Ka Nonanona, Volume III, Number 16, 26 December 1843 — Page 76
76 KA NONANONA. (DEKEMABA,
na mea e hoohaumia ai i ke kanaka."
Pela ka olelo a Iesu no ke kanawai, a no ka hewa o ka naau, He mea uuku anei keia mau mea a ka Huku i hoakaka mai ai? He mea nui paha. He pololei, a he hemolele ke kanawai, a ma ka nana ana iloko olaila, i akaka lea ai, he mea nui ka hewa, a he ino loa hoi. Ua hoakaka mai no hoi o Iakoba ma kana palapala, 2: 10. peneia. "O ka mea e malama i ke kanawai a i haule hookahi, ua hewa no ia i na kanawai a pau."
E na hoahanau, pehea ko oukou manao i keia mau olelo? Aole anei he mea nui ka hewa? A ua maopopo anei keia ia oukou mai ko oukou ike ana ia oukou iho maloko o ke aniani o ke kanawai? Ina ua maopopo ole ia oukou, he mea nui ka hewa, ina ua kuhi hewa oukou, a ua lalau ko oukou manao. Manao paha kekahi o oukou, o na hewa mawaho ma ke kino, oia na hewa nui, a o na kuko hewa o ka naau, oia na hewa liilii. Aole pela ko ke Akua manao, i hoakakaia ae nei: a ua ike pono no ia i ka helehelena o na kanaka. He mea pono no oukou e nana nui maloko o ke kanawai o Iehova, me ka noonoo o ka naau, malaila e ike lea ai oukou i na hewa nui loa e pili ana i kanaka. Malaila paha e loaa ia oukou ka makau, ka weliweli, a makau, a me ka mihi mau i na hewa a pau loa. Ina e kaupaonaia oukou ma ke kanawai, ma ka mea kaupaona a ke Akua e ikeia auanei ko oukou manao, a me ko oukou nele, a me ko oukou make. Mai kapa iho oukou i kekahi hewa he liilii. Aole he mea uuku kahi hewa. He mea nui na hewa a pau, a o na kuko hewa a ka naau, oia na hewa nui loa.
Mai noho naaupo hou aku, e na hoahunau. E nana nui oukou maloko o ke aniani o ke kanawai, a ike oukou malaila, ua nui loa ka hewa, a holo koke aku oukou io Iesu la, i ka puuhonua, a noho paa loa iloko olaila, o hiki e mai ka hoopai-koko, a make oukou i ka make mau loa.
A. TATINA.
Ua pono iki Honolulu nei i keia wa; aole nui ka ino e like me mamua aku nei; ua pau i ka haalele i ka hookamakama kekahi poe, a ke hele nei i na halawai haipule. Ke makaala nei kekahi poe hoahanau i ka paipai i ka poe hoomaloka, a mahuahua na kanaka ma na halawai.
NA MANUWA.
I ka la 19 o Dek. nei, ku mai ke Kialua o Basalisk, (he wahi manuwa Beritania) mai Mekiko (St. Blas) mai, aole nae he nui na palapala i laweia mai; aia maluna o ka Hazzard ia mau mea; ua holo aku ia i Mazetlan, a holo koke mai maanei. Iloko o Ianuari paha, ku maanei.
Eia kekahi; i ka la 23, o Dek. nei, holo aku ka manuwa Beritania Champion i Mazetlan, e halihali palapala.
Eia kekahi; ia la no (23,) ku mai ka manuwa Farani, o Bonpole kona inoa, ma Honolulu nei, a kani nui na pu aloha. No Bolabola mai keia manuwa; he 20 la ma ka moana. Aole akaka kona mea e holo mai ai maanei.
Na mea hou. Eia na mea hou a makou ilohe ai i keia mau moku.
Ke holo mai maluna o ka manuwa Ha zzard, ke Kanikele nui no Beritania, e noho loa ma keia pae aina; o Mila (Gen. Miller) kona inoa. Ua noho iki mai keia alii maanei mamua i ka makahiki 1831. He haole limaoopa.
Eia kekahi; ua lawe lilo loa ka poe Fa rani i kela pae aina i kapaia o Borabora; mamua iho nei ka lawe ana. Nolaila, ua pau ka noho alii ana o Pomare wahine, a me kona poe alii a pau. Eia ke kumu o ka lawe ana; Olelo ke Komakoa Farani ia Pomare, e huki ilalo i ka hae Beritania, ana i kau aku ai iluna mamua aku nei, a e kau hou iluna i kekahi hae e ae ana i manao ai. Hoole loa o Pomare, aua i ka hae Beritania; o ka holo no ia o na koa Farani iuka, a lawe i ka aina, a kau iluna i ka hae Farani. O ka pau no ia.
Eia kekahi; i keia mau la ku mai kekahi moku kalepa, mai Kolume bia mai, a lohe makou, ua hele mai na kanaka hou, hookahi kausani, mai Amerikahuipuia mai, e noho ma Oregona. Ma ka mauna pohaku ka hele ana ae.
Eia kekahi lohe; he mai ko Mi. Le slie, ke kahuna pule i hoi aku nei malaila; he puu kona mai. Nolaila, aole holo mai. Kaumaha kana kaikamahine ma ka Punahou nei.
Eia kekahi lohe; i ka malama o Novemaba iho nei, holo mai o Haalilio ma; aole nae akaka loa.
Na LIMAIKAIKA e hoopuka'ku.