Ka Nonanona, Volume II, Number 17, 17 January 1843 — PULE HOOMAU. [ARTICLE]

PULE HOOMAU.

He pule hoomau ko ka ekalesia mua ma Honolulu i keia mau la iho nei, mai ka la @ o Ianuari nei a hiki ka la 8. Ua piha loa ka hale pule ma Kawaiahao i na kanaka i keia mau la, a ua hoolohe maikai lakou i na olelo. Ua hele lokomaikai mai kekahi mau kumu hai ola e kokua i keia hana; eia ko lakou mau inoa, o Alekanedero, o Ilikikoke, a me Pareka, a ua hooikaika pu makou me ka haipule nui, a me ka oluolu loa a mau la. Eia na pooolelo i hoikeiaʻku Haiao 1 Iakobo. 5:16. O ka pule ikaika a ke kanaka pono a lanakila nui ia. Na LIMAIKAIKA. Haiao 2. Oihana 10:33. Eia hoi makou a pau loa imua i ko alo o ke Akua e hoolohe i na mea a pau i kauohaia mai ai e oe e ke Akua." Na HIKIKOKE. Haiao 3. Mat. 18:1. "A ua hele mai nei ke Keiki a ke kanaka e hoolu i ka mea i auwana. Na PAREKA. Haiao 4. Kekahuna 9:10. O na mea a pau i loaa mai i kou lima e hanaʻi e hana oe me kou ikaika; no ka mea, ma ka luakupapau kahi au e hele aku ai, aole hana, aole noonoo, aole ike, aole manao. Na ALEKANEKERO. Haiao5. Ier. 13:23. E hiki anei i ko Aitiopa ke hoano e i kona ili, a me ka leopadi i kona mau kiko? Alaila oukou ka poe maa i ka hana hewa, e hiki ai ke hana maikai. Na ILIKIKOKE. Haiao 6. Heb. 9: 27. A ua hoomaopopoia ka make hookahi ana o na kanaka, a ma ia hope aku ka hoopai ana. Na PAREKA. Haiao 7. Naʻlii 18: 21. Pehea la ka loihi o ko oukou kapekepeke ana iwaena o na manao elua? Na PAREKA. Haiao Heb. 42: 27. Ua ike oukou i kona makemake ana mahope iho, e loaa ia ia ka hoomaikaiia, ua hooleia oia, aole hoi i loaa ia ia kahi e lohe hou mai ai, ua imi aku no nae oia ia mea me ka waimaka. Na LIMAIKAIKA. Haiao 9. Sol. 20: 1. O ka mea i ao pinepineia a hooolea i kona ai, e make koke no ia, aole mea e olaʻi. Na KUKE. Ma ka lohe ana i keia mau haiao, komo ka makau iloko o kekahi poe; haalulu kekahi poe hoahanau a huli mai kekahi poe auwana, a i ka nanaʻku, ua make pono keia hooikaika ana. Aia no nae i ka la mahope,

ike kakou i ka hua o keia hana. Ua huli mai kekahi poe pope i keia mau la.