Ka Nonanona, Volume I, Number 11, 23 November 1841 — Page 44

44      KA NONANONA.      [NOVEMABA,

hope o kona mai ana. A i ka wa i hiki io mai ka make, aole ona makau, no ka mea, o Iesu pu i kokoke mai me ia i kela hora pilikia, a ua ko ia ia ka olelo a Davida ma, "Ina e hele au ma ka awawa malu o ka make, aole au e makau i ka poino; no ka mea, o oe pu kekahi me au." "Pomaikai ka poe make i make ai maloko o ka Haku i neia hope aku, wahi a ka uhane, no ka mea, ke hoomaha nei lakou i ka lakou mau hana a ke hahai nei ka lakou mau hana ia lakou." HIKIKOKE.

KA HALE KULA NO NA MISIONARI, AIA MA KA PUNAHOU.
[ke kahakii o ke kula o Punahou]

                Ma na hua helu e akaka ai na keena, 1, he waihona palapala; 2, 3, 4, 5, no na kumu; 6, keena kuke; 7, 8, 9, 10, no na haumana; 11, 12, no Mi. Mika, ka wahine kokua; 13, 14, 15, 16, 17, no na haumana; 18, keena ahaaina; 19, keena kula; 20, keena hookipa; 21, 22, 23, 24, 25, no na haumana. A, E, he mau wahi akea; e paani ai.
                Aole paa wawe keia hale i keia manawa, e like me na kaha eleele, pela e hanaia nei, a ua waiho wale ia na wahi i paa i na kiko, e hanaia mahope. O na keena liilii loa he mau keena mehameha ia.

MAKE

                I ka po akahi iho nei, i ka la 15 o keia malaina make ka makahiapo o Mi. Loke ma Waialua. Hele pu ua keiki nei me kona makuakane i ka mahiai, i kakahiaka o ia la, a liuliu iki ma kahi o ka hana, i aku ke i keiki, "e hoi au i ka hale,' pane mai la kona makuakane, 'ae, o hoi aku oe.' O ka hoi no ia a hiki i kupa muliwai, haule iho la ke keiki iloko, a make loa. Hoi mai la o Mi. Loke i ka hale, a ninau ia Loke wahine, 'auhea la o Hanere?' I mai kela, 'auhea la, aole hoi mai nei; kainoa ua hele no me oe!" O ka pihoihoi no ia, a holo koke na kanaka e huli iloko o ka muliwai, a loaa ino la. Eono hora o kona moe ana iloko o ka wai.

NO NA MOKU.

                Eia ke ku hou mai nei ka ulu moku imi aina no Amerikahuipu ia: Eha moku, o ka Winisani, ka Oregona, ka Naia, a me ka Malolo. Ua make io no ka pikaka ma Kolumebia. Kokoke holo hou aku keia ulu moku ma Asia, a malaila aku i Amerika.

Na LIMAIKAIKA, E hoopuka'ku.