Ka Nonanona, Volume II, Number 19, 14 February 1843 — Page 90

90 KA NONANONA. [FEBERUARI,

                D. Aole; ua hoole kahiko ka Palapala Hemolele ia ia. Ua hoole ka poe haipule ia ia mai ka wa i kukuluia'i ka pope mua, i ka makahiki 606; a nui ko lakou poe i pepehi wale ia no ia hoole ana.
                I. Mahea kahi i kapa mua ia'i na haumana a Iesu he poe Kristiano? D. Ma Anetioka. Oih. 11: 26. I. Aole no Roma mai ka inoa Kristiano?
                D. Aole?
                I. Heaha ke ano o ka inoa Kristiano?
                D. He inoa hoike i ko kakou pili ana ia Kristo a me ka waiwai nui i loaa ia kakou ma kona make ana a me kona uwao ana. He mea e hoomanao ai kakou ia Kristo a me ka hana i haawiia mai na kakou e hana.
                I. Ia wai e pili ai ka inoa Kristiano? D. Pili i ka poe a pau, i like ko lakou manao me ko Iesu. Pili i ka poe hahai pono i ka palapala hemolele. Ua kukuluia lakou ma ka olelo a Iesu. O Iesu ke kumuwaina, o lakou na lala. I. Pehea na kahuna pope i hoopaiia no ko lakou kipi ana, a no ka pepehi kanaka paha, aole anei i make lakou a like me ka poe Kristano?
                D. Aole. Aole lakou i hoonani i ke Akua; no ka mea, aole lakou i hai mai i ko lakou hewa.
                I. No keaha ko lakou hana ana i ko lakou hewa?
                D. He mea kapu loa ka hai ana i ko lakou hewa imua o ka poe hoole pope; aole ke kahuna nui e kala i ko lakou hala, ke ole lakou e huna. I ko lakou manao, he mea pono loa ka wahahee a me na hana ino a pau loa i ka poe hoole i ka lakou aoao.

NO KE KANAKA I MAKE O MOLOKAI KE OLA NEI NO NAE.

                Auhea oe e Limaikaika. Ua lohe iho nei paha oe ua make kekahi kanaka ma Molokai. Ua make i ka hoomaauia e ka poe Kalawina. Ua hoolahaia kona make ana e ka poe pope. Ua oleloia no ka hai ana o kona kua kona make, i ke amo wale ia me he puaa la maluna o ka laau. Ua luai koko a ua make loa. Pela ka olelo i hoolahaia nona, no Duonisio kahi kumu pope ma Kalaupapa.
                Pono paha ia'u ke hai aku ia oe i ke kumu i make ai o ua Duonisio nei. No ka mea o kona hoomaauia wale no ka i haiia e ka poe pope a me kona make ana, aole lakou i hai maopopo mai i kona hewa i hoomaauia'i. Oia paha kekahi mea e hai aku i maopopo.
                Eia ke kumu o ua make ana la o ua kanaka nei a kakou i lohe ai. Ua kauohaia oia e hele i Kona e hookolokolo no kona hana ole ana i na hana aupuni. Aka, aole ia i hele aku; kii hou ia, aole hele a kii hou ia no, aole loa ia i hele aku.
                Pilikia ka luna nana ia i kii. Hoi ae oia a hai aku i ka lunaauhau. Kii pu hou aku ua luna la a me na makai me ia.
                Hiki aku lakou io Duonisio la. I aku lakou ia ia e pii pu kakou; aole kela i ae mai. I mai la no ia, "aia amoia, aia wahaia, aia hikiia i ke kaula." Alaila olelo ka luna e waha ia ia ma kona kua, hoole o ua Duonisio nei, aole i ae mai, e ake e amoia. Alaila hoomakaukau lakou i na kaula a hana iho la i wahi e moe ai nona me he lewa haole la, a paa ia, olelo lakou ia ia e pii oe a moe iho. Hoole no ia, e ake ia e hapaiia a e hoomoe ia. Alaila hapai maikai iho la lakou ia la a hoomoe iho la maluna a ua mea la a lakou i hana'i nona a moe iho la oia. Hapai ae la. lakou ia ia, a lawe aku la a hemo ke kaula mai ka lima aku o kekahi o lakou, a mahope hele iki ae lakou a hiki i ka hale o ke konohiki, a kuu lakou ia ia ilalo. Alaila i aku la ka luna, "ua pau paha kou hooluhi ana i keia lahuikanaka. E ku ae oe a e hele pu kakou. Aole kela i ae, e ake ia e amoia. Olelo ae la ka luna, "ua pau ka'u; o ka na kanaka o ke'lii koe."
                Alaila hikii ae la kahi makai ia ia. O kona mau lima, a me kona mau wawae huipuia a houia aku ka laau mawaena, alaila amo hou ia aku la oia. Hapai ae la kahi poe ma kona poo, a ma kona kino kahi poe.
                Pela oia i hapaiia aku ai, aole i loihi aku, manao ka poe makai o oni o ua Duonisio nei, pau lakou i ka lele i ka