Ka Nonanona, Volume II, Number 23, 25 April 1843 — Page 113
113 KA NONANONA. [APERILA,
A pela no ka manao o kekahi poe i ka wa i haule mai ai keia mea hou, manao no o ka la hoopai no paha keia a ke Akua. No ka mea, aole i ike ia mamua keia mea kamahao i na maka, nolaila pihoihoi mai o loko A hele a ninau ia i na kumu i ka inoa: oia ka! he huahekili a he mea ai ia no hoi.
A ohi nui iho la makou ma na ipu, a ma na papale, a ma na omole a liuliu iki hehee ae la a lilo loa i wai inu. He maeele ka poho lima ke waiho kekahi hua malaila 3 a 5 paha minute.
I Maraki 8, Wenede, ka haule ana i ka hora 3, 45 minute o ke ahiahi. He 1/5 a 1/6 paha o ka hora ka loihi o ka haule ana. A pau ae la.
Malia paha ua loaa i ko Maui, a me Oahu a Kauai i ka wa kahiko ka hua like me neia he oolea loa ke pa i ka lae.
Ua uwe kahi puaa no ka eha ana o kona lae i kekahi hua i haule iho ai mai luna iho! E aho ia wahi ai ia oe.
Na IOANE B. KAIANA.
HIMENI KAMALII.
7 Piletona.
1 Mili-la-ni ia Iesu,
E na kama-lii a pau;
O-ia ko ou-kou a-lii,
Ou-kou kona mau pokii.
2 Nona mai na mea a pau,
O na kino, na naau,
Ko ke kino nei waiwai,
Ko ka uhane akamai.
3 O na buke halelu,
Aina, helu, Ao hoku,
Me na palapala e,
Nana no i haawi mai.
4 Huli i na buke nei,
Noonoo hoi i pololei;
Waiho i ka manaka
I pau ai ka hawawa.
5 O ka pono nui nae,
O ka naauao waiwai,
Oia no ka halelu,
Me ke aloha, ia Iesu.
E PAU ANA KA MANAWA.
7. Nuremeboro.
1 A-la, al-a, e nana;
E pua a-na no na la,
Na ma-la-ma le-le no,
Me na maka-hi-ki o'u.
2 Aole au e hoonoonoo,
Lilo no i o i o,
Kuli hoi ka pepeiao,
Hiamoe ka naau.
3 Hele pinepine au,
I na lua kupapau,
Kahi no e waiho ai
I na kini makamae.
4 Ku a nana ma ke kae
O na lua make nei;
Aole nae e hoomanao,
Aole ala, o makau.
5 Lilo wale ka manao
Ma na mea o keia ao.
Nani keia naaupo!
Ala koke, a noonoo.
Waikiki waena, Ap. 1, 1843.
NO KA NINAU O NA HAUMANA O MI. NAPA.
Nau e Nonanona e hoakaka aku i ka pono a me ka hewa o ua ninau nei. Ua imi iho nei ko'u luna manao a ua kupono iki hoi