Ka Nonanona, Volume I, Number 20, 29 March 1842 — Page 93
1842.] KA NONANONA. 93
He pela hou: he 1/2 2/3 6/4. Penei ka hana; e hoolilo i mahele hookahi. Penei ko'u imi ana ia mea. He 1×2 = 2×6 = 12 hakina, 2+3 = 6×7 = 42 mahele. E o'u hoaluhi mai Halawa a Honouliuli, e nana mai oukou.
Ua hewa io paha au, ua pono io paha o Uma.
He pela hou keia. He 1/2 3/8 6/7. E hoolilo i mahele hookahi. Eia ka hana; 1x3 = 3x6 = 18 hakina. He 2× 4 = 8×7 = 56 mahele. Oia hoi nei. He 18/56. E o'u hoa'loha mai Kaena a Koolaupoko; e nana mai hoi oukou i keia pela hou a T. Uma. He kumu hii i ka ike, a me ke akamai ona. Ua hoole mai, aole ia o ka loaa.
Hele mai o Keikenui a ninau mai ia'u i ka'u hailoaa. Haawi aku la au, a ninau aku la hoi i ka hailoaa a ke kumu pope; hoole mai. Alaila, hoopau aku la ia, me ka i aku, e hoi oe.
I mai kela, hooke oukou; i mai la Kaana, aole o makou ka hooke, aole makou i pii aku i Roma, aka o oe no ka i iho ma. Na KAMANANAI.
HE HOAKAKA.
Ua hewa io no hoi paha oe. Ka ninau mua a ka pope. Olelo mai oe, he 12/42. Ae, ua pono ka mahele; aka, o ka hakina, ua hewa.
Eia ka pono. He 85/42. Oia hoi E 2 1/42.
Pela mai no hoi ka mea hope. Eia kona loaa;
He 110/56; oia ka hapa, a o ka mea okoa hoi: He 1 54/56.
Oia ka loaa O ka ninau mamua, aole akaka. O keia, E 9,000,000--899--9644 = 356. Na KAPEAU.
Manoa, Feberuari 14, 1842.
LELE PALI MA MOLOKAI.
Penei ke kumu o ka lele. Hele aku nei ke kupunawahine i ke kilo uala, he mea mau ia i ka poe wi.
Ia ia e kilo ana i ka uala ma ke kula paoo, ike aku la o Mahoe ia ia, hele mai la ua Mahoe nei, a olelo mai la ia Ulu ka moopuna, penei:
Aia ko kupunawahine i ka waena o hai kahi i kilo paoo ai. I aku kela, "e hele aku au e nana, a ua hele ia i ko hai waena he mea hilahila ia no'u, aka, i ko maua waena no hoi ua pono."
Hopu iho la kela i ka huewai, aole he wai oloko, hele aku la a liuliu iki aku, halawai mai la ke kupunawahine me ka moopuna, olelo aku la ka moopuna ka kupunawahine. "Ua hele paha oe i ko hai waena," hoole mai kela, "aole au i ko hai, i ko kaua no a hoi mai nei?"
Ka! olelo ae nei ka o Mahoe i ko hai waen oe, kahi i kohi ai i ka ai me he ai ole la no hoi ko kaua waena. Ina i ko kaua ua pono no, aka, i ko hai he mea hewa loa ia; nolaila ua hewa loa ia.
O ka uhau aku la no ia i ka huewai maluna o ka haawe, nahaha a me ke keehi aku no ma hope, a hoi mai la laua i ka hale, hoa iho la ke kupunawahine i ka umu o ka uala ana i hoi mai ai. Aole mea i hookolokolo ia manawa, a poakolu, iho kekahi keiki i kai o Palaau, nana i olelo penei:
"Aia ko uka o makou la o ke kupunawahine o Ulu, ua pepehi ia no e ia a eha. Ninau mai na makai, ua eha loa? ua eha loa. O ka pii koke aku la no ia a hiki, nana i ka eha o ke kupunawahine, aole nae i ike ia kahi eha, aole hoi ka pohole, a me ka mainoino maoli ana. Ninau aku