Ka Nonanona, Volume I, Number 3, 3 August 1841 — Page 3

Page PDF (247.74 KB)
1841.] KA NONANONA. 3
Ehia mea nana e uwao imua o ke Akua?
Hookahi mea nana e uwao.
Owai ia? O Iesu Kristo.
Pela ka ke Akua, aole anei?
'E nana i ke Keikihipa a ke Akua,' aole ia Maria. Aole i hooliloia o Maria i mea nana e uwao ia kakou; aole loa: O Kristo wale no. Na ka poe hookiekie wale no i malama a i hoolaha hoi ka pule ia Maria.
Eia no kekahi pule ia Maria: — E ka Puupaa pomaikai loa! e ka mea o ka poe hoike i oi aku kou eha, o ka mea nae e hooluolu ana i ka poe popilikia: ma kela hauoli pau ole i ka oleloia, e haehae ana i kou uhane, no ka loaa ana ia oe, o kau keiki aloha iloko o ka luakini, iwaena o na kumu, e paio ana me lakou, ma ona la no e loaa ia oe no makou, e Iike me ko makou imi ana ia ia iloko o ka ekalesia hemolele akea, pela no aole e hookaawaleia ai mai ona aku la. Amene.
Eia no hoi kekahi pule ia Maria Ua kapaia,
'The Salve Regina,'oia hoi, o ka 'E Maria.'
E, auhea oe! o ka Moi hemolele, ka makuwahine o ke aloha, o ko makou ola, ko makou mea ono, a me ko makou manaolana; ia oe no makou e kahea nei, o makou ka Ewa mau keiki hune i hookukeia: Ia oe no makou i hoopii aku nei i ko makou kaniuhu ana, a me ko makou u ana, a me ko makou uwe ana, ma keia awawa waimaka. Nolaila, e ka mea uwao lokomaikai loa, e maliu mai kou mau maka aloha ia makou nei, a ma keia hope aku, a pau ko makou noho malihini ana, e hoike mai oe ia makou i ka hua pomaikai o kou opu, o Iesu: E ke akahai, E ka haipule, E Maria ka puupaa ono.
Ka pule ponoi keia a ka poe pope. Aole anei keia he mea kupanaha loa? l ko'u manao he mea weliweli ka hoomaewaewa i ko Akua me keia. Ua hapaiia o Maria ma keia pule me ke Akua maoli, aia no ia Maria ke aloha, a me ke ola; o Maria ka mea ono, a me ka manaolana o ka poe pope. Ia Maria lakou o hai aku ai i ko lakou pilikia, a me ko lakou kaumaha. Aloha ino lakou! Auwe ka poe hilinai i ke kanaka. Ier. 17: 5, 7. "E poino ana ke kanaka i hilinai i ke kanaka, a manao iho la i ka io i ikaika nana, a haalele kona naau ia Iehova."
"Pomaikai ke kanaka i hilinai aku ia Iehova, a o Iehova hoi kona mea e ma-naolana'i."
Ma keia hoiko ana i ka hewa o ka pule ia Maria, aole o'u manao e hoino aku i na kanaka ma ko ka Pope aoao. Aole loa; minamina au i ko lakou uhane, a me na uhane o na kanaka a puu, i ko lakou paulele ana i ke kanaka make, mana ole, hiki ole ke kokua mai. He wahine manaoio no o Maria, a he nui kona pomaikai; aka, aole loa he pono ke pule aku ia ia. He mea ia e huhu mai ai ke Akua. Lim.