Ka Nonanona, Volume II, Number 23, 25 April 1843 — NO KA HAULE ANA O KEKAHI MAU HUA MAI LUNA MAI. [ARTICLE]

NO KA HAULE ANA O KEKAHI MAU HUA MAI LUNA MAI.

Ponahawai, Hilo, Maraki 20, 1843.

Aloha oe e Nonanona. Eia ka'u hoike aku ia oe no na hua i haule mai mai ka lewa mai iluna i waena o ka ua, a me ka hekilim a me ka uila. Eia kona ano ponoi a'u i ike ai, ua like me he hua la a ka manu a me ka papapa, he nunui a he liilii no hoi kekahi. No ka poe ike ole i keia mau hua keia hoike ana'ku. "Pela no ma Amerika wahi a kekahi poe olaila, he like me he huamoa la ka nunui. Ua ninau aku i ka poe kahiko i ka hiki ana mai o na hua e like me neia, ia wa, aole kahi mea kahiki i olelo mai i ka hiki ana mai ia wa. Eia ka mea i hiki mai ma Hawaii nei i ka wa kahiki a'u i lohe ai o ke one helelei, a me ka poeleele, ua kau ke one maluna o na lau, a

me na hale a nui loa ua poeleele loa ka wa kakahiaka hora 7 paha a hiki i ka hora 9. Hui aku hui mai ia wa, huhuki aku huhuki mai i ka hai ai a nui loa uwalaau ana, a me na pihe awe me ka mano no, o ka make no keia i hiki mai nei ia kakou," wahi a lakou.

A pela no ka mano o kekahi poe i ka wa i haule mai ai keia mea hou, manao no o ka ia hoopai no paha keia a ke Akua. No ka mea, aole i ike ia mamua keia mea kamahao i na maka, no laila pihoihio mai o loko. A hele a ninau ia i na kumu i ka inoa: oia ka! he huahekili a he mea ai ia no hoi. A ohi nui iho la makou ma na ipu, a ma na papale, a ma na omole a liuliu iki hehee ae la a lilo loa i wai inu. He maeele ku poho lima ke waiho kekahi hua malaila 3 a 5 paha minute. I Maraki 8, Wenede, ka haule ana i ka hora 3, 45 minute o ke ahiahi. He 1/3 a 1/6 pahao ka hora ka loihi o ka haule ana. A pau ae la. Malia paha ua loaa i ko Maui, a me Oahu a Kauai i ka wa kahiko ka hua like me neia he oolea loa ke pa i ka lae. Uaa uwe kahipuaa no ka eha ana o kona lae i kekahi hua i haule iho ai mai luna iho! E aho ia wahi ai ia oe. Na IOANE B. KAIANA.