Ka Nonanona, Volume II, Number 21, 23 March 1843 — Page 108

108           KA   NONANONA.            [MARAKI,

O KA IA KAHIKO A ME NA IA OPIOPIO.

                He olelo nane e hoike ana i ka hoowalewale. Noho mai la kekahi kanaka ma ma kapa muliwai, i kekahi la. Kau pono iho la i ke kole maluna o kamakau a kau aku la maloko o ka wai. Lehulehu na ia malaila, na ia kahiko a me na ia opio. Aole i hookokoke aku na ia kahiko i ka makau, no ka mea, ua ike lakou i kona hewa, a ao aku la lakou i na ia opio, aole e hoopili, aole e hoao i na mea la.
                I aku la, "mai hoowalewaleia e ai i ke koe, no ka mea, ke uhi mai nei no ia i ka makou oioi, aole no oukou ike aku ia, aka, e hoolohe mai, ua nui aku ko makou mau makahiki a me ko makou naauao i ko oukou, a ua uhiia no ka makau, i mea e hoopunipuni ai; a i komo kela iloko o ko oukou mau puu; o ka popilikia no ia. E nana i kela lawaia maalea e ku ana ma kapa, nana no oukou e lawe i ai nana."
                "Aole o'u ike i ka lawaia," wahi a kekahi ia opio, "aole hoi he makau, eia ko'u e ike nei, he koe maikai i hikiikiiia i ka welau o kekahi kaula. E hele mai, e na hoalauna, owau ka mea mua e hoao ai; e hoao iki no au, alaila na oukou pakahi e ai iki iho; no ka mea, he maikai loa keia koe he ono, aole pono kakou ke wahawaha aku ia ia: e nana, ke hele aku nei ia."
                A i kana olelo ana pela, hopu aku la keia ia makau ole i ke koe, mani iho la i ka makau; a emo ole ua paa i ka lawaia: mihi iho la i kona naaupo.
                Lehulehu na mea e hoowalewale ana i na kamalii, pono lakou ke haalele ia mau mea. He hiki apuepue nae i na kamalii ke hoopakeleia. Nolaila pono lakou ke hoolohe i na olelo ao a na makua a me na makamaka i hiki ia lakou ke pale aku i ka hoowalewale ana, a pela lakou e pakele ai ka poino e kau mai ana.

He mau ninau no Aliapaakai, ma Moanalua i Oahu.

                Ina ekolu haneri (300) anana ka loa a ekolu haneri (300) anana ka laula o ia loko; a hookahi kapuai ka manoanoa o ka paakai i hanaia ia ka makahiki hookahi, " Ehia mau kapuai paa o ka paakai?
            A ina i like ke kapuai paa hookahi o ka paakai me ka hapalua o ka busela, ehia mau busela okoa o ka paakai maloko o ia loko e loaa i ka makahiki? A ehia mau pahu okoa malaila?
            lna e malama pono ia ia paakai a pau, a kuaiia; he hapa walu ke kumukuai no ka busela hookahi; ehia mau kala no ia paakai i ka makahiki hookahi?
            lna i lilo he kanaha (40) kanaka i ka malama ana ia paakai i eono mau malama ma ka makahiki hookahi; a ukuia lakou no ia hona i ekolu ($3) kala pakahi no ka malama hookahi; Ehia na kala i lilo aku ia lakou no ka malama pono ana ia loko? A ehia hoi na kala i loaa i na 'lii maloko o ia loko i ka makahiki hookahi?
            Ina i hoopohoia elua hapakolu o ia paakai a pau i ka uku ana i na kanaka no ka lakou hana, no na eke o ka paakai, a i na mea waa  no ka lawe ana i Honolulu, ehia na kala i koe mai i na 'lii noloko mai o ia loko paakai i ka makahiki hookahi?
            He mea nui keia mau ninau no Aliapaakai, nolaila e hai mai kekahi i na mea i ninauia.

LAHAINALUNA, Ian, 16, 1843.

MANUWA HOU.

                Ke lohe nei makou, o ka hiki mai koe o ka moku manawa Amerika, o Cyanne kona inoa, a o Stribling ke kapena. Nani ka hiki pinepine mai o na Manawa i keia manawa.

NA LIMAKAIKA e hoopuka'ku.