Ka Nonanona, Volume II, Number 12, 8 November 1842 — Page 61
1842.] KA NONANONA. 61
K. N. Heaha ke ano o ka oukou berita i hoohiki ai?
K. R. Eia, "Ke hoohiki nei makou imua o ke Akua, a me na kanaka, e waiho loa aku i na mea a pau e ona ai; oia hoi, o ka Rama, o ka Waina, o ka Awa, o ka Baka, a me kela mea aku, keia mea aku e ona'i. Aole makou e inu hoomahui, aole makou e puhi hoomahui; aole puhi no ke aloha, aole hoi no ka lealea; aole makou e kuai, aole haawi aku ia hai;"—Oia ko makou berita.
K. N. Ua pono loa ia. Ua ku paa anei oukou a pau loa? Aole hoi i hope kekahi?
K. R. Ua hoi i hope no kekahi; ua ku paa no nae ka nui.
K. N. Ehia mea i hoi hope i keia mea lapuwale?
K. R. Hookahi keikikane, a hookahi kaikamahine.
K. N. Aloha ino, ka poe e hoi ana i hope i na mea e make ai ke kino a me ka uhane! Pehea? Hoopai anei oukou i ka poe e hoi ana i hope?
K. R. Ae, hoopai no. Aole nae ma ke kala; aole ma ka hana; aka, eia ko makou hoopai ana. Ua holoi koke makou i ko lakou inoa.
K. N. Pehea? Aole hiki anei ia lakou ke komo hou iloko o ka Puaii Inuwai?
K. R. E hiki no, ke mihi lakou, a haalele maoli i na mea e ona'i.
K. N. He mea hilahila paha e hoohiki, a mahope lalau hou, alaila e holoi hou ia ka inoa?
K. R. Ae, he mea hilahila loa.
K. N. Ua pono loa ko oukou hoopai ana. No ka mea, o ka hoopailua ana mai o na hoalauna a pau, he hoopai ikaika loa no ia.
K. R. Pela ka manao a ka poe naauao.
K. N. Ehia kamalii iloko o ka Puali Inuwai ma keia kihapai?
K. R. keikikane, 320
a kaikamahine, 339
hui 659
K. N. Auhea lakou? E ku iluna paha.
K. R. E ku oukou a pau loa, Ea!
K. N. Ae, pomaikai oukou, ke ku paa oukou ma ka Puali Inuiwai.
Nani ko kakou pomaikai i keia wa kinai Rama. Pomaikai ke Alii; a me na lii, pomaikai na makua,—pomaikai hoi na kamalii.
E hauoli pu kakou—e ahaaina pu,—e mele pu me ka hauoli nui, no ka mea, peneia ka olelo a ke Akua; "A i hauoli kekahi, e himeni aku ia."
Ea! Auhea oukou, e na haumana pa ko li? Ua makaukau anei oukou e mele i keia la maikai?
Poe pa ko li Ae.
K. R. Oia, e himeni pu kakou.
Pau keia kamailio ana, ku iho la ka poe pa, ko, li a hoolea ma kekahi mele hou, a me ka leo hou no hoi, akahi no a lohea e ko Hawaii nei. He mele kike.
1 E na koa kamalii
Nani keia la maikai,
Ae, he la e oli ai,
No ka poe inu wai;
Mano no ka pomaikai,
O na hoa inu wai;
Lua ole makamae,
Keia hana kamalii,
Lanakila no ka wai,
Pau na mea e ona ai.
2 E na hoalauna pu,
Momi o Hawaii nei,
Ko Hawaii nei hoku,
Ka "puali inu wai:"
E hookanaka maoli no,
Aole loa nauwe ae,
Aole puhi baka hou,
Puu ka wai e hehena ai,
Kau ka hae e inu wai,
Pau na mea e ona ai.
3 Pono loa keia wa,
Pau ka inu o na lii,
Malu, nani, kamahao,
Make kela enemi:
E hauoli pu kakou,
Pau ka ona o na lii,
Malu no mai o a o,
Maemae ke aupuni nei,
Eu na koa kamalii,
Hapai i ka wai maikai,
[Tune, 'Watchman! tell us of the night.'
Memele maikiia keia mele, a lealea na kanaka i ka lohe, a pau ia he wahi olelo pokole ka Limaikaika. Hai aku