| | Hoole mai o Makale, aole: aole au
olelo aku na moe kolohe oe no kou ma-
re ana i ka wahine.
l mai la hoi ia ia'u penei; ina e huli
au ma ko ka pope aoao, a lilo au i ka-
huna pule malaila, ina aole pono ia'u
ke mare i ka wahine.
Kahaha koke no au ia ia, a noonoo
koke hoi au i ka olelo a ke Akua ma
Timoteo mua, 4: 1 — 3. "Ke olelo paka
mai nei ka Uhane, a i ka manawa ma-
hope, e haalele kekahi poe i ka manao-
io, e malama ana i na uhane hoopuni-
puni, a me ke ao ana a na daimonio; e
wahahee ana me ka hookamani, a e
hoaaia ko lakou naau, (me ka hao we-
la;) E papa ana i ka mare, a me kekahi
mai mea ai. Owai anei ka poe e papa
ana i ka mare? O ka Pope, a me kona
mau Bihopa, a me kona mau kahuna
pule a pau. Mahalo mai ke Akua i ka
mare no na mea a pau; no na kanaka
a pau, a me na kahuna pule a pau. Ao-
le pela ka Pope; oia ka mea e hookapu
ana i ka mare no na kahuna pule. No-
laila, owai ka mea ma ko Iehova aoao?
A owai hoi ma ko ka Pope aoao? V. NO KA HOOMAKA ANA O KA POE FARANI l
KA LAKOU HANA MA OAHU NEI I KA MAKAA KA-
HI K t IKU). Ua hoounaia mai o Ioane Bapetite e
hoopololei i ke alanui no Iehova. Hea-
ha kona ano? Ua hele mai anei oia me
ke aloha i na kanaka? Me ka enemi
paha? Ua piha anei o loane i ka Uha-
ne Hemolele? A ua piha paha oia i ka
uhane o ka barani a me ka waina? Eia
ka wanana ana no Ioane Bapetite. " E
nui auanei oia inuia o ka Haku, aole ia
e inu i ka waina, aole hoi i ka mea
awaawa, e piha no hoi ia i ka Uhane
Hemolele."
Pehea kona hele ana mai? Eia. "Me
ka manao a me ka mana o Elia, e hoo-
huli i ka naau o na makua i ka lakou
mau keiki, a mamuli o ka naauao o ka
poe pono o hooponopono ai i ka poe lohe
ole, i kanaka makaukau no ka Haku."
Luka 1 : 15, 17.
Pehea la ia i hoomaka ai i kana ha-
na? Me ka pu anei a me ka pahi kana?
Aole, aole loa. No ka mea, ina aole
ia i hele mai 'me ka Uhane o Kristo,
aole nona ia." Hele mai ia o Ioane | Bapetite o no ana i ka poe Iudaio pe-
neia; "E mihi oukou, no ka mea, ua
kokoke mai nei ke aupuni o ka lani."
Pehea? Pela anei ka hele ana mai
ma Oahu nei o ko Farani poe i ka ma-
kahiki 1839? Ua hele mai anei lakou
me ke aloha i ke Alii, a me na kanaka?
Ua hooluolu anei lakou i ke Alii me ke-
kahi makana? He momi maikai paha?
Me mau tausani dala paha? He mau
tausani goula paha? A ua hele mai
anei ko Farani poe me ka enemi? Me
ka moku manawa paha? Me na pu a
me ka pauda, a me na pahi kaua? Ua
hehi mai anei lakou i kekahi mau ka-
nawai o keia pae aina? A ua kaili wale
aku paha lakou i na dala o ke Alii, he
iwakalua tausani ? Pehea hoi ka hele ana mai o na kahu-
na Pope? (o Makale ma?') Ua like anei
ko lakou ano me loane Bapetite? Aole
anei lakou inu i ka rama, a me ka ba-
rani, a me ka waina, a me na mea
awaawa? Ua piha anei keia mau kahu-
na Pope i ka Uhane Hemolele? Ke ao
aku nei anei lakou i na kanaka e mihi
i ko lakou hewa, a e haalele i na mea
ano ino a pau? Pehea ka noho ana o keia mau kahu-
na Pope ma Hawaii nei? ^'e ka oluolu
anei, a me ka haahaa? Me ka hookie-
kie paha, a me ka mokuahana, a me ka
hooke mai i ka na'lii? Auhea oukou e na'lii, a me na kami-
ka a pau ma Hawaii nei? Eia ko'u ma-
nao aloha ia oukou. E malama ia ou-
kou ho i keia mau kahuna Pope i
hele mai io oukou nei me ka aahu hipa.
"Ma ko lakou hua e ike aku ai oukou
ia lakou." VI. EIA KA MEA I KOE: KA HOOHULI ANA MAI O MAKALE MA IA'U MA KA AOAO O KA POPE.
Aole au i ae aku e huli ma ko ka Po-
pe aoao; aole loa. No ka mea, aole ku
pono kela aoao me ko Iehova aoao.
Aka, aole wahi kaawale ma keia pepa
e pai i na manao i koe. Aia i kekahi
Nonanona E, paha, ma keia pepa aku,
malaila e pai i ke koena. "E na keiki aloha, e malama pono oukou
ia oukou iho i na akua e." Ioane 1. 5: 21. NA LIMAIKAIKA, e hoopuka'ku. | |