Ka Nonanona, Volume III, Number 2, 4 July 1843 — Page 11
1843.) KA NONANONA. 11
pope ekolu wahi e noho ai ka uhane. 1. ka po, 2. ka lani, 3. Kahi noho hoomaemae. Aia no kahi noho hoomaemae mawaena o ka lani a me ka po. Aole pela ke ao ana mai a ka Palapala Hemolele. O ke koko o Iesu Kristo, oia ka mea e pau ai ka hewa. Auhea oukou e na kanaka a pau, aole anei e hiki ia oukou ke pale aku i kela aoao ino! aole anei kela he nahesa e nahu mai ana! e malama kakou ia kakou, o lilo aku ma kela aoao ino. Auwe kakou ke lilo ma ia aoao. Auhea oukou e ka poe mamuli o ka pope, he mea pono anei keia mau mea a ka pope i hana ai? i kuu manao aohe pono he mea ino loa keia. J. L. K.
Ka luaaha, Iune 13, 1843.
Aloha oe e Limaikaika,
Ke hoakaka aku nei au ia oe i ko makou noho ana ma Kalae i keia hebedoma iho nei. Holo makou a pau me na wahine a me na keiki. Ma ka po aha ka holo ana ma ka waa, a i na hola elua a me kahapa pae makou i Kalamaula kahi a kaua i holo ai ia olua i noho pu me makou. Hiki aku makou malaila aole hale noho. Nolaila hana iho la makou i paku ma ka hakala o ka luakini a malaila makou i moe ai a ao ia po, Kakahiaka ae ala makou, pau ka pule kau Hikikoki wahine ma ka noho maoli a ua amo ia e na kanaka elua, hana kokua nae na kanaka e ono ma ia hana. Hele wawae na keiki a maua a o Balauna holo pu me au ma ka lio. Pii mauka makou i ehiku mile a i ka luakini hou i hana ia no na kanaka o Kalaupapa a me Kalae, aole i Komo ia ka hale mamua. He hale maikai loa; 12 anana ka loa a eha ka laula, He pai moena no. Hookahi wale no hemahema i koe a maikai loa ka hale. Aole i pani o na puka. Aka ke hoomakaukau nei na kanaka e pani aku.
Nui ka olioli o kanaka i ko makou hiki ana aku malaila. Holakolako mai la lakou ia makou i ka ai a me ka ia a nui wale aole o makou wahi hemahema iki. Aka o ka hale noho, aole o makou hale noho, hana iho la makou i paku maloko o ka luakini hou a malaila makou i noho ai. Nani ka maikai o ia wahi. Ua like me ko kaua aina ke anu. Elua tausani a me na haneri kapuai? ke anu. Elua tausani a me na haneri kapuai? elima ke kiekie maluna o ke kai. He wahi pono loa no ka poe nawaliwali i ka noho ana makai ma kahi wela.
Eia ka hana au i hana ai malaila o ka imi i na hipa o ke Akua ka poe i huli mai ma ka po noi kela makahiki; aka no ko'u pilikia i ka hana a me ka mai aole lakou i ninauninauia. Eha a makou halawai ninau, aole nae i apu ka poe maopopo. Ma ka la Sabati ua olelo e ia. No ka ekalesia na kane a me na wahine he 30.
Aia paa ka hale noho e hele hou aku ana au malaila e imi ana i ua poe hipa. A mahope e malama ana makou i ka ahaaina a ka Haku maluna o ia kuahiwi maloko o ua luakini hou la, a e hookaawale ana i na hoahanau o ia mau apana i ekalesia okoa, e papuia ana ka ekalesia o Kalae a me Kalaupapa. Alaila e pau ka luhi nui o kanaka i ka pii ana i ka pali a i ka hele ana i ke kaha i na mile he 30. a he iwakalua e lohe i ka olelo a ke Akua.
Ua olioli au i ka lohe i ko Gulika, hoonoho ia ana ma nei, no ka mea he mea ia e hiki ai ia'u ke hele io a io a hai aku i ka olelo a ke Akua.
Ma ka la Sabati ua piha maikai ia hale nui. A ua hoolaaia ka hale no ke Akua. A o ka'u pule no ia ia ia e hoolilo ia hale i hale kahi e hanau hou ia na kanaka he nui loa.
Ke mau nei au i ko'u hoaaloha a me kou halawehana alohe ka Haku. H.
Mai noho oe a paupauaho i ka imi ana i keia palapala. Ua pilikia au i ka poelele e ana a me ka luhi, aole au e hiki ke imi i na hewa.
NA MOKU.
MANUA.—I ka la 2 o Iulai nei ku mai ka moku manua, Beritania, o Hazzard kona inoa, a o Bele ke Kapena; he 18 kona mau pu. Mai Bolapola pololei mai keia manua, he 20 la mai laila mai. Ke lohe nei makou aia ma Tahiti e ku ana na moku manua elima, i ka la 11 o Iune iho nei: elua manua Farani, elua hoi no Beritania. Ua holo nae paha kekahi ma ia hope mai. Aole a lakou hana, he noho wale no, e kali ana a maopopo ka manao o na lii Beritania a me na lii o Farani. Ke kau mai nei ma Tahiti na hae