Ka Nonanona, Volume III, Number 6, 8 August 1843 — Page 30
30 KA NONANONA. (AUGATE,
aole alii ma kekahi aupuni, haunaele mau no. Alaila i mai la kela, "he like w ale no na ano o ke kanaka, aole wahi like ole." Ae aku la au, ae, he like ma kekahi mau ano, a ma kekahi, aole like loa. No ka mea, a kekahi kanaka i hanau mai, ua haawi ia mai ia ia ka lohe a me ka ike, a me ke kino maikai. A o kekahi, ua hanau mai oia mai ka opu mai o kona makuwahine, he aa, he oopa. Alaila i mai la kela, "na ke kanaka ia i hana, he kuli la;" alaila i aku la au, aole e hiki i kekahi kanaka ke hana i ke kanaka a hoohanau mai he kuli; I mai la kela, "hiki no, aia no ke kii ma kahi o Papio, he kanaka no ia, ua hana ia e ka lima." Alaila i aku la au ia ia, he hohonu loa kou naaupo. Alaila, i mai la kela, "o oe ke kanaka naaupo loa." Alaila i aku la au ia ia, e nane aku au i ka'u mau nane ia oe, aole nae e hiki ia oe e hai mai; I mai no kela, "hea wale no ia ia'u." Alaila ninau aku la au ia ia, ehia mile mai ka honua aku a i ka mahina? alaila, "i mai la kela, e pii oe e ana i ka loa a hai mai," haawi hou aku no au ia ia i kekahi ninau hou, ehia niho no na bipi 1000, ina paha he 32 niho no ka bipi hookahi. I mai la no kela, "hookahi no niho o ka bipi, he niho keokeo wale no, aole he ulaula, aole he eleele," alaila, i aku au, e pono anei ke kui ia kou mau niho a pau, a koe hookahi, e wali anei kau ai? ae mai no kela, "ae no."
A mahope iho hai mai la kekahi ia'u, "he Farani kela no ka aoao pope, o Davida kona inoa ma ka pa patema ana," alaila pau koke ko'u kamailio, no ka mea, ua nui loa mai ka lehulehu, aole no hoi e hiki ke kamailio aku, no ka mea, ua wawawa ia, o ka pope he poe hoole kanawai, a he poe hoohuli i na noho alii, nolaila ua ku pono keia wanana i ua Davida nei, ka mea hoole i ka pono o ka noho alii ana.
Aloha oe e Davida, e holo oe i Roma, malaila e uu ai i he ahuawa a hoi mai hoka.
Na'u na J. H. PAEHEWA.
HE KANIKAU NO ABENERA KAHEKILI KEKAHI ALII O KEIA PAE AINA I MAKE AKU NEi.
1 O ke ano aloha o Liawahine.
O ka maka aloha o Hikuanaka.
O ke kino oioio o ka lapu loku.
I moe nounounea me Hikuikapua.
I luna o ke opu hiwa a Kane.
I loko o ke kapa auaiku a Lono oe—
He leo keia e mapu nei.
E ano nei i ke kahakai.
O ka maka aloha o kuu makuakane.
I walea i ka ai kihamu pua niu.
Uhane auaukai o Ulakua oe—
Hoakua ka lokoino oia la—la—ia—oe—e—
2 Mehameha iu ka hele a ke aloha.
Ka pee'na ku nei nanowale.
Hele i Kuahaehae ka hele ana.
I paepae leo me Kupinai.
Me na hoa hai wale i ka nahele.
Halawai ae la me Anowahine.
Me ka wahine i ka iukapu o mua oe—
Eia au la i ka lipo.
I walea au i ke kui pua.
Lililo ai maua i ka nahele.
He kamaaina no ka ua waahila.
Uhane peepeeua Kukalahale oe—
Oe wale mai ana no ka manao.
Aole i hoike mai i ka maka he alo-ha-ia oe-e-
3 Haehae wale na maka e maolilei.
Ka newa ana'ku la i Hiikua.
O olua ma kau makani.
He aka he kino wailua.
Ka'u i ike e maalo ana i ke aka wai liu la.
O kuu kane makani moae.
Noho anea kula la o Pahua oe—
O oe ka i makahuna i Kuialauahi.
E uhai ana i ka ua puanaiea.
I noho malihini aku i Palehala.
I o maua hala i Huewa.
Uhane nana makani kau a lialia oe—
Alia oe e ke aloha e koi nei.
E luaiele nei i kuu kino.
O kana malihini iho la ka waina—ka—ia oe—e—