Ka Nonanona, Volume III, Number 4, 18 July 1843 — Page 14

14 KA NONANONA. (IULAI,

ka hoahanau, he kuhi hewa ke ano a he naaupo no hoi: Olelo aku la au ia ia ma ka olelo ao, "E, he hoahanau oe, ua lohe oe i ke kauoha a ka Haku, ko kakou Akua. Mai hana oe pela, me ka hooioi o kou leo imua o na mea a pau, ua like oe me ka mea e hoole ana i ka mana o Iehova, a o ke kanaka ka mana i kou manao." Pau ka maua olelo ana.
          Auhea oukou e ko'u poe hoahanau aloha iloko o Kristo Iesu, mai Hilo a Waioli, he manao ko'u e hai aku ia oukou. Mai noho oukou a kuhi hewa e like me Nuamea. Mai noho oukou a kapa aku i ke kanaka, he mana e like me ko ia nei. Mai noho a hana naaupo kakou. Ina pela oukou, e like me ko ia nei, alaila ua like kakou me ke kuamuamu ia Iehova, a me ka hoowahawaha aku i kona Akua ana, a me kona mana nui. E paulele loa kakou i kana olelo mana oiaio, i lilo kakou i poe Kristiano oiaio. Aloha oukou
IOANE KAMAHIAI

Lahaina, Iulai 4, 1843.
            Auhea oe e ka Nonanona? He wahi manao ko'u, nau e hai aku. Ua ku mai nei ka moku, o Kinau, mai Oahu mai, a ua haawi mai ke kahumoku ia'u i kekahi mau palapala i keia la. Elua palapala ia'u, hookahi na Mi. Kamika mai, a he 53 la ka holo ana mai o ua palapala nei, mai Oahu mai, a loaa ia'u ma Lahaina nei! Na Mi. Koana mai kekahi palapala ia'u; ua kakauia ma Oahu Mei 26, a 39 la ka holo ana mai, a loaa ia'u i keia la. O ka mea nana i palapala, ua hoi mai a pae maanei, a hoi loa i Hilo, aole kala. O kekahi palapala, na Mi. Koana aku i kana wahine ma Hilo: ua kakauia ka palapala ma Oahu, a hooiliia ma Kinau i ka wa i holopololei aku ai ka moku i Hilo. Aole nae i pae ka palapala ma Hilo, waiho wale ia ma ka moku. Aneane he malama keia o ko Koana noho hou ana ma Hilo, me kana wahine; aka, o ka ka wahine palapala, aole hiki wawe aku. Eia no ia'u. Elua malama koe paha a hiki aku. O kekahi palapala, na Konele wahine ma Hana. Aka, ke holo nei ka lua o ka malama o ko lakou holo ana ma Oahu, a ua hala loa i Kauai. O kekahi palapala, na Emesona mai i kana wahine, ma Lahainaluna. Kakauia ia palapala ma Oahu, Mei 25. Hookahi malama keia mai ka hoi ana mai o ke kane, aka, he hope loa mai ka palapala, 40 la ka holo ana mai o ka palapala. Paewaewa ka hana la, ea! Lawe loa ia keia mau palapala a pau ma Hilo, hoi i Oahu - a ihea la aku?
          I kekahi holo ana mai o Kinau mamua, he nui na palapala a me kekahi ukana i hooiliia mai na makou, a he 35 la paha ka holo ana mai o ia waiwai a loaa mai maanei. O ka poe makemake i ka lakou palapala e holo loa ma ka moana, aole e pae iuka, e hooili ma Kinau.
Na BALUINA.

MAKE NUI.

            Ua make kekehi poe kanaka ehiku iloko o ke kai o Pailolo; e holo ana lakou mai Maui aku a Molokai, a make nui ma ka moana. Penei ka palapala a Kaehu ma Lahainaluna i palapala mai ai.
Iulai 3, 1843.

          Aloha oe e ka Nonanona;
          Eia no keia mea hou e hai aku au ia oe, a nau no e hoike aku ia hai.
          I ka la 24 o Iune i hala iho nei holo aku kekahi waa i Molokai mai