Ka Nonanona, Volume I, Number 5, 31 August 1841 — HE NINAU. [ARTICLE]

HE NINAU.

Aloha oe e ka Nonanona. He malihini au, he kanaka no ka aina e, he haole; nolaila maopopo ole ke ano o na hana a pau ma Hawaii nei. Eia kekahi mea a'u i ike ai me ka maopopo ole. I kuu hele ana ae maloko o ka pahaae o kekahi kanaka, ike aku la au i ke @i e a ana, he ahi k@humu; ku iho la au ma ua ahi la a puka mai la ua kanaka nei, me ka manu palehu ma kona lima, ua pau loa na hulu i ka uhukiia, aohe koe, ua pau loa a maemae no ke kalua ana. Nana aku la au, e ola ana ka ka manu. Ninau aku wau ia ia, E kalua ana ka hoi oe i ka manu me ka pepehi ole mamua? Kainoa e pepehio

a make alaila huki i na hulu! Lalau koke aku la au i ka manu; wili ae la i kona poo a make, haawi aku i ua kanaka la, a ninau malie au ia ia, no keaha oe e hana ino i ka manu a hana eha wale aku ia ia? I mai la ua kanaka la ia'u no ka pahi ole. Aka, i ko'u manao aole no ka pahi ole, no ka mea, i kona puka ana mai noloko mai o ka hale, o kona kii ana no ia i ka pahe e kaha'i i ka opu a hemo na naau. Oia ke kumu o ko'u ninau. Eia ka ninau. No keaha la e huki ai i ka hulu o ka manu kalua me ka pepehi ole ia mamua? Honolulu, Aug. 1841. Na'u na? Ua loaa ia'u keia ninau; ua like ua kanaka nei me kana palahu; he mau holoholona no laua elua. Nonanona.