Ka Nonanona, Volume III, Number 18, 23 January 1844 — Page 88

88   KA NONANONA.  (IANUARI,

mea, i ka ona, a me ka  puhi  baka, o ka hanauna hou.   O ka moe kolohe, oia ka  mea  e  hooemi  nui mai ana i keia lahuikanaka.
            He mea mau na'u e ao aku i kuu mau haumana i ka ino nui loa o keia hana, a me ka ino hoi o ko lakou noho ana mamua. Aka, he hana pilikoa keia; aneane hiki ole ia lakou ke uumi mai i ko  lakou kuko iho. Ina  paha pela aku lakou, i keia hana ino ana a me ka olelo ana, a me ka manao ana, a lilo lakou i poe kanaka makua, alaila, nani paha ko lakou pomaikai.
            Oia no ko'u makemake nui no lakou, a no ka hanauna hou mai Hawaii a Niihau.               Na KUKE.   
            (Aole pau.)

HE MELE ALOHA NO KEKAHI MISIONARI I MAKE MA  KlNA.

Aloha na makani eha a lakou i imi mai ai,
Aloha na uila, i anapu mai ma ka hikina a me ke komohana,
Aloha na mea akamai i ka pana lele,
Eia ka'u pana, a oukou a ike ai,
O ka oukou hai ana i ka olelo wale no a ke Akua.
Hai mai oukou me ka pahi ole, e hoopai mai ia makou nei.
Aloha ne kaula ihu o ka moku nui o Iesu;
A me na pu e kani maikai ana.
Aole e kani ma keia mau pu.
Aloha na alaula malamalama, i ka make ana.
Ua hele aku no nae oukou i kahi noiau loa,
I kahi e pau ai ka eha.
E milimili ana oukou i na huewai, wai ono loa,
E hoonani ana i kahi lohe ole ia o ka inoa;
E lohe ana i ke kani ana o na mea a ka mea kiekie loa.
Aloha mehana oukou na ohi paka maikai
Aloha ino! aloha na papa heenalu holo o Ame rika, a me na okana kani.
Aloha na hoomalu a ka mea kaulana.
Aloha na olai e hoonaue ana i ka hewa. Ke ola no ka oukou i hai mai ia makou.
O ka hewa no ka mea nui  a ka naaupo i manao ai.
Aole i manaoia ka Iehova, ole pololei loa.
O ka ililaumania, aole e oi aku ka maikai mamua o Iehova.
He mau kii onohi maikai oukou, e na misionari.
He mau poka ikaika oukou i ke amo i na huli me na lau.
He mau eke maikai ka oukou a me ko oukou mau hale, e na misionari.
Kohala Dek. 1814.     KAILIHALAPIA.

KULA  HOU.

                Ua haalele o Mi. Ioane laua me kana wahine i ke kula haole ma Honolulu nei, a ke hoomakaukau nei laua i kula haole okoa. Aole nae akaaka kahi o ko laua hale kula e ku ai; mamuli paha maopopo. Aole hoi akaka ke kumu nana e pani ko laua hakahaka iloko o ke kula haole a laua i haalele ai. Pomaikai keia wahi ke nui na kula maikai; oia ka mea e naauao ai ka hanauna hou, oia hoi ka mea e makaukau ai na kamalu e noho pono, a hana pono, i ko lakou wa kanaka makua.   

ALEMANAKA.

Ka malama 3.      MARAKI, 1814.    O kona mau la 31.

                                                          La,          h.             m.
Mahina poepoe,                               4           9              02    A.
Mahina hapalua hope.                      11          1              19   A.
Mahina hou,                                    18          1              17   K.
Mahina hapalua mua,                       25          5               1    K.

NA LIMAIKAIKA e hoopuka'ku.