Ka Nonanona, Volume II, Number 12, 8 November 1842 — Page 62
62 KA NONANONA. [NOVEMABA,
la ia i kekahi kanaka inu rama ma Batlimore; inu no ia i ka rama a ona loa ua kanaka nei a moe ma ke alanui i ka po, a pau kona ihu i ka puaa! Akaaka na kamalii i keia; aole o kana mai o ka akaaka.
O kekahi wahine mai hoi; kuhi hewa ia wahine. I kona wa hiamoe, wahi ana, hamama loa kona waha, a holo ka iole iloko o kona opu a holoholo io ia nei iloko olaila. Pilikia loa ia wahine a kahea koke aku ia Kauka, 'e Kauka e, e Kauka e, ua make au i ka iole; eia no iloko o ko'u opu, e holoholo wale ana; auwe! auwe! e Kauka e, e kokua koke mai ia'u." I aku la o Kauka, kuhi hewa paha oe: aole iole malaila." Hoole ikaika mai kela, "aole; he iole no, pehea la ka pono? Auwe—e! I hou aku la ua Kauka apiki nei, "eia ka pono la, e ale oe i ka popoki, a nana no e pepehi i ka iole, o ka pau no ia o kou pilikia." Paa ka waha o ua wahine nei. Kupanaha! Pilikia kela wahine kuhi hewa i ka iole iloko o kona opu: aole pilikia ka poe inu i ka rama a piha loa ka opu i kela wai wela e make ai ke kino a me ka uhane! aole hewa loa ka iole iloko o ka opu; ina he kanaha iole iloko o ke kanaka hookahi, e aho ia, he ole loa ke kiaha rama hookahi." Akaaka loa na kamalii i kela wahine.
Pau keia, o ka hele no ia iwaho. Penei ka hele ana: elua lalani loloa papalua; o ka lalani ma kai o na kamalii no ia no Kaumakapili, a o ka lalani mauka oia na kamalii np Kawaiahao. Hele kela kula keia kula me kona hae ponoi, a iwaena a imua hoi na lii nui a me na lii opiopio, a me kekahi mau haole, a mahope o lakou ka poe hokiokio a me ka hookanikani. O ka hele no ia ma ke alanui laula makai a hiki i ka luakini kahiko ma Kawaiahao, a ua makaukau ka ahaaina malaila i na makua. Ua haliiliiia keia hale i ka mauu a me na moena maemae, a ua kahikoia hoi i na maile, a me na lau ala, a me na mea uliuli o ka nahelehele. Ua piha loa hoi i na makua a me na keiki, a me na paipu; he lanai kekahi mawaho a ua piha. He papa ai loihi ko Kekuanaoa, a ua paapu i ka ai, a me ka ia; ai pu me ia na'lii a me kekahi mau haole no na moku, a me kekahi mau haole kamaaina, a me na haole wahine kekahi. Ua maemae no keia ahaaina ana, a mahalo nui ia e na malihini e noho ana maanei.
E hoomaikaiia ke Akua no kona kokua ana i keia oihana kinai rama, a me kona hoomalu ana ia kakou i keia wa.
KAUKA LAPONA.
I ka la 20 o Oka. holo aku ka moku okohola Zephyr, i Kauai me Laponawahine, a malaila e ee mai ai o Laponakane, o ka hoi loa no ia o laua i America. No ka maimai o ka wahine ko laua hoi ana. O Gardiner ke Kapena o ua moku nei.
KA PULE HAOLE MA HONOLULU NEI.
Ua piha kahi luakini ma Polelewa i keia mau Sabati elua i hala ae nei: ua makemakeia ka olelo a ke kumu hou e na haole, a ua ahaaina iho nei ka ekalesia Betela malaila. Malama paha ua hiki ka manawa e hoomaikai mai ai ke Akua i na haole o keia wahi, a e hoohuli ia lakou mamuli ona. Nani ka pomaikai o kakou ke hanaia mai pela. Aole anei pono ke noi aku ia ia e hana pela?
DISTRESS OF THE WHALE SHIP GEORGE.
On the 25th of October the whale ship George, of New Bedford, anchored in distress at Waialua, a district on the Northwestern side of the island of Oahu. The following particulars have been ascertained in regard to her recent misfortunes. She sailed from Guam on the 13th of April; during the month of August symptoms of scurvy appeared among the crew, and on the 11tj pf September one of the men, Silas Richmond died of this disease. By the last of September all hands were sick, and on the 8th of October another of the men, John Montgomery died. The master of the ship, Abraham Lake, was now taken ill, and on the 13th of October after a season of unusual suffering he died.