Ka Nonanona, Volume I, Number 6, 14 September 1841 Edition 02 — HE NINAU. [ARTICLE]

HE NINAU.

He haole ma Oahu nei; aole ona inu ki, aole hoi inu kope, o ka wai wale no kona mea inu, aole hoi ono ua haole nei i ka wai

i waiho liuliu ia iloko o ka bakeke a iloko o ka huiwai paha. Aole wai kokoke loa i kona hale; mai kona hale aku a hiki i ka punawai maikai, he 150 anana paha. Makemake keia haole e kii aku i wahi wai inu nana i na la Sabati a pau, aka, ua keakeaia oia e na makai. Papa ikaika na makai. Nolaila, eia kuu ninau ia oukou e ka poe naauao, hewa anei keia haole ke kii aku oia i bakeke wai i ka la Sabati? Pehea ke kanawai o na'lii? Pehea hoi ke kanawai o ke Akua?