Ka Nonanona, Volume III, Number 18, 23 January 1844 — Page 87

1844) K A N O N A NO N A . 87

wili a puni, a e hookomo ana o Kaaunioana i ke ko iloko o ka nau: maikai ka hele ana o na bipi, a malio e puiwa na bipi, a lele; pilikia kahi i noho ai o keia kanaka, o ke komo no ia o kona lima akau i ka waha o na nau, a holo loa iloko o ka wili a pepe loa. Hookahi manamana iki i koe, aole i moku.
            Aloha Mi. Bona, ka misionari nui Iole, i keia kanaka pilikia; a pii ae la i kali o ka Pake, a oki aku la i ka pulima a moku loa aku, a koe mai kahi manamana iki.
            Ahea pau ka hawawa o kanaka Hawaii Pinepine ka poino ana o na kanaka i na wiliko ma keia pae aina, a no ke aha la? No ka hawawa no, a me ka nanea kekahi. E hoopakaala ka poe lawelawe ma kahi o na wiliko. S. N. HALEOLE.

Kailua, Dec. 23: 1813.
Aloha oe e ka Nonanona:

                Ua ike paha oe i na kanawai a pau o keia aina, nolaila ke noi aku hei au ia oe e hoakaka mai i kekahi mau mea. Ua ike kakou a pau ma ka Mok I. Pau. 1 o na kanawai o ko Hawaii nei.
            "Ma keia hope aku aole e kani; kekahi kanawai no ke aupuni, ke pai ole ia ka olelo o ke kanawai mamua, a hoolahaia mai o a o."
            Eia nae ma Hawaii nei kekahi mau kanawai, aole pai ia. Ua loaa ia makou i kekahi palapala i pai ia ma Lahaina i kapaia, " Na kanawai a me na olelo ae like. Ua hooholoia ma ka ahaolelo o na Alii, a me ka poe kohoia i ka halawai ana e like me ke Kumu Kanawai, Aperila 18-12. Huli au malaila, no ka mea. kuhi au ua pau loa i ka pai ia ma Keia palapala na olelo i hooholoia ma ka ahaolelo; aole loaa iki. Nolaila huli au i ka Nonanona, aole hoi loaa malaila.
            Eia na kanawai; ma kekahi kanawai, ua auhauia na kumu e like me na kanaka a pau.
            Ma kekahi, ua kau ia ka uku no haumana e haalele ana i kekahi kula, a e komo ana iloko o kekahi kula hou.
            Ma ka olelo a na Kahu-kula ka hoolaha ana o keia mau kanawai. Ke manao nei na kumu, ua ku e keia hana ana i ke kanawai ma ka Mok. I. Pauk. 1: nolaila, aole oluolu lakou i ka lawe ana o ko lakou mau kala.
            Aole au e hoohalahala i ka auhau ana, aka ma kuu manao,aole pono ke kau ana me ka pai ole, e like me kela kanawai maluna.
            No ke aha ka hookaumaha ana i na haumana hele ma kahi hou? No ke aha hoi ke kau ana me ka pai ole?
            Ina ua ike oe i keia mau kanawai, e pai ae, a heluhelu makou a pau.
            Eia hoi kekahi manao no na alii, ma kau hou kekahi kanawai me ka pai ole a me ka hoolaha mai o a o, a i ole, e holoi kela kanawai ma ka Mok. 1. No ka mea, ke ike pono na kanaka, aole ku like keia hana ana me ke kanawai, nolaila aole oluolu lakou. KIKO.

NO KA MOE KOLOHE.

                Mai kuu wa i hiki mai ai i Hawaii nei, a hiki i keia manawa, ua manao mai au i ka noho maemae ana o ka hanauna ai a me ka hanauna opiopio hoi. Nui Ka noonoo ana a me ka hana ana a ka poe pono ma Amerikahuipuia e hoopau i ka moe kolohe ana o na kanaka, a me na kanaka male hoi.
            Paipai nui aku lakou i ka poe ui e haalele i keia hana ino loa, a me na mea a pau e hoohaumia ana i ke kino a me ka uhane o lakou. I ko'u manao, oi loa aku ka ino o ia mau