Ka Nonanona, Volume I, Number 12, 7 December 1841 — Page 47

1841.] KA NONANONA. 47

KA NONANONA.
Honolulu, Dekemaba 7, 1841.
KA RAMA.

            Elua wahi pilikia loa i ka rama ma Hawaii nei, o Honolulu a me Lahaina. E nana i kela palapala a Kaumaea; pela no maanei, akahi wale no ike au i na kane me na wahine e hele ana me ka ona ma ke alanui. Nolaila, e like me kela olelo a Paulo. Roma 9:2. He kaumaha nui ko'u a me ka ehaeha mau ma kuu nau,' pela ka poe pono e noho nei ma keia wahi.
          Eia kekahi; E na kuaaina, auhea oukou, eia ko'u manao ia oukou, e noho loa oukou ma kuaaina. Mai hele i Lahaina a me Honolulu e noho ai, no ka nui loa o ka ino a me ka hoowalewale. Mai hookuu mai hoi i ka oukou mau keiki e hele mai maanei. Ua kokoke like Honolulu nei me Sodoma, a e like auanei kona hopena, ke lilo loa na kanaka me na'lii i ka hewa. E ka poe haipule, e pule oukou no keia wahi ino.

HOIKE KULA.

            Ua hoike iho nei na kula o ka poe pope; ua hele mai na kula o Oahu nei a puni; 700 haumana a'u i lohe ai; aole nae maopopo ia'u ka hana ana.

NO KA POPE.
Waianae, No vemaba 2, 1841.

            E ka Nonanona e; Aloha oe.
          Eia kekahi hana na ke kumu pope, na Iokeve, ma Waianae nei; ua akaka ia makou; ua ike iho nei; aole nae na keiki i hoi, ua hoouku iho nei i kekahi mau keiki elua i haalele i kona aoao; penei ka uku; hookahi haneri dala a kekahi keiki, hookahi a kekahi; alua haneri ana keiki elua; oia ka hana;
          Eia kekahi; ua nana makou ma ke Kanawai o ke aupuni; i ka haalele o ka haumana i kela aoao i keia aoao e uku i ke dala; aole? Na KEIKENUI me na HOAHANAU.
          Auhea oukou e ka poe naauao o Hawaii nei, e nana pono oukou i keia hana ana a ke kumu pope me ka noonoo. Aole anei ku i ka hookiekie kela hana ana? Kainoa na na luna kanawai ia hana, o ka hoopai i ka hewa; eia ka! ua lawe wale ke kahuna pule pope i ka lakou hana. Pela no nae ke ano paa loa o ke pope i wananaia e Daniela Mok. 7: pauku 8. O kela pepeiao hao uuku, ua manaoia, o ka pope no ia, no ka mea hookiekie loa ia maluna o na mea a pau o ka lani a me ka honua. Penei ka hana ana a ua pepeiao hao uuku la, i hoakakaia ma ka pauku 25. "E olelo ia i na mea nui ku e i ka mea Kiekie, a e hookaumaha aku ia i ka poe haipule o ka mea Kiekie loa, a manao iho la ia e hookahuli i na manawa a me na kanawai." Pela ka olelo a ke kaula o Daniela, a pehea kela hana ana ma Waianae? Aole anei ku pono ia i keia olelo wanana? Aole anei ku i ka hookiekie a me ka hookahuli i na kanawai? E nana i keia palapala a Keikenui ma, o Kianui a me Huluhulu kekahi mau kanaka hoike mai ia'u i kela hana a ke kumu pope.

KA UKU NO NA LA KOELE.

            Auhea oe e Kekuanaoa.
          I ka heluhelu ana i ke kanawai hou, aoao 69, pauku 13, "No ka poe noho i na la koele." He hapawalu ka uku no ka noho hana ole o ke kanaka hookahi. Aka, aole pela ka manao o na lunaauhau ma kekahi mau kalana o Oahu nei. Ina e hele ma kahi e, alaila he hapawalu ka uku, aka, ina noho lakou i ka lakou hana, he hapaha ka uku. Pehea la kou manao ilaila? He ku ia i ke kanawai anei, he ole anei? E hoike paha oe maloko o ka Nonanona, i lohe na kanaka a pau. Aloha MAKAANANA.

          Eia ka leo o Ie su, "E kuu keiki, e haawi mai ia'u i kou naau!" A i ka mea hoolohe e olelo mai oia "o hele oe me ka maluhia! O hele i ka luakupapau