| | Eia ko'u wahi manao ia oukou, e
ka poe e heluhelu ana i keia Puali
Inuwai. Ina ua akaka pono ia ou-
kou kekahi poe i make i ka ona ,
aole nae i pai ia ko lakou inoa ma
keia pepa, e hoike koke mai, i hui
puia ko lakou inoa me na mea i pai
ia; i ike kakou a pau i ka hohonu
loa o ka hewa, o na mea e ona ai. No ka Awa. E ninau mai paha kekahi peneia,
"No ke aha ka pai ole ia ka inoa o
Kamokuiki, me ka poe i make i ka awa?"
Eia. No ka mea, ua kapaia kona
make, "he pepehi kanaka ia." Ua
liia kana kane, o Kamanawa, no ko-
na haawi ana ia ia ka apuawa, ke-
kahi mea e make ai. Aia no hoi i
ka wahine kekahi hewa nui i kona
make ana. Eia kona hewa ilaila.
Ua maa oia i ka inu awa. Ina aole
ona ike i ka inu awa, a me kekahi
mau mea ona e ae, ina ua pakele
oia i ka make; a ua pakele pu paha
kana kane ilaila. Aka, ua maa no laua e inu awa, a o ko laua make
no ia. He pauahi ma Kohala. He luahine ka mea nana ke ahi.
He ahi baka. I ka po, hele na ka-
naka i ke kiai ai. Koe o ka luwahi-
ne ko ka hale. | Hoomoe iho la i ka welu ahi ma
ke poo ona, mai kapuahi a hiki i ka
paia o ka hale; Hiamoe iho la ua
luwahine la. A mai la ke ahi o ka
welu a hiki i ka paia o ka hale.
Wela'e la ka hale. Ala ae la ka
luwahine, ike, ua wela, kokolo aku
iwaho. Wela iho la ke kua i ke ahi
o ka puka o ka hale. Aole nae i
make. Ua ola no me ka mainoino,
me he mea ua make la. A aku
Ia kekahi kulanakauhale, wela ke- kahi keiki a make loa. Pau ia mau
aina ekolu; pau ka ai e kokoke mai
ana, a me kauhale o ia mau aina
ekolu. Oia ko Kohala make a'u i
ike ai. Na MANONO. Kumu Hawaii. Ka waiwai i poho wale i ka Baka. He nui wale na hale i pau i ke
ahi baka ma keia pae aina. Aole
paha pau i ka tausani hookahi. He
nui wale hoi ka waiwai i pau pu me
na hale i ke ahi baka. Oia hoi, o
na waa, na upena, na kaula, na aa-
hu kapa, na moena , na ipu, na pa-
ha, na lole, na kala, na lei palaoa,
na lei hulu, na ahuula, na mahiole,
na niho puaa, na kupee, na hulili, a
me ia mea aku, ia mea aku. O ka
waiwai a na lii kekahi a o ka wai- wai a na kanaka kekahi. Aole kakou ike pono i ka nui o
na tausani kala o ka waiwai i poho
wale, ma keia pae aina, i ka poe
puhi baka. Aka, ina hookahi tau-
sani hale, a me ka waiwai oloko, i
pau i ke ahi baka; a hoohalike ka-
kou i na hale a pau peneia; he ka-
nalima kala ka ka waiwai ko kela hale
ko keia hale; ina ua akaka, he ka- nalima tausani dala ka waiwai i po-
ho wale i ka poe puhi baka. A he
kanalima tausani kala hou aku i pau | |