Ka Nonanona, Volume I, Number 4, 17 August 1841 — Page 16

16 KA NONANONA. [AUGATE,

 

ka hana kela mea keia mea i ka manawa oluolu oia, a ikaika iloko. Ke ike nei kakou a pau, ina pololi loa ke kanaka, a nawaliwali iloko, aole ikaika kona mau wawae a i kona mau lima, i ka hele a i ka hana. Ua olelo mai ka lunaolelo ia kakou penei, 1 Kor. 12. 26. 'A ina poino kekahi lala, ua poino pu no na lala a pau, a ina i hoomaikaiia kekahi lala, ua olioli pu na lala a pau.' He oiaio no keia olelo. A pela no ma ka ikaika. Ina mahuahua ka ikaika o ka ili, oia kekahi mea e ikaika ai ka opu, a me na mea a pau iloko: a ina nui ka ikaika o keia mea iloko, ikaika no hoi na lala mawaho.
                3. Aka ea, aole pono e auau me ka noonoo ole, o loohia mai paha i ka ino i kekahi manawa. Ke ike nei oukou, ina hooikaika kekahi kanaka, mai kakahiaka nui a hiki loa i ke ahiahi, me ka hoomaha ole, a me ka ai ole, alaila pau ke aho ona, a opili, a luhi loa kona kino. Ina auau oia i keia manawa, hiki koke mai ka li, a me ke anu, a me ka mai maoli iloko. Nolaila, e hoomanao oukou i keia olelo a'u, i ka manawa luhi, a hoohemowale iho ke kino, mai auau, mai komo oukou iloko o ka wai ia manawa, o hiki mai ka mai maoli, a me ka make paha ia oukou. I ka wa ikaika ke kino, aole luhi, aole pau ke aho, oia ka manawa pono e auau ai.
                Eia no hoi keia. Aole loa pono ia kakou ke ai a piha ka opu, alaila komo koke iloko o ka wai, e auau ai. Ina kokoke hiki mai ka manawa pono e ai, eia ka pono, e auau e mamua, a pau ia, alaila paina.
                Eia hoi kahi. Ina he mai maoli ko kekahi, aole pono e auau ia manawa.
                Eia kahi. Ina pau ka eha a me ka mai, a koe ka nawaliwali, pono e waiho ka auau ana a mahuahua ka ikaika, alaila auau.
                Eia no hoi keia no na wahine. Aole pono ia lakou ke auau i ka wa o ka mai wahine.
                Eia kekahi. Aole pono e auau i ka wa a lakou e hanau keiki. Ia manawa, eia no ka pono no lakou, e noho malie kekahi mau pule, ekolu, eha paha, alaila ina ikaika ke kino, e auau no. Aka, ina nawaliwali ke kino a eha pahra iloko, e hoomanawanui me ka auau ole. Eia ko'u mau manao aloha ia oukou. Na LAFONA.

NO KA HOOMAEMAE ANA.

                Auhea oukou, e na kamalii a me na haumana?

                Eia no kekahi manao ia oukou.

                E hoomaemae i ko oukou mau kino, i mea e oluolu ai na makua a me na kumu a me na makamaka a pau.

                I kakahiaka, e holoi i ka maka, a me na lima; a lepo hou, e holoi hou aku no.

                E kahi i kou lauoho. Mai hele i ke kula me ka lauoho hihia, waiho wale, e like me na keiki kuaaina.

                E koli i na maiao loihi.

                E paa ka ai o ke kapa i ke pihi; i ole ia, e pine. A i lepo kou kapa e holoi aku no.

 

MA RE.

                Au g. 7. Ua mareia ma Honolulu nei, Peter Hatch laua o Charlotte Colcord, ke kaikuwahine o Iaka. Na Mi. Dola ka olelo mare.

 

KE KU U KANAWAI A ME NA KANAwai o ko Hawaii Pae Aina.

                Ua paa na Kanawai hou o na 'lii i ka paiia a me ka humuia. Ke kuaiia nei, ekolu hapawalu ke kumu.

 

KA HELUNAAU.

                Ua paa no hoi kekahi apana o ka helunaau, a ua makaukau e hoolahaia. Hookahi hapawalu ke kumu kuai o keia.

 

                E paia ana ka Nonanona, ma ka hale paipalapala o na Misionari Amerika, ma Honolulu. Elua pepa i ka malama hookahi, oia hoi 24 i ka makahiki hookahi; o Tusede ka la e hoolaha ai.

                Eia ke kuai ana, hookahi makahiki, hookahi hapawalu, ke uku koke ia mai, iloko o na malama 3, mai keia la aku; ina mahope aku o na malama 9 ka uku ana, ekolu hapaumi ka uku.

 

Na LIMAIKAIKA, e hoopuka'ku.