Ka Nonanona, Volume II, Number 1, 7 June 1842 — Page 2
2 KA NONANONA. [IUNE,
i hoonoho ia ai na kumu kula i ka makahiki 1841. I ka la 22 o Ianuari, i mai la na makua o ua keiki la ia'u, e hookomo aku i ke kula; ae aku la no au. Noho iho la no ua keiki la ma ke kula a ike no ua mau makua la i ka ohana a ke kumu, hoopuka hou aku la no mawaho. Noho hou no oia ma ka aina, hele hou aku oia i na la hana a pau o ke Alii; nolaila, ua paa kona inoa ma ka palapala o ka aina, a ua noho iho nei ua keiki la a hiki mai nei.
Hele aku la ua keiki la i kahi o ke kumu Pope, haalele mai la i na la hana a pau o ke Alii. Kii aku la hoi au e hoi mai la i ko'u la hana; hoole mai ua kumu Pope la. A hele mai la ua haole la i ka la 30 o Maraki, ua hala aku no au i ka hana. A hala aku kela i Hanalei, kii ia mai0 au, a olelo mai ua keiki la "ua hoole mai ka'u kumu aole au e hana i kau hana". Kakali no au a hoi mai la ka haole i ka la 31 o Maraki. Olelo pu maua a ninau mai kela ia'u "he alii oe"? Hoole aku la no au, aole. Ninau hou mai la kela, "heaha la kou ano:? I aku la au, he konohiki." I mai kela "no ke aha la oe i hoohana ai i ka'u haumana"?
I aku no au "no ka noho ana ma ko'u aina". Alaila akaka iho la ia'u, i ka i ana mai "he Kalawina oukou, he hoino mai ia makou; i mai oukou he poe hoomanakii makou, he poe hoopunipuni makou." Hoole aku no au, aka o kuu naau, ae no au he oiaio no ia. Olelo mai la oia me ka leo ikaika me ka huhu inaina loa, a me kahi aoao koa no hoi o lakou. Eia hoi keia. I mai oia "he oi oe mamua o ke Alii"? Hoole aku la au, "aole". Hoike aku la au eia no ko'u alii o ke kanawai. I mai ia "ua pau ke kanawai aole kanawai".
He wahi mea kupanaha loa a'u i ike iho nei, o ka huhu o ke kahuna o Maria. Ina paha he kaua o Iehova, he oluolu ka lakou hana.
Ke ninau aku nei au ia oe, e ka Nonanona, he poe kapu anei lakou i ka moe wahine? E Hoakaka mai oe.
Aloha ino na lahuikanaka i huli aku ma ka Pope a haalele i ke kauoha a ko kakou Haku.
Ke i mai nei o Iehova "e malama pono oukou ia oukou iho i na Akua e". Na'u na KAOPUAKEA.
Wailuku, Maui, Mei 6, 1842.
I ka makahiki i hala aku nei, ekolu hoike kula ma kuu apana o Maui Hikina. Ekolu o'u hele ana a puni keia aina; i ike pinepine au i na kumu a me na haumana, a o na makua kekahi ma ko lakou wahi e noho ai; i ike maopopo au i ka hemahema o ka aina, a i hai aku au i ka euanelio i ka poe ilihune.
Menei ka hoike ana: Augate 1841. Na haumana a pau i hele mai i ka hoike ma Wailuku, Kalanikahua, Kula, Honuaula a me Kahikinui. 1623
Ka poe ike i ka heluhelu, Helu Naau a me ka Pal. 738
Ka poe ma ka a, e 885
pau loa 1623
Ianuari 1842. Na haumana a pau i hele mai i ka hoike 1585
Ka poe ike i ka heluhelu, Helu Naau a me ka Pal. 671
Ka poe ike iki. 146
Ka poe ma ka a, e, i 768
pau loa 1585
Aperila 1842. Na haumana a pau i hele mai i ka hoike. 1616
Menei ko lakou ike.