Ka Nonanona, Volume I, Number 6, 14 September 1841 Edition 02 — Untitled [ARTICLE]

Lahaina, Sepatemaba 1, 1841. E Nonanona e, Aloha nui oe, me ka mahalo, e ka malihini hou. Ua ike au i kou la i hiki mai ai. I ka la 6 o Iulai, ma Honolulu i Oahu; ua ike au i kou ano, he ano maikai loa, he mea paipai mai i na mea a pau e moe ana iloko o ka naaupo, i ko'u ike ana ia oe, hu mai la ko;u manao aloha nui ia Lama Hawaii, a me Kumu Hawaii, na malihini i hiki mua mai, me ka hoakaka pono mai i na mea kaulana o kela aina keia aina a me ka ike i na mea hou o na wahi a pau loa, he nui ka laua mau hana pono, aole nae makou i kokua nui ia laua, i na mea e pono ai, a no ko makou hana ino i kela mau malihini make laua. A eia hoi oe, ke pani mai nei i ko laua

hakahaka. Ua ae au e kokua aku ia oe e like me kau kokua i hai mai nei. Eia nae kuu hemahema, aole oe i loaa ia'u, he ike ko;u na hai, ua makemake au e loaa oe ia'u mai ka mua mai a hiki i kahi au e kau ai i ko'u aloha ia oe e ka malihini. i ko'u aloha ia oe e ka malihini. Aloha oukou e na mea a pau loa i ike i ka malihini hou ia Nonanoa. Eia kuu manao paa loa, mai hana ino kakou ia ia, e pono ia kakou e kokua, no ka mea, he paahana maikai oia. Pela ka olelo a kakou i lohe ai, "he pono ke ukuia ka paahana e loaa ka ainana." Auhea oukou, mai pepehi hou kakou i keia makamaka, e like me kela mau makamaka a kakou i pepehi ai. Aloha oukou e na mea a pau i ike i ka olelo a Nonanona, e kokua ia ia, e hoopau i ko oukou pepehi malihini nei. Aloha oe, e Nonanona, a mahope aku hai aku au i ko'u aloha hou ia oe. Na'u na IONA KAPENA.