Ka Nonanona, Volume III, Number 4, 18 July 1843 — Page 13

KA NONANONA.
"E ka mea hiamoe, e hele oe i ka nonanona, e nana i kona aoao a e hoonaauao iho." SOLOMONA.
Buke 3. HONOLULU, OAHU, IULAI 18, 1843. Pepa 4.

Iune 6, 1843.
          Aloha oe ka Nonanona. He manao ko'u e hoike aku ia oe a nau no e hoakaka aku, penei; i ke ahiahi i ka hora ekolu, halawai makou me kekahi hoahanau wahine ma ko'u hale, o Nuamea ka inoa.
          I aku la au ia ia "pehea ka mai o Keohouli?" (o kana kane no ia.) I mai la kela, "He mai no, aole okana mai: He mai pilikia loa." Ninau aku la au, "Pehea la ka hana ana a ke kahuna?" I hou mai la kela, "ua hana no ke kahuna a ike i ka pono ole o ka ia la wahi i ike ai." Ae aku la au, "ae, lohe iho nei la hoi au, ua hooiloilo ke kahuna, ua i ae ka he mai pono ole." Alaila i mai la kela "Aole kuu kane i olelo pela." I aku la hoi au, "pehea la?" Olelo mai o Nuamea; Penei no ka ia la hana ana. Iho mai la no kela mai ko ia la wahi a komo i ko maua hale i ke ahiahi.
          I mai la ia makou, "e hoailona e au, a i maikai alaila hana wau: no ka mea, o ko'u wahi kuleana no ia, a i inoino, aole au e hana:" alaila hana iho la no ia, he laui ka hoailona: paa mai la ka mai ma ke poo o ka laui, a ma ka welau aku la ke kahuna. I mai la kela ia makou: "maanei kakou e ike puaeai'a. Eia ko ka mai wahi, a eia hoi ko'u wahi, a i hana au i ka laui, a i huluhulu ko ka mai wahi, a e nemonemo ko'u wahi, aole au e hana: Aka hoi, i nemonemo ko ka mai wahi, a i huluhulu ko'u wahi, alaila au e hana." Hahae ae la ke kahuna e like me kana olelo, hahae ae la, huluhulu ko ka mai wahi, a nemonemo kona wahi; alaila i ae la ke kahuna, "Ke ike pu ae la no kakou." Hahae hou ae la no ia, ka lua ia, like pu no me kela mamua. Alaila kulu iho la ka waimaka o ke kahuna, a uwe iho la kela. I mai la ua kahuna la, "E aho e kii aku ia Kaumu," no ka mea, ua ike iho la kela i ka pono ole.
          Olelo kaukau aku la ua kahuna la; "aole no kakou i noho kekeue, aole no hoi i noho opuinoino aku, a opuinoino mai. Aole i huhu mai ia maua, aole no hoi maua i huhu aku ia olua, aole loa no, i noho maikai wale ia no e kakou a hala kekahi manawa; E aho e kii aku ia Poiaeae (he kahuna anaana ia) e nana wale ae." Alaila olelo aku o Nuamea ka wahine a ka mai; "a, ua pau loa no ia nei i ke ahi, aole wahi mea iki i koe, aole pono ke kii aku ia laua: aka hoi, ke koe la no kau wahi, alaila pono ke kii aku." Alaila noonoo iho la au; no ke akaka ole ia'u o kela mau hua olelo, ninau maoli aku au, heaha ia pau i ke ahi a me ia koe iki ana? I mai kela ia'u, penei, "ka inoa no hoi ka anaanaia?" I hou aku la au, "Pela kou manao?" Ae mai la kela "ae." Kahaha aku la au me ke kahaha nui loa. "E lapuwale! Mai hana oe pela. Kainoa no, ua pau kou manao kuhihewa? Aole ka!" I mai la kela ia'u, "E nana lua no kakou ma keia aoao, a ma ka aoao kahiko." I aku la au "Aole loa no!" "kahaha mai kela me ka ikaika. I make hoi i ke aha o Kalakaua? Kainoa no hoi i make i ka anaanaia."
          Alaila nana aku la au i ke ano o