Ka Nonanona, Volume I, Number 3, 3 August 1841 — The SALVE REGINA. [ARTICLE]

The SALVE REGINA.

Eia no kekahi pule ia Maria:E ka Puupaa pomaikai loa! e ka mea o ka poe hoke i oi aku kou eha, o ka mea nae e hooluolu ana i ka poe popilikia: ma kela hauoli pau ole i ka oleloia, e haehae ana i kou uhane, no, ka loaa ana ia oe, o kau keiki aloha iloko o ka luakini, iwaena o na kumu, e paio ana me lakou, ma ona la no e loaa ia oe no makou, e like me ko makou imi ana ia ia iloko o ka ekalesia hemolele akea, pela no aole e hookaawaleia ai mai ona aku la. Amene. Eia no hoi kekahi pule ia Maria Ua kapaia, 'The Salve Regina, oia hoi, o ka E Maria.' E, auhea oe! e ka Moi hemolele, ka makuawahine o ke aloha, o ko makou ola, ko makou mea ono, a me ko makou manaolana; ia oe no makou e kahea nei o makou ka Ewa mau keiki hune i hookukeia: Ia oe no makou i hoopi@ aku nei i ko makou kaniuhu ana, a me ko makou u ana, a me ko makou uwe ana, ma keia awawa waimaka. Nolaila, e ka mea uwao lokomaikai loa, e maliu mai kou mau maka aloha ia makou nei a ma keia hope aku, a pau ko makou noho malihini ana, e hoike mai oe ia makou i ka hua pomaikai o kou opu, o Iesu: E ke akahai, E ka haipule, E Maria ka puupaa ono.

Hail! holy Queen, mother of mercy, our life, our sweetness, and our hope: To thee do we cry, poor banished Sons of Eve: To thee do we send up our sighs, mournings and weepings, in this valley of tears. Turn, then, most gracious advocate, thine eyes of mercy towards us, and after this, our exile ended, shew unto us the blessed fruits of thy womg. Jesus: O element, O pious, O sweet Virgin Mary. 1h.

Ka pule ponoi pope. Aole anei keia he mea kupanaha loa? I ko'u manao he mea weliweli ka hoomaewaewa i ke Akua me keia. Ua hapaiia o Maria ma keia pule me ke Akua maoli, aia no ia Maria ke aloha, a me ke ola; o Maria ka mea ono, a me ka manaolana o ka poe pope. Ia Maria lakou e hai aku ai i ko lakou pilikia, a me ko lakou kaumaha. Aloha ino lakou! Auwe ka poe hilinai i ke kanaka. Ier. 17:5,7. "E poino ana ke kanaka i hilinai i ke kanaka, a manao iho la i ka io i ikaika nana, a haalele kona naau ia Iehova." "Pomaikai ke kanaka i hilinai aku ia Iehova, a o Iehova hoi kona mea e manaolana'i." Ma keia hoike ana i ka hewa o ka pule ia Maria, aole o'u manao e hoino aku i na kanaka ma ko ka Pope aoao. Aole loa; minamina au i ko lakou uhane, a me na uhane o na kanaka a pau, i ko lakou paulele ana i ke kanaka make, mana ole, hiki ole ke kokua mai. He wahine manaoio no o Maria, a he nui kona pomaikai; aka, aole loa he pono ke pule aku ia ia. He mea ia e huhu mai ai ke Akua. Lim.

Eia hoi kekahi olelo a Bihopa no ka pule ia Maria. 'MAKUAWAHINE O KE AKUA.' Owai la ia? Ke pule mai nei na haumana Pope, 'Santa Mariamakuawahine o ke Akua'!! O Maria ka! ka Makuawahine o ke Akua! "Oia ka Makuawahine o Iesu, a o Iesu ke Akua. Nolaila, oia ka Makuawahine o ke Akua." Wahahee!! O ko Iesu kino kanaka, ua hanau ia na Maria mai. Aka, o ko Iesu, Akua ana, aole ia he mea hanau. Ina o Maria ka makuawahine o ko Iesu Akua ana, alaila, o Iehova kana kane, a ua moe wahine ka Makua nona ka lani a me ka honua, e like me ka ke kanaka hana ana. Alaila hoi o Maria ke lii wahine o ka lani, e like me ka lakou kapa ana ia ia ma kekahi pule. alaila hoi, elua ana kane; O ka Makua, a o Iosepa. Ke weliweli nei au i keia manao o ka Pope. Bp. A heluhelu oukou i keia pule, e ka poe noonoo, pehea la ko oukou manao i ka ka Pope? Aole no he makuawahine o ke Akua; aole ma ka lani, aole ma ka honua nei, aole ma ka po ilalo;-aole loa. He mau inoa wahahee wale no neia, i kapaia'i o Maria. "Ke lii wahine o na anela." No hea mai neia? No ka ke Akua olelo anei? Aole loa. "E pule oe no makou." I ka manawa i pule aku ai o Maria ia Iesu ma ka honua nei, Ioane 2:3,4, i aku la Iesu ia ia, "E ka wahine, heaha ia mea ia kaua?" Pono anei ke olelo aku pela i ke lii wahine o na anela? He wahine maoli o ka honua, e noho alii ana maluna o na anela!! Na ka Pope wale no ia manao. "E ka wahine," oia iho no ka Iesu i kapa ai ia ia. Aole i komo iki ka inoa alii.

"Ke kokua o na Keristiano." Ka inoa o Iesu ia; aole ka, he wahahee ka Paulo, a he oiaio ka ka pope! "Ka Hoku loa." Hoikeana 22:16. "Owau no ka hoku loa malamalamama." Ma ka palapala a ke Akua, o Iesu ka hoku loa malamalama. Ma ka olelo a ka Pope, o Maria no ua hoku la, aole o Iesu. Aka, e olelo mai paha lakou, "o Iesu no hoi kekahi." E nana hoi kakou, elua no anei na hoku loa? Hookahi no hoku, "Owau no ka Hoku loa malamalama," o Iesu wale no, aohe lua. Mahope paha e noonoo kakou i na inoa e ae i kapaia'i o Maria, I kuu manao, he mau inoa hoomana lakou e hoomana ai ia ia. A no ke aha la lakou e hoole nei, aole hoomana ka lakou pule ia ia? Bp.