Ka Nonanona, Volume III, Number 10, 3 October 1843 — Page 52

52 KA NONANONA. (OKATOBA,

hia oia i ka mai. Hoi aku la ia i Wailuku e lapaauia e na kumu, aole nae pau kona mai. Paakiki no ia, I kekahi manawa nae, loaa ia ia ka maha, a hele iki oia iwaho o ka hale, a i ka halawai i ka la Sabati. Aka, o ka maha loa, aole loaa; nawaliwali no ia a hiki i kona la i hookuuia aku ai e hoi me kona Haku, ana i paulele ai. Ua paa ka manao o ke Akua e lawe aku ia ia, nolaila, aole ia i paa i ke kanaka.
                Aloha ino o Batimea! Aloha loa! eha loa kuu naau i kuu lohe ana ua make keia lunaolelo aloha; o kuu hoalawehana punahele no ia mumua ma Wailuku. Hana pu maua i ka Iesu hana; launa pinepine me ke aloha; kuka pinepine maua ma na mea e pono ai na uhane o kela kihapai. Lealea pinepine kuu pepeiao i ka lohe ana i kona leo ikaika, e hookani ana iloko o ka hale o Iehova. O Iesu Kristo a me kona make ana ma ke kea o ka mua a me ka noho no ia o kona hoike ana a'u i lohe ai. Hauoli loa kuu naau i kekahi manawa i kana olelo. Mahalo au i kona akamai i ka hoopilipili olelo, i kona wiwo ole imua o na lii a me ka poe hanohano, a me kona molowa ole i ka hana a ke Akua. Me he koa la ia ma ko Iesu aoao.
                O Batimea ka hua mua o ka Uhane Hemolele ma keia pae aina; oia ka lua o na hoahanau i bapetiso ia iloko o ka inoa o ka Makua, ke Keiki a me ka Uhane Hemolele ma Hawaii nei.
                Na Mi. Rikeke i bapetiso ia ia ma Lahaina i ka makahiki o ka Haku 1825.
                Noho no ia ma Lahaina a hiki i kona wa e hele aku ai i Hilo. Noho no ia ma Hilo e hoohuli i kolaila poe i ka pono a e hoonaauao ia lakou ma ka olelo a ke Akua. Hapai pu no ia i ka hana maikai malaila me na misionari; aole nae i ikea kona lalau, a me kona hookiekie, a me kona haule ana iloko o ka hewa. He hoalawehana haahaa ia: ku pono kana hana i ka hoahanau oiaio.
                Mahope iho nei i ka makahiki 1835 hoi mai no ia i Wailuku e noho ai, aole nae ano hou ae. Oia mau no kona ano maikai ma Wailuku ike pono au i ka pono o kona noho ana a me kana hana.
                Eia kekahi mau mea a'u i mahalo ai ma ua Batania la, aole nae nona ponoi; na ka mana o ke Akua i hana iloko ona. Aole e pau.

NA MOKU.

                He nui wale na moku i holo mai i Oahu nei i keia wa; i kela la aku nei he 11 moku okohola e ku ana mawaho o Honolulu nei, a ua komo mai kekahi mau moku iloko.
                Eia ke ku nei ke kialua o Cayuga no Mazetlan mai; nana no i lawe mai na palapala he nui wale mai Amerika mai, a mai Europa mai kekahi.
                Eia kekahi mau mea a makou i ike ai ma keia mau palapala.
                He nui wale ka pioloke ma Amerika no ka hana a Lord George Paulet maanei; ua hoohewa loa ia kana hana, no kona hoopilikia kumu ole ana i keia aupuni nawaliwali; a ua olioli loa no hoi ko Amerika poe no ka hoihoiia mai o ke aupuni. Nolalia ua mahaloia ka hana a na'iii Beritania no ko lakou hoole ana i keia hana a Lord Paulet.
                Eia kekahi; ua lohe wale makou, ua laweia ka oihana Kanikele a ke Kanikele kahiko no Beritania ma Hawaii nei, a ua hoohewaia kana hana. Aole nae i paiia keia.
                Eia kekahi; i keia mau la iho nei holo mai kekahi kialua mai Valaperaiso mai, o Basalisk, kona inoa! no Adamarela Thomas keia moku; a lohe makou ia ia, kokoke holo mai kekahi moku kalepa nui maanei.

Na LIMAIKAIKA e hoopuka'ku.