Ka Makaainana, Volume VII, Number 22, 31 May 1897 — Page 8

Ka Makaainana.

 

HONOLULU , OAHU, POAKAHI, MEI 31, 1897.

 

KELA A ME KEIA.

Lehulehu na hoolaha hou ma nei @.

Auwina la Poakolu iho @ hoi aku ai @ Austeralia no ka Ipuka Gala.

Auwina la Poalima nei i hele aku ai ka mokumaha Amarapura no Keomalewa.

Pau ko Mei nei kau kiure i ka Poaono nei, he ia pokole nae hoi ia.  I nei pule ae hoi ko Wailuku kau.

Auwina la Poalua iho la i haalee mai ai ka mokukaua Nene Ahiu ia Kou nei no Esekimala ma ka Akau.

Ekolu mau lio heihei no Kealia, Kauai, i hiki mai i kakahi aka Poakolu nei, a e koino aua lakou ina pa heihei o ka la 11 ae.

Auwina la Poaono nei, mamua ae o ke kai ana o ka huakai La Kaupua, ua holo aku ka mokukana ao Adamu no Keamolewa.

Ua kohoia Akoni Rosa e ka Aha Kaapuni i @ pale no na hiena pepehikanaka o Kamalo, Molokai, ma ke kau o Waiaku iloko o Iune ae.

E puka aku ana he nupepa no ka Hui Kalaiaina mai keia Halepai aku i ka Poaono iho, a i  ole ia, i nei Poakahi ae, @ o ka hooponopono ana a W. White.

Mahalo a nui i ka Ilamuku i ka papa ana i na poe holo kaa paikikala aole e hoomaamaa ma na alanui o ke kulanakauhane nei, aia a elua mile mawaho aku.

Mamuli o na hana hoomano La Kaupua o ka auwina la Poaoho nei, o nehinei nae hoi ka la mau, ua @ ka ulele kini popo a me kahi mau hana lealea e ae.

Ua kipa mai i ko makou keena o Lunakanawai Waipuilani a me Hope Makai Nui Ieke o Kau, Hawaii, i ka Poakahi i hala, a i keia mau la iho mei hoi o Bila Kaimikaua.  Ola no.

Ua hoike ae na nupepa Kepani o kakou nei e hoi aku ana o Misasa Sinamura, wahine a ke Kukina Kepani, no Iapana ma ka mokumahu Bolegica o Iune 5 ae, no ka ike i ka ohana.

Ua hoopanee hou ia ka hooko ana i ko H. Kauainilo moraki mai ka Poakahi i hala, Poakolu a me ka Poaono nei a i ke awakea Poakahi, Iune 21 ae.  Ke hoomauia aku nei no ka hoolaha ana.

O keia La Pule ae ka La Penetokote, oia hoi ka la hoano no ko ka Haku hoouna ana mai i ka Uhane Hemolele maluna o kana mau haumana.  He la hai pule nui ia no na luakini o Sana Anaru a me Malieokamalu. 

E hoea mai ana ke Kuhina Amerika hou ma ka mokumaha o Iune 5 ae.  O ke Kuhina Amerika no Iapana kekahi e hoea pu mai ana a e hala ana he mau pule maanei a holo loa aku oia no ke kahua o kana hana.

Ua pani hapa la ia na keena oihala Aupuni i ka Poakahi i hala, a pela no hoi me kahi mau hale kalopa.  A ua kuuwelu ae hoi na hae like ole o ke Aupuni, na luna o na aina e a me ko na moku o ke awa nei no ka hoomanao i ko ka @ Vitoria la hanau. O ia hiohiona like no i ka La Kaupua nei, i ka hora 10 a.m. nae hoi i pau ai na keena oihana Aupuni k kapaa.

Nai @ o ku huakai o ka auwina la Poaono ae no ua hana hoohiwahiwa kaupua.

Hora 7 @ nei kakahiaka ia ku @ i ni ka mokumaha @ mai ke Komohana, @ holo loa aku @ na Kapalakiko i nei ahiahi no.

O na mokumahu @ nunui o keia pule, o ia ka Alameda i ka Poaha a me ka Belegioa i ka Poaono mai Kapalakiko mai laua a elua, o ka mua no ka Heina, a o ka hope iho no ke Komohana.

Kakahiaka Poalua iho la i holo ike aku ai o Peresidena Kole i ukaliia e W. G. Iwini ame Kouela Sopa , ia luna o ka mokukaua Naniwa.  Ua @ mai no na hoohanohano a ki pa aloha ana e na mokukaua a pau.

Ua hoolawa pono a na limahana a pau o ko makou @ me kela ipu oui a ko @ poe wahine nepunepu.  Mahalo no a nui.  A ke ulu hou ae no hoi ka hoi, hoomanao mai no.  Ua aie makou i ko oukou lokomaikai. 

He aha hulahula ka ke Komopani @ pualu i ka po @ nei maloko o ka halepaikau hao ma Haimoeipa, a ua nui au ka hoi ka @ hauoli o na poe i hele.  Oiai, ua @ mai no makou, na palaka a hiki ole.

He heihei lio @ ma na kaa ko ka auwina ia Poakolu iho iwaho o Kapiolani Paka, no ke kahi pili o $500 @ o na lio o W. H. Cunningham a me ko Tom Hollinger.  O ku wa keia no na poe pani beihei e wae ai i ka mea oi.

He ulia kaamanu ko laio o Manana, Ewa, i nei kekahiaka a palahuli ke kaamahu Lanakila mamuli o ka holo ana o na a ma na kae piha ukana mahope mana ala like ole.  Ua loaa palapu i ka wiliki a me ke paoa @, a ue okaoka hoi kahi malumalu o luna o ke kaamahu.

Alahola a le i o uka o Muolauluni i ka auwina la Poakahi i hala, i ka aha ike a ke Komisino a Kanikela Kenerala o Beritania Nui ma ka @ o kona Moi aoe.  O na ano lahui like ole no a pau @ hele aku.  Mawaho iho o ke kahua na pakaukau mea ai a mea inu, a ua hana a lawa.

Ma ko Makinane puka-aniani kihi i hoikeikeia ai i ka Poaono, la 22 nei, ka palapala hoomaikai a ko nei @ Pelekaue i ko lakou Moi, i hana maiau ia e Vigo Iakobasena.  He keu a ka nani a me ka paihi launa ole mai o ia mea i hana lima ia me ka poni a mo ka palaki no na waihoolua.  Ua hoikeikeia no ma ka aha ike a ke Kamisina Pelekane, a na hoounaia aku nei no Enelani ma ka mokumahu Aoraoi.

Lehulehu na kahunapule oiwi me na elele eia i o kakou nei, i hiki mai nei no ka halawai makahiki mau o ka Ahahui Euanelio o ka Paeaina.  I  @ hoomaka mua ai na hana haiolelo ma ka luakini o Kaumakapili, i ka pule kakahiaka, a na ka Rev. J. Kahno ka haiolelo, a i  ka po nei hoi ma ka luakini o Kawaiahao, na ka Rev. A. Palika haiolelo no na Oihana Kuloko.  He mau hoike Kula Sabatinna kekahi.  Na ka Rev. O. Nawahine ana ka haiolelo ipo La Pule ae ma ka luakini o Kaumakapili, no na Oihana Kuwaho.

He Kepani ka i @ i ka Poalua iho la @ (phrase) aku i ka oloolo wawae i okiia o kekahi Kepani e ae iuka o Kalihi, ma ka hale hana lepo hoomomona aina.  I haawiia ka iaia e lawe e kaau, lawe nae hoi oia e kalewa.  Ua kauohaia, oia e lawe e kanu a i kona hooko noa, ua @ mai oia.

 

Olelo Hoolaha.

Ua kapu ka paakai o Alia Paakai, Moanalua, aole e lalau kekahi mea, mai na Pake, kanaka, a mea e ae.  O na paakai i hoopaupunia, e waiho, aole e lawe.   J. I. Dowsett (Kimo Pelekane.)  Honolulu, Mei 21, 1897.  @ 31-2ts.

 

Ka Hui o na Keiki Oiwi.

Kuu o na Alanui Moi me Liliha.

Ua makaukau e hoolawa aku i na home o na oiwi a pau me na Lako Mea ai o na ano a pau.

Ehoakeia no na kauoha me ka eleu ke waiho ae ia S. Lui Kekumano, o ka Hale Leta Nui, a i ele, ia Chas. Wilcox, Kakauolela o ka Papa Ola.  Ua hiki no ke laweia a kauhale me ka lilo ole ma ko makou kaa hali ponoi.

O na kauoha mai na Mokupuni mai, e hookoia aku no me ka eleu a hakalia ole.

Kuike ka rula.  J. N. K. Keola, Luna Hoohana my. 31-2ts.

 

WAIWAI HOU! WAIWAI HOU!  WAIWAI HOU!

 

I Hookomo Kaokoa ia mai no na La Kulaia Nui e Malamaia ana ma ka

La Kamehameha, Iune 11,

Iubile Daimana o ka Moi Vitoria a me ka La Poa Kiulai.

 

O NA

Lole Oi Loa o ka Maikai

I LAWEIA MAI.

 

Mai Kela Puakahi aku a pau no i ka Poaono ae.

E haawi pau aku ana makou i ka Lehulehu i kekahi Mahele Nui o kekahi Waiwai Poho i Kuaiia no ke Dala Kuike ma Nu Ioka ma kahi o hookahi-hapakolu iho ka Emi no ke Dala Hookahi.

 

Ua hoailonaia iho nei ua mau Waiwai la a ua Makaukau no ko ka Lehulehu Hele mai e Wae i nei Kakahiaka.

 

He 15 keneta no ka Ia Makaleua, a he 30 i a Kinamu no $1.00 a Makou e Kuai aku ai, a pela like iho no hoi e emi like ai na ano waiwai e ae.

 

He i a Heokahi ma na Kumukuai Kukaa.

 

Emi a Emi Loa na Kumukuai, Aohe Lua i Ikeia Maanei Mamua.

 

He mea hoihoi mau ka hoikeike ana, a i makemake ole ia iho no, waiho iho.  Aohe namunamu ana ke hooluhiia.

 

L. B. KEER

Alanui Moiwahine, Honolulu.

 

He 13 Apana Aina Kuai

Ma Kawananakoa, Nuuanu, e kokoke ana i ko Kakina ma home.  He 50 kapuai a oi ka laula me 100 kapuai a @ ka loa o ka apana hookahi.  He oluolu loa ke kumukuai o keia mau apana aina nani, aia iwaena o ka olu wehi o na kuahiwi o Nuuanu.  @ 15 kapuai ka laula o ke alanui, e hui ana me ke alanui o Nuuanu.   E. hookomoia mai ana ka wai kaulana o Luakaha mana paipu hao. 

E ninau i na mea i koe ma ke keena o R. W. Wilikoki me Sobrero, ma alanui Konia, Helu 7-1/2.  y 31-@

 

Hoolaha a ka Lunahooponopono Waiwai.

Ua koho pono ia ka mea nona ka inoa malalo iho i Lunahooponopono Waiwai no ka waiwai o Hana Ku Kona (w) o Honolulu, Oahu, i make.

Ma keia ke hoikeia aku nei ka lohe i na mea a pau he mau koi ka lakou ma ka Moraki a palapala a ae paha, e hoike koke mai i ka mea nona ka inoa malalo iho nei iloko o eono malama mai keia la aku, a i ole, e hoole loa ia mahope o ia manawa.  A o na poe a pau he mau aie ko lakou i ka mea i make, e awiwi lakou i ka hookaa koke mai oia ke keena o S. K. Kane, ma ke kihi o na alanui Moi me Betela, ma ka hale maluna.  S. K. KA-NE.

 

Luna @ Waiwai o ka waiwai o Hana Kukoaa (w,) i make.  My 31—5

 

Hoolaha Manao Hooko a Kuai a ka Mea Paa Moraki.

Mamuli o ka mauakuai i hoikeia ma kekahi Moraki i hanaia e H. Kauai-Hilo a @, kana wahine, o Kapaka, Koolauloa, Mokupuni o Oahu, ia Isaac Testa, ma ka la 20 o Augate, M. H. 1889, i kopeia ma ke Keena o ka Luna Kakau Kope ma Honolulu, Oahu, iloko o ka Buke 119, ma na aoao 76, 77 a me 78.

Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uhakiia o ke kumu aelike, oia hoi, ka uku ole ia o ke kumupaa a me ka ukupanee i ka wa e kupono ai no ka hookaa aua, a mamuli hoi o ia hooko ana e kuai aku ai ma ke kuai kudala akea ma na Keena Kudala o W. S. Luce, Luna Kudala, ma ka POAKAHI, LA 17 o MEI, 1897, MA KA HORA 12 AWAKEA.

O na wahi i hoakakaia ma ka Moraki i oleloia, ua hoikeia malalo iho.  ISAAC TESTA, Mea Paa Moraki,

Kumu:  Kuike, ma ke dala gula o Amerika Huipuia.  I ka mea kuai mai ua lilo palapala. 

No na mea e ae i koe, e ninau ia a. Rosa, Loio, Alanui Kaahumanu, Honolulu.  Honolulu, Aperila 10, 1897.

 

Eia iho na wahi e hooliloia aku ana:  Akahi – O kela mau apana aina a pau loa e waiho la ma Punaluu, Koolauloa, Mokupuni o Oahu i oleloia, a i hoakakaia maloko o ka Palapala Sila Nui 1294, Kuleana 4364, no Kekaumiumi – Ili 1.50 Eka. 

Alua-O ke kuleana a pau loa i mahele ole ia o ka Mea Hana Moraki i oleloia iloko o ke Ahupuaa o Puhee miki, @ Koolauloa i oleloia, i hoakakaia maloko o ka Palapala Sila Nui (Aina Aupuni) 3053 no Kaaimanu a me kahi poe e ae-Ili 45-38-100 Eka.  O kahi i oleloia, o ia no hoi kahi i hooliloia i ka Mea Hana Moraki e J. N. Kaouli ma ka Palapala Kuaii hanaia ma keia ia like me ka Palapala Moraki a kopeia ma ke Keena Kakau Kope ma Honolulu i @, iloko o ka Buke-, mana aoao -. 

Akolu-O ka aina a pau loa i hoakakaia maloko o ka Palapala Sila Nui 3012, Kuleana 4331, no Kamano, nona hoi ka ili o 1.40 Eka, e waiho lama Kapaka i oleloia, o ia no hoi kahi i hooliloia mai e S. Waiwaiole i ka Mes. Hana Moraki.

Aha-O na aiua a pau i hoakakaia iloko o ka Apana 2 o ka Palapala Sila Nui 2909, Kuleana 1055, no Kaukaliu, a hooliloia i ka Mea Hana Moraki e Keaka, kaikaina a hooilina hookahi ma ke kanawai e ola ana o Kaukaliu i oleloia, e waiho la ma Kapaka i oleloia.  Apr. 12-5ts

Ua hoopaueeia ke kuai maluna ae a ke awakea o ka Poakahi, Mei 17, 1897.

Ua hoopanee hou ia ke kuai maluna ae a ke awakea o ka Poakahi, Mei 21, 1897.