Ka Nonanona, Volume I, Number 5, 31 August 1841 — Untitled [ARTICLE]

Eia @ malalo iho ke kanawai hou, no ka hooponopono ana i ke kuai rama. Malu iki paha Honolulu nei, a me na wahi e ae i keia kanawai. Ina no nae i haawi nui ia ka palapala kuai rama i na haole he lehulehu, aole malu. Malaila paha ka hewa, e haunaele ai. Ina he hapa lou ka poe i haawiia ka palapala kuai, e aho ia. Eia kekahi mea e nawaliwali ai, keia kanawai, o ka inu ana o na kanaka nui o Hawaii nei. O ka poe noho ma kahi kiekie, a komo iloko o ka ahaolelo alii, aole pau ko lakou inu ana i keia wai o ka diabolo. Nolaila aole pono loa. E, auhea oukou, e ka poe nana i imi i keia kanawai no ka rama, a e kau iho, iau rama anei oukou? 'Papa anei oe ia hai mai aihue, a aihue anei oe? E like me ko oukou ike ana he pono maoli no hai, pela no oukou e hana'i. KANAWAI NO KA HOOPONOPONO ANA I KE KUAI RAMA No ka mea na ike makou i ka lau rama, a me na ano, ona a pau he mea hewa nui ia i ko makou aina nei, nolaila ua inu makou me ko'u mau alii i mea e pio ai 1. Ke papa aku nei makou i na mea a pau mai kuai iki i ka rama, mai kuai malu, mai kuai ma ke akea ke loaa ole ka palapap la kuai rama. O ka mea i loaa maopopo e kuai ana a e hana ana me ke ku e i keia kanawai, eia kona uku he kanalima dala, a ina e kuai hou he haneri dala ka uku, pela e pakanalimaia'i ka uku hooi ana a hiki i ka aui loa o ka hana hewa ana ma keia ka-nawai.

2. Ina paha i kuai rama kekahi ma ka barela a ma ka pahu nui aku, he haole paha, he kanaka maoli paha, aole ia e pili i keia kanawai, aka, i kuai kekahi ma ka mea uuku iho ua pili no. 3. Ina i loaa i kekahi hale ka palapala kuai rama, e hiki no ia ia ke kuai nui ke kiaha wale no, aole ma na mea nui ae, a e paniia na puka o na hale la ma ka hora umi o ka po, a e pau ka poe kipa mai, i ka hele aku mai laila aku a ao ka po. A o ka la Sabati aole e weheia na hale la mai ka hora umi o ka po o ka la Satade a i ke kakahiaka o ka la Monede. 4. Ke papa aku nei makou i ka ona ana ma na hale kuai rama la. Ina paha e inu kekahi, he haole paha he kanaka maoli paha, a ona no ua hale la, na ka mea nona ua hale la i ona ai, oia e uku, penei. He umi dala no ka hana hewa mua ana, elua umi no ka lua o ka hewa, a pela e paumiia'i ka uku hooi a hiki i ka nui loa o ka hana hewa ana. 5. E kiai pono na luna i hoonohoia ma ka oihana a e nana lakou i ka hana ana maloko o ua mau hale la me ka noho malie no a me ka oluolu, ma ke akea kekahi ia lakou. 6. Ina o ka hale i haawiia ka palapala kuai rama a i hana ku e i keia mau kanawai, a maopopo ia hewa, alaila e laweia ka palapala kuai rama mai ona aku, aole e haawi hou ia ia. KAMEHAMEHA III. Lahaina, Maraki 20, 1838.