, ke kaeaea o ke kaua umi makahiki ma Kuba a me ka loea hookele kaua i ikeia kona ike a naauao me ka makaukau, ka oi ia Gomeze ma ke ano Generala a ia Maceo hoi ma ka aa hakaka. Oia ana ka ke pani no ka Pualikaua o ke Komohana, a o kona hoea ae ka mea e loaa ai o kahi hoololi ma ka lawelawe ana i ke kaua ma Pina dele Rio, kahi hoi o na pualikoa Sepania e kuupau loa la i ko lakou hooikaika ana e kinai a e hoopio.

            E hookolokolo a e hookauia aku ana paha hoi ka hoopa i make maluna o Generala Rivera ma ke ano he pawa a he kipi oia, aole paha hoi ma ke ano he pio oia no ke kaua. Ina pela io ana, alaila, e hoea ae ana kona pani ma ke kahua. o ka hana a iloko hoi o ka noho ma ke kua o ka lio nana oia e lawe i ka la e hookoia ai o kela hoopai make. O keia Generala Sauaguile no ka me ai hoopaa haoia ai no elua makahiki no ke kaua kipi a he kupa Amerika oia, a i hemo hoi oia mauauli o na hana maikai a ia Aupuni.

Eena Kipikipi na Koa Sepania.

            Wahi a kekahi lono o Havana i loaa ae ma Nu Ioka, Maraki 26, ua nui ka ka hopohopoia ma @a wahi mamuli o na ouli kipikipi a hoihoi ole loa i hoike ia ae iwaena o na pualikoa Sepania. He ehiku malama ka kau le hope o ke Aupuni ma ka uku ana i na koa a ua nele loa. hoi i ke dala e hiki ole ai ke uku ae i na uku o hookahi malama. O na alii no ka hoi kekahi i uluhua a i hiki ole ke hoomau aku ma keia kulana ano kupilikii, oiai, ua hoao a na hooikaika lakou e kinai i keia manao i ulu ae iwaena o na koa malalo aku o lakou a ua hiki ole. No nei kumu paha hoi i kauoha ai o Generala Wela i ua alakai e hoomau aku i ka malama ana i na pualikoa mai na kulanakauhale aku, i hiki ai hoi ke paleia keia manao eena i ulu ae.

 

SK PUA;

He Agena nona Waiwai Paa

He Mea huli i na Kuleana Aina i mea e maopopo ai;

He Mea Ohi i na Aie i hiki ole ke Ohiia e na Poe no lakou na Aie, a

He Mea Hana i na Ano Palapala Pili Kanawai a pau.

KEENA HANA:--Ma ke keena o R. W. Wilikoki, Alanui Konia.                 aug. 31--1mk.

 

NO KE KUAI.

            He hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co, e hoo@iloia aku no i ka mea e makemake mai ana. Aia keia wahi ke pili kokoke la ma kahi noho o E. S. Boyd.

            KUMUKUAI:--$1,000; $500 ma ke kuike a ma ka Moraki ke koena no ek lu makahiki ma ka 8 pa-keneta ukupanee.

@No namea i koe, e ninau ia

BRUCE WARING & CO.,

a i ole, ia F. J. TESTA, ma ke keena o keia nupepa.                                                   sep 7--mhp.

 

Hoolaha Manao Hooko a Kuai a ka Mea Paa Moraki.

            Mamuli o ka mana kuai i hoikeia ma kekahi Moraki i hanaia e H. KAUAIHILO a me PIOPE, kana wahine, o Kapaka, Koolauloa, Mokupuni o Oahu, ia Isaac Testa, ma kala 20 o Augate, M. H. 1889, i kopeia ma ke Keena o ka Luna Kakau Kope ma Honolulu, Oahu, iloko o ka Buke 119, ma na aoao 76, 77 a me 78.

            Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uhakiia o ke kumu aelike, oia hoi, ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, Luna Kudala, ma ka

POAKAHI, LA 10 o MEI, 1897,

MA KA HORA 12 AWAKEA.

            O na wahi i hoakakaia ma ka Moraki i oleloia, ua hoikeia malalo iho.

ISAAC TESTA,

Mea Paa Moraki,

Kumu: Kuike, ma ke dala gula o Amerika Huipuia.

I ka mea kuai mai na lilo palapala.

            @ No na mea e ae i koe e ninau ia A. Rosa, Loio, Alanui Kaahumanu, Honolulu.

Honolulu, Aperila 10, 1897.

 

            Eia iho na wahi e hooliloia aku ana:

            Akahi--O kela mau apana aina a pau loa e waiho la ma Punaluu, Koolauloa, Mokupuni o Oahu i oleloia, a i hoakakakaia maloko o ka Palapala Sila Nui 1294, Kuleana 4364, no Kekaumiumi--Ili 1.50 Eka.

            Alua--O ke kuleana a pau loa i mahele ole ia o ka Mea Hana Moraki i oleloia iloko o ke Ahupuaa o Puheemiki, ma Koolauloa i oleloia, i hoakakaia maloko o ka Palapala Sila Nui (Aina Aupuni) 3053 no Kaaimanu a me kahi poe e ae--Ili 45 38-100 Eka. O kahi i oleloia, o ia no hoi kahi i hooliloia i ka Mea Hana Moraki e J. N. Kaouli ma o ka Palapala Kuai i hanaia ma keia la like me ka Palapala Moraki a kopeia ma ke Keena Kaku Kope ma Honolulu i oleloia, iloko o ka Buke--, ma na aoao---.

            Akolu--O ka aina a pau loa i hoakakaia maloko o ka Palapala Sila Nui 3012, Kuleaa 4331, no Kamano, aoua hoi ka ili o 1.40 Eka, e waiho la ma Kapaka i oleloia, o ia no hoi kahi i hooliloia mai e S. Waiwailole i ka Mea Hana Moraki.

            Aha--O na aina a pau i hoakakaia iloko o ka Apana 2 o ka Palapala Sila Nui 2909, Kuleana 4055, no Kaukaliu, a hooliloia i ka Mea Hana Moraki e Keaka, kaikaina a hooilina hookahi ma ke kanawai e ola ana o Kaukaliu i oleloia, e waiho la ma Kapaka i oleloia.

apr. 12-5ts

 

            Ua hoopaneoia ke kuai maluna @ a ke awakea o ka Poakahi. Mei 17, 1897.