Ka Nonanona, Volume II, Number 8, 13 September 1842 — Page 35

1842.] KA NONANONA. 35

mai ka poka, a komo iloko o ke kanaka, make koke no. Pela paha ka hekili, i ka wa e lohe ai kakou i kona kani ana, aole e make. Aka, ina lele mai ka uila a komo iloko o ko kakou kino, make koke no. Pela paha ka make ana o kela keiki i olelo ia ma na lalani maluna. Ua lele mai no ka uila a komo i kona kino, a nolaila kona make ana. O ka make ana o na kanaka i olelo ia, i make i ka hekili, he lapuwale ia. Na PAEHEWA.

Lahainaluna, Maraki 15, 1842.

WAHINE ALOHA LOA IA IESU.

            Ia manawa, (mak. o ka Haku 202) aia no kekahi wahine malama i ka Haku, e noho ana ma Karata g e , ma ka aina o Aferika. O Perepetua kona inoa. Ua maikai kona kino. Nui kana waiwai. He kane kana, a me ke keiki uuku, he makuakane a me ka makuwahine kona. Nui kona aloha i kona poe makamaka; aka, oi aku kona aloha ia Iesu mamua aku o kona aloha ia lakou a pau loa. Ua hopuia ua wahine la, a ua alakaiia oia imua i ke alo o ke Alii. A kupaa oia ma ka pono, aole ia i makau i ka huhu o ke Alii. Nui ka uwe ana o kana kane. Koi aku ia i kana wahine e hoole aku ia Ie su , a e hoowahawaha aku i kana olelo. Aole loa ia i ae aku i ka makemake o kana kane, aole loa i hoole aku i ka Haku. Ua kupaa no, a no kona hooikaika ana i keia aoao, hoolei aku la kona poe enemi ia ia mawaena konu o na holoholona hihiu, a ua make ia ia lakou.

Moo. Ek .

            O ka mea naauau, makau no ia, a haalele i ka hewa; o ka mea lapuwale hoi, he haaheo kona a me ka makau ole.—Solomona.

KA NONANONA.

            Honolulu, Tusede , Sep. 13, 1832.

            MANUWA FARANI.

            I ka la 30 o Aug. hiki mai ke alii mai Lahaina mai, a i ka la 1, o Sep. holo mai ke alii manuwa o Kap. Malle t a me ke Kani kele Farani , a me kekahi mau mea iho, o ike i ke alii. He oluolu wale no ko lakou kamailio ana; aole wahi ino; a haawi koke ke alii manuwa i palapala ia Kauikeaouli. Aole au i ike i ua palapala la; he lohe wale no ko'u i na mea maloko. He palapala hoopii no ka pilikia o na kumu pope ma Hawaii nei; ua keakeaia ka lakou hana; ua hoinoia lakou, a ua aki wale ia kekahi o lakou e I. Ii; a noi mai i ke alii i kahu kula okoa no ka aoao pope, a me kau wahi aina no ke kula nui o lakou. No ka rama hoi kekahi olelo; ua hookapuia ke kuai liilii ana, a ua hai ke kuikahi malaila. Peia ua palapala nei.

            Nana na lii i keia palapala a liuliu iki, palapala aku ke alii a me ke kuhina. Aole maopopo ia'u na hua oloko; ua lohe no nae, ua ao aku i kekahi mea, a ua hoole i kekahi mea, a na hoakaka wale aku i kekahi mea no na pilikia.

            A i ka 5 o Sep o ka la noa ia; hele hou mai ke alii manuwa e olelo hou no keia mau mea. He oluolu no hoi ka olelo ana. Ua ae aku na'lii e haawi i kau wahi aina no ke kula nui o ka poe pope, ke makaukau na kumu nana e ao; a hai maopopo aku na'lii i na luna i hoounaia aku nei i Europa, oia hoi, o Mi. Rikeke laua o Haalilio; ua holo aku laua e hoomoakaka imua o na'lii o Eu ropa , i na Kanawai o keia o keia pae aina a me na manao a me na makemake o na'lii, e hooponopono hou i na kuikahi a maikai, a me ka noi aku i ka hoomaluia mai. A ike na lii o Europa he pono, a ae mai o ka pau no ia na kanawai o keia aupuni. O na mee i hoopaaia malaila, oia na mea paa maanei . A lohe ke alii manuwa keia mau mea, oluolu kona manao, a o he oki no ia o ka olelo.

            Ia po iho hele na lii a me kekahi poe haole maluna o ka manuwa, e ui a e inu hoi. Aole nae hoopa iki na lii i kekahi mea ona . He oluolu no a me ka malu ka halawai ana.