Ka Nonanona, Volume I, Number 23, 10 May 1842 — Page 105

105 KA NONANONA. [MEI,

hema. Ina paha e loaa rnai kekahi mau kumu hou e kokua, alaila pono.

WAILUKU.

                Ap. 11. Holo makou me Kalaka a me Kamika i Wailuku. He ino maoli ke alaloa mai Ukumehame a hiki i ka Maalaea: oki loa na lio i ka luhi a me ka eha. Ahea ala mai ko Maui poe a hana i ua ala la a maikai?
                Hiki makou i Wailuku i ke ahiahi; me e kuu aloha i kela wahi maikai, a me na hoahanau a me na makamaka! He halawai aloha loa ko makou, i kela mau la, a olioli au i ke ku hou ana imua o lakou e hai aku i ka pono o ke Akua. Olioli no hoi au i ke ku paa ana o ka nui o na hoahanau iloko o ka berita o Iehova. He hapa wale no ka poe hoi hope.
                I ka la 12, hoike ke kula kaikamahine malaila. Kanahiku na kaikamahine iloko o ua kula la i keia wa; a ma ko lakou hoike ana, ua akaka ka makaukau ma kekahi mau palapala, ma ka helu, ma ka hoikehonua, ma ka hulikanaka, a me ka pa ko li. Maikai loa ko lakou himeni ana; lealea ka pepeiao ke lohe.
                Hookahi pilikia nui o keia kula nui mai kinohi mai, o ka mai. Aole akaka loa ke kumu o keia mai; no ka mea, he maikai ka noho ana o na haumana; ua maemae na hale a me na wahi moe, a me na aahu, a ua holo nui mawaho, a me ka lawelawe hana. Ua manaoia no ka nui loa o ka ai kekahi hewa; a no ka ai hemahema mamua i ka wa aole i komo iloko o ke kula; he ai kekahi la a he ai ole kekahi la: a i keia wa, aole hemahema iki ma ka ai. Nolaila nui ke koko.

                I ka la 30 o Aperila, make ke keikikane a Mi. L. Kamika, ma Honolulu nei. He umi kona mau malama. O ka hi kona mai; ekolu la wale no kona mai ana, a hele aku ia. Aloha ino ua keiki nei! Aloha ino no hoi kona mau makua. Hookahi wale no a laua keiki, a ua laweia'ku ia. Ua pono no nae, no ka mea, ua pakele i na mea ino o keia ao, a ua loaa ia ia ke ola pau ole me Kristo, e like me kana olelo, "me keia ke aupuni o ka lani." Eha loa a me ka uwe na makua, aole nae inoino ko laua manao i ke Akua. Ke ae nei laua i kana hana he pono; ke olelo nei laua, "nana no i haawi mai, a nana i lawe aku, a e hoomaikaiia kona inoa."

Auhea oe e ka Nonanna.
                E pono paha ia oe ke hai aku i ke ano o na kula kamalii ma Molokai nei. Ua hoike iho nei makou a ma ka hoike ana ua oi aku na kula i keia i na wa mamua. Ke hoomaikai aku nei makou i ke Akua no kona hoomalu ana i na kula o makou i keia wa, a ke noi aku makou ia ia e kala aku i na hemahema i koe, i maikai loa ka noho ana o na haumana.
                O ka naaupo loa o kekahi mau kumu a o ka hapa loa o na kumu ike, oia kekahi hemahema o na kula o keia aina.
                O na hale kula pono ole kekahi mea hemahema loa; aole noho, aole papa, aole mea e pono ai.
                A o ka hale kula ole ma Halawa; no ka palaka a me ka molowa o kolaila poe makua, kekahi hemahema nui ia o makou e noho nei.
                O ka pilikia o na kumu i ka uku ole, he mea hemahema loa ia no ma-