Ka Nonanona, Volume I, Number 2, 20 July 1841 — KA RALE EULA ALII. [ARTICLE+ILLUSTRATION]

KA HALE KULA ALII.

O ka halekula keia no na keiki a naʻlii, ma Honolulu, Oahu, mauka ae o ka hale pohaku o Kekauluohi. Ua kukuluia keia hale kula e naʻlii i ka makahi o ko kakou Haku 1839. Na lakou no ka uku, aole na na misionari. L@ tausani dala paha ka uku, a ua make pono no keia uku i keia hale maikai. Na naʻlii ka uku a na ke kumu no ka hoolimalima ana i na haole, a me na kanaka maoli nana i hana. Aia, ma-

luna iho ke ano o keia hale." Ua like` ka loa, me ka laula. O ka loa he 76 kapuai ia; a pela no ka laula. Ua kukuluia, keia hale i na lepo kawili, a he umi kapuai paha ke kiekie o na paia, a elua kapuni ka manoanoa. O na paku he lepo no ia, a hookahi kapuai ka manoanoanoa. O ke pili hale kula, he pili maoli no ia. E nana aku i ke kii maluna, i akaka ka puka nui e komo ai, na puka komo e ae, a me na puka ani-

nui; i akaka no hoi na rumi no na kumu a me na haumana. He wahi akea maena o kahaleʻ aono anana kona loa, a pela no hoi kona laula; a he pauma wai iloko o laila. Ma ia wahi, ulu no ka maniaoia, nolaila, he wahi oluolu no ia e paani ai, a e noho ai no hoi. He wahi lanai uuku a he papa-pohaku a puni keia wahie akea, kahi e holo ai i ka manawa ua, a i ka manawa e welaʻi ka la. Ua hamoia ka hale mawaho a puni i ka poho. Aole maikai loa ka poho; he mea helelei wale ia, a pau koke no kona maikai. Ua hamoia ka hale maloko i ka puna, a ua maikai no ia, he mea paa keia; aole hiki i na keiki ke hoohelelei koke i ka puna. Ua hamoia na rumi a pau a puni a maluna no hoi, a he papa maikai malalo. Ua maikai keia hale no ka hana a makou e hana nei. Nui paha ka poe i lohe i keia halekula, aole i ike maka lakou. Nolaila, manao na kumu e hoike aku i ke ano o ka hale maloko o keia pepa, a me na mea i hanaiaʻi maloko o keia hale kula, maloko o na pepa mahope aku. Naʻu na KUKE.

@